radheef.info
ރަދީފު


ދޫ
ނ (1) އިންސާނުންގެ އަނގައިގެ ތެރޭގައިވާ ވާހަކަދެއްކުމަށް އެހީވެދޭ ގުނަވަން. (2) ރަހަބެލުމުގެ ގުނަވަން. (3) ގޮނޑި އަލަމާރި މޭޒު ދޮރު ދޮރުފަތްފަދަ ތެދުއުއިވަޑާމުގެ ތަކެތި ހެދުމުގައި އެއްބައި އަނެއް ބަޔަށް މެހުމަށް ވަށައިގެން ކަނޑައި ކޮޅުން ނެރެފައި ހުންނަ ތަންކޮޅު. (4) ތަޅުލުމަށާއި ހުޅުވުމަށް ތަޅާއި ތަޅުދަނޑީގައި ހުންނަ ތަންކޮޅު. (5) ވައިޖަހާ އެއްޗިއްސަށް ވައިވައްދަން ހުންނަ ތަންކޮޅު. (6) ބާރު މިބަހުގެ ހަތަރުވަނަ މާނައިގެ އިދިކޮޅު (7) ވާން މިބަހުގެ އިދިކޮޅު (8) ފަލިތަންޑުގެ ކޮޅުގައި ފެނުގައި އެޅުވުމަށް ހަރުކޮފައި ހުންނަ ފިލާކޮޅު (9) ރަށް
މާދީނި
ނ )ޏ ސ ( މާދޫނި
މާދޫނި
ނ އަސްދޫނި ވައްތަރަށް ތިރިކޮށްތިބޭ ކަނޑުމަތީ ދޫންޏެއް މީގެ ދެތިން ވައްތަރެއް އުޅެއެވެ
މާދޫންނާ
ނ )ގ ( ޢީދުގެ ކުޅިވަރު ތެރޭ ހަދާ ބޮޑު ދޫންޏެއް
މާގަނޑު
ނ (1) ރާނބާގަސް ކަނދޮޅުގަސް ފަދަގަސް ގަހުގައި އަންނަ މައު. (2) އިހުޒަމާނުގައި ބައެއް މީހުން ލައިއެޅުނު ހަރުވާޅުގެ ދާގަނޑުގެ ކޮޅުގައި ނުވަތަ މުންޑުގެމަތިން އައްސާ ރޮދިގަނޑުގެ ކޮޅުގައި ފަށުވިން ނުވަތަ އުއިން ނުވަތަ އެފަދަ އެހެން އެއްޗަކުން ވައްކޮށް ނުވަތަ އެހެންވެސް ސިފައަކަށް ހަދާހަރުކޮށްފައި އޮންނަ އެތި. (3) ފެން ވެރުމަށްޓަކައި ފެން އިސްކުރުދޫކޮށްލުމުން ފެންދޭ އެއްޗެހިން ފެންފައިބާގޮތަށް ފެން އަންނާނެހެން ހަދައި މަތީގައި ހަރުކޮށްފައި ހުންނަ އެއްޗެއް. (4) ގާއޮޑިލަވަ ލަނގިރި ދަނޑިޖެހުން ފަދަ ކުޅިވަރު ކުޅޭއިރު ގެންގުޅޭ ދަނޑީގެ ކޮޅުގައްޔާއި ދުންކުނި އަނބުރާ ދަނޑީގެ ކޮޅުގާ ފޮތިން ނުވަތަ އުއިން ނުވަތަ ކަރުދާހުން ވައްކޮށް ނުވަތަ އެހެންވެސް ސިފައަކަށް ހަދައި ހަރުކޮށްފައި އޮންނައެތި (5) މޫދުމާގަނޑު (6) ބައެއްމީހުން ރީއްޗަކަށް ބައިސްކަލުގެ ފުރޮޅުގެ ބޫސް ދަގަނޑަށް މަހާލައިގެން ބޭނުންކުރާ އެއްޗެއް މިހަދައިފައި އޮންނާނީ ވައްކޮށް ދެތިންކުލަ އެކުލެވޭ ގޮތަށެވެ
މާގަނޑުފާނަ
ނ ރަން ރީނދޫކުލައިގެ ރޮނގުތަކެއް ހުންނަ ފާނައެއް
މާގައިވުން
މ )ސ.( ކަންދިމާވާގޮތަކުން އަންހެނުންގެ ކުރިމަތިފަރާތުގެ ދަރިދޮރު ބޮޑުވުން. )މަސައްކަތުގެ ތެރޭގައިވެސް އެކުރާކަމެއްގައި އެއްޗެއް މިންވަރު ކުރާތަނަކުން ދޫވެއްޖެނަމަ މީ މާގައި ވެފައިވާ އެއްޗެކޭ ބުނެއެވެ
މާގުރާމާދޫނި
ނ ޚިޔާލީ ވާހަކައެއްގައި ކިޔާވަރަށް ބޮޑުދޫންޏެއް
މިރިހި
ނ ބޭހަށާއި ކެއުމަށް ފަތް ބޭނުން ކުރާ ގަހެއް )މިގަހަކީ ފަތުގައި ކެހެރިގޮތެއް ހުންނަ ރީނދޫ މަލެއް ފޮޅޭ ގަހެކެވެ
މިރިހިދޫންޏަށްހުނިޖެހުން
މ ބިލެތް މަލާފަތުގައި ބިލެތްޖަހާއިރު މިރިހި ދޫނީގެ ސިފައިގައި ބިލެތްގަނޑުގެ ހުނގޫ ފަތުގައި ހުނިޖެހުން. މަލާ ފަތުގައި ޖަހަން ނޫނަސް މިގޮތަށް ހުނި ޖަހައެވެ
މިލްކުންކެނޑުން
މ (1) ތިމާގެ އަމިއްލަ ތަކެތި ނުވަތަ އެތަކެތިން ބައެއް ދޫކޮށްލުން (2) ތިމާގެ އަމިއްލަ ތަކެތި އެކުގައި ދޫކޮށްލުން
މިސްކިތަށްއެރުން
މ (1) މިސްކިތަށްވަނުން (2) މަޖާޒު: )ޏ ( ދުނިޔޭގެ ކަންތައް ދޫކޮށް އަޅުކަމާ މަޝްޣޫލުވުން (3) ނަމާދުކުރުން
މުހާޖިރިއްޔަބޭކަލުން
ނ މައްކާ ފަތަޙަކުރެއްވުމުގެ ކުރީން އިސްލާމް ދީނަށްޓަކައި މައްކާ ދޫކުރައްވައި މަދީނާއަށް ވަޑައިގެންނެވި ބޭކަލުން
މުހާޖިރުން
ނ (1) މުހާޖިރިއްޔަ ބޭކަލުން. (2) ކޮންމެވެސް ސަބަބަކާހުރެ އަމިއްލަ ވަޒަންދޫކޮށް އެހެން ތަނަކަށްގޮސް ވަޒަންވެރިވާމީހުން (3) އަމިއްލަ ރަށުގައި އުޅެވެން ނެތުމުގެ ސަބަބުން ރަށުން ބޭރުވާމީހުން
މުނިޔާ
ނ އަޑުރީތި ކުޑަ ދޫންޏެއް )މިދޫނީގެ ބޮޑު މިނަކީ ގާތްގަނޑަކަށް ދެއިންޗިބައި ނުވަތަ ތިން އިންޗިހާވަރެވެ މިއީ ގޮވާމާއި މޭވާކައި އުޅޭ ދޫންޏެކެވެ މުނިޔާގެ ތިންވައްތަރެއް އުޅެއެވެ އެއީ ޖަންގަލީ މުނިޔާއާއި ރަތްމުނިޔާއާއި ފަރުބަދަމަތީ މުނިޔާއެވެ
މުންޏަމެރި
ނ (1) ދޮންދޫނީގެ ބާވަތެއް (2) ޖަޑާ
މުރައްކަބުނަން
ނ އެއްބަހަށްވުރެ ގިނަބަހުން އެކުލެވިގެންވާ ނަން މިސާލު: ހުންގާނުދޫނި
މުރުސަލު
ނ ރަސްރަސްކަލުންގެ ޢިއްޒަތުގެ ތެރޭގައި ގެންގުޅެވޭ ޚާއްޞަ އެއްޗެއް މިއީ ސާމަރާދޫނީގެ ފަތާއި ކެނދިފަށުއިފަދަ އެއްޗެހިން ހަދައިފައި ހުންނަ އެއްޗެކެވެ މީގެ ބޭނުމަކީ މެހި ފޮޅުމެވެ. މިއަށް ހުންނާނީ މީރުވަސްދުވާ އަތަރު ޖަހައިފައެވެ.
މުއްދު
ނ (1) ދެއަތްގޮށި ޖަހާފައި އެއްފަހަރާ ނެގޭ މިންވަރު. (2) ހިކި ތަކެތި މިނަށް ގެންގުޅޭ ނާޅި ކަހަލަ އެއްޗެއް. (3) ވާޖިބު ބައެއް ކަންތައް ހުއްދަގޮތުގައި ދޫކޮށްލާފައި އޭގެ ބަދަލުގައި ދޭންވާ މިންވަރު. (4) ދީނީ ގޮތުން ކުރުން ހުއްދަނޫން ބައެއް ކަންތައް ކުރެވުމުން ދޭންޖެހޭ ކައްފާރާ )މުއްދެއްގެ މިންވަރު ކަމުގައި މިޒަމާނުގައި ބަލަނީ ހަތަރު މުއްދަކީ އެއް ޞާޢު ޞާޢަކީ ދޭއްޕޮއިންޓް ހަތަރެއް ސުމެއް ސުމެއް ކިލޯކަމަށެވެ
މުދިންކާޅުބުނިގޮތް
މިސާލު: އިހުއޮތްގޮތް. )ހިނގަހިނގާއޮތް ކަމެއް މާނަކޮށްފައި ބޭވުމަށްފަހު އެކަން އޮބި ނޯވެގެން ދޫކޮށްލާ ދޫކޮށްލުން
މުތާމުދަގަނޑު
ނ ނަވުގެ ބޯރުދޫ ބޭރުގައި ކުނބާ ހަމަތާގައި ކުނބުގެ ވާ ހިފުމަށް ހަރުކޮށްފައި ހުންނަ ފަލަ ދަގަނޑު