radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
ކޮތަޅު
ނ (1) އެއްޗެހި އަޅަން ތިންފަރާތުން ބައްދައިފައި އޮންނަ ކުދިގޯނި ނުވަތަ އުރަ (2) )މ ( މޫދުގައިއުޅޭ ތަތުންފުޅި
ކޮލިލޯގަނޑު
ނ ކޮލިލާއިރުގައި ކޮލިކަލޭގެ ޖަހަން ބޭނުންކުރާ ލޯގަނޑު މިއީ ބޯ ލޮއިން ވަށްކޮށް ފަތިކޮށް ހަދައިފައި އޮންނަ އެއްޗެކެވެ
ކޮލުދަތް
ނ (1) ފޭރާދަތާ ޖެހިގެން ހިރުގަނޑުގެ ކަނާ ހަމަޔަށް ހުންނަ ދަތްތައް (2) ފުށުން ހަދައިފައި ތެލުލައި ހަކުރުލައިފައި ހުންނަ ފޮނި ހެދިކާއެއްޗެއް މިހަދައިފައި ހުންނަނީ ކޮލުދަތާ ވައްތަރު ގޮތަކަށެވެ
ކޮޑި
ނ (1) ރޮންދާގެ ތިލަޖަހާން ހަދައިފައި އޮންނަ ލަކުޑިގަނޑު. (2) އޮޑިފަހަރުގެ ތުންމަތީރިޔަލުގެ މައްޗަށްނަގާ ކަތިރިޔާ. މީގެ މޯރާކޮޅު އޮންނާނީ ތޫނުކޮންނެވެ. (3) ދިގުމިނާއި ފުޅާމިނާއި އުސްމިން ބޭނުންކޮށްގެން އަޅާމިނެއް. (4) ދިގުމިނާއި ފުޅާމިނާއި އުސްމިން އެއްވަރު
ކޮޕީކަރުދާސް
ނ ދެކަރުދާސްފަށް ދޭތެރެއަށް ލައްވައިގެންމަތީ ކަރުދާހުގައި ލިޔުނީމާ ދަށުކަރުދާހަށް ނަކަލު އަރާނޭގޮތަށް ހަދައިފައިވާ ކަރުދާސް
އަށި
ނ (1) އިށީނދެ އޮށޯވެހަދާން ލަކުޑީން ނުވަތަ އެހެން އެއްޗަކުން ހަތަރު ކަނަށް ހަދައިފައި ޖަހައިފައި ފަޑިނާޅާ ހުންނަ އެއްޗެއް (2) މިބޭނުމުގައި ރާނައިފައި ހުންނަ ތަންތަން (3) އެކިއެކިކަންތަކު މައްޗަށް އަރައި ތިބޭށާއި އަދިވެސް ބައެއް ބޭނުމުގައި ހަދާތަންތަން (4) މާލޭ ހުކުރު މިސްކިތުގެ ދެފަރާތު ފެންޑާޔަށް އޮންނަތަން
އަށިގަނޑުކުޅުން
މ ދެމީހުންގެ ހަތަރު އަތުން އަށިގަނޑެއްހެން ހަދައިގެން އެއިގެ މައްޗަށް އެހެން މީހަކު އެރީމާ އެއްލައިލުން މިއީ މޫދުގައި ކުޅޭ ކުޅިވަރެކެވެ
އަށިގެ
ނ ގޭގެ ބޮޑުމިނަށް އައްޓެއް ލައިފައި ހުންނަގެ މިއީ އިހުގައި ފިރިހެނުން މަޖިލިސްކުރުމާއި އަންހެނުން ނަމާދުކުރުން ފަދަ ބޭނުމުގައި ހަދައިއުޅުނު ގެއެކެވެ ރަށްފުށުގައި ފަރުދޭސީން ނިދާންވެސް މިކަހަލަ ތަންތަންހުރެއެވެ
އަށްބޮނޑިންހަތަރުބޮނޑިޖެހުން
މ ބިލެތް ފައްތަރުލައި ކަފައިގެން ދެގަނޑު ބިލެތުން އެއްގަނޑު މަގުން ހަދައި ދަތްޕެއްގައި ޖެހުން މިގޮތަށް ޖަހާނީ އަށްބޮނޑިބިލެތް ކަފައިގެން ހަތަރު ބޮނޑިކަމުގައެވެ
އަނދަވަޅު
ނ (1) ކެޔޮގަނޑު ދޮންކުރާންލާވަޅަށް ދުންދާނޭހެން ކައިރީގައި ކޮނެ ކެޔޮގަނޑު އޮތް ވަޅަށް ފޫވައްޓައިފައި ހުންނަ ކުޑަ ވަޅެއް. ކެޔޮވަޅަށް ދުންލާނީ މިވަޅުގައި ކެޔޮފަތް ފަދައެއްޗެއް އަންދައިގެންނެވެ. (2) މީހުން ވައްޓައިލުމަށްޓަކައި ދިގުކޮށް ކޮނެމަތިން ފަތްއަޅައިފަސް ލައި މަތި އޮމާން ކޮށްފައި ހުންނަ ވަޅު
އަނދުންކަށި
ނ ލޮލުގައި އަނދުން އަޅާން މަޢުދަނުން ހަދައިފައި އޮންނަ ކުޑަ ފޯއްޔެއް
އަނދުންއުރަ
ނ ކަށިން އަނދުން އަޅާން ގަލަދުން ހިމުންކޮށް މުގުރައިފައި އަޅާފުޅިލާން ހަދައިފައިހުންނަ އުރަ
އަނގަމިނި
ނ )ބދ ( (1) އަދައިހިނގުން (2) ކަމެއް އެދިގެން އުޅުން
އަންބަލަން
ނ (1) ރޯދަމަހު ހިފައި އޮޅުލައި އުޅުނު ޒަމާނުގައި އެކަމަށްޖަހާ ވެލިފުނި މިހުންނާނީ ދޮންވެލީން ނުރޫޅޭ ވަރަށް ހަރުކޮށްފައި ބާވަތްބާވަތުގެ މޭވާ އާއި މައުމެލާމެލީން ކުރަހައިފައެވެ މިތަން ރޫޅަނީ ރޯދަޔަށް ހަނދުފެނުނީމައެވެ ރޫޅައި ލުމަށްފަހުވެސް މިތަނަށް ކިޔަނީ އަންބަލަމެވެ (2) ހަތަރު ކައިރީގައިލަކުޑި އަޅައިފައި މެދަށް ދޮންވެލި އަޅައިގެން ހިފާންތައްޔާރުކުރާ ތަން (3) ކިޔެވެލި ކިޔަވާއިރު ތަނބެއްގައި ކަށިމަލު ފިޔައިން ހަތަރު ކައިރިހަދައިފައި އެތެރެއަށް މައުއަޅައިގެން ހަދާތަން
އަންދާބޯޓް
ނ ހިތީބޯޓުގެ ބާވަތެއް. މިއަޅަނީ މޫދުގައެވެ. ރަދުން ހިތިގެއަށް ވަޑައިގަތީމާ ބޯޓް އަންދައިލައިފައި މީހުން ރޮމުންރޮމުން ފައިބަނީއެވެ މިހަދަނީ މާފަންނު ހިތީގައެވެ
އަރަބިލަވަ
ނ (1) ބެރުޖަހައިފައި ކިޔާން ބާޒާރީ ޢަރަބިބަހުން ހަދައިފައި ހުރި ލަވައެއް (2) މިލަވަޔަށް ހަމަކޮށް ޖަހާބެރު
އަރަލުންއަރާއެޅުން
މ (1) ހަމަރިޔައު ނަގާ އެއްޗެހީގެ ފަރުމާނު ބިންދައިގެން ދިޔައީމާ ބިނދުނު ދެކޮޅުން ދެދާލިގަނޑު އެއްކޮޅުން ކުރުކޮށް އަނެއްކޮޅުން ދިގުކޮށް ނަގާ އެދެކޮޅު ޖައްސައި ދެފަރާތުގައި ދެގަނޑު ދާލި ކުރުކޮށް ނެގި ފަރާތުގައި ދިގުކޮށް އޮތްދާލިގަނޑު ދިގުކޮށް ނެގިފަރާތުގައި ކުރުކޮށް އޮތްދާލިގަނޑުއަޅައި ބާރަށް ކީލިޖެހުން (2) މަޖާޒު: ހަލާކުވި އެއްޗެއް ބޭރުން އެއްޗެއް ނުލައި އެއެއްޗަކުން އެއެއްޗެއް ހެދުން (3) ޖުމްލަ އެއްވަރަށް ހުރެގެން އެކިބައި އެކިވަރުކޮށް އެއްޗެހިތަކެއް ހަމަޖައްސައިލުން
އަރުވައިބާލާލަވަ
ނ ދަނޑިބެރުގައި ޖަހާ އާދައިގެ ލަވައެއް ނަމަވެސް މިލަވަޖަހަނީ ރަދުން އިންނަވައިގެން ބެރުޖަހާ ތަންތާނގައެވެ
އަރުގޯލަ
ނ އެއްކޮޅުގައި ބޮޅެއްލައިފައި އަނެއްކޮޅު ލަކުނޑި ގަނޑަކަށް ހަރުކުރެވޭނެ ހެން މައުދަނަކުން ހަދައިފައި ހުންނައެއްޗެއް. މިސާލު: އުނދޯލި އަރުގޯލަ އެކިއެކިބުޅި ނުވަތަ ދަގަނޑު އަޅުވާން ހަދައިފައި ހުންނަ އަރުގޯލަ ދޮރުފަތުގައި ހުންނަ އަރުގޯލަ
އަބު
ނ (1) ލަކުޑީން ނުވަތަ މަޢުދަނުން އެއްކޮޅު ފަތިކޮށް ހަދައިފައި އޮންނަ އެއްޗެއް މިޖަހައި އުޅެނީ ކިހާއެއްޗެތި ނުވަތަ ފަޅާލަކުޑި ގަނޑެއް ދުރުކުރުމަށެވެ (2) ބައެއް ބައެއްތަކެތި ފޭކުރާން ނުވަތަ ބާރުކުރާން ޖަހާއެތި ކޮޅު މިސާލު: އިލީގެ ކޮޅަށްޖަހާއަބު