radheef.info
ރަދީފު


ފަދަ
އ (1) ކަހަލަ (2) ގޮތް
ކިލާސް
ނ (1) މަދަރުސާގައި ކިޔަވައިދިނުމަށް އެއްކޮށް ތިބެން ކަނޑައަޅައިފައިވާ ކުދީންގެ ބައެއް (2) ފަސިންޖަރުން ދަތުރުކުރާ ރޭލާއި މަތިންދާ ބޯޓް ފަދަ އެއްޗެހީގައި ދަތުރުކުރެވެން ހުންނަ އެކި ފެންވަރުގެ ބައިބައި
ކިސަމަޑި
ނ )ހ ( (1) ވަޅާއި ވެޔޮފަދަ ތަންތާނގެ އަޑީގައި ހެދޭ ކިސަޑު (2) ބޯވަޔާއި ބޯވަދިލަމަސް ދުއްވާލާ ކަޅުކުލައެއްގެ ކިލަނބު ގަނޑު
ކިޑިކީ
ނ ޢިމާރާތް ފަދަ ތަންތާނގައި ވައިވައްދާށާއި އަލިވައްދާން ހަދައިފައި ހުންނަ ކުޑަދޮރު
ކީސާކުރުން
މ (1) މަޢުދަނީ ފައިސާ އާއި ޖަވާހިރުފަދަ ތަކެތި ކޮތަޅަށް އަޅައި ބަނދުކުރުން (2) މުދާ ވިއްކައިފައި ފައިސާއަށް ހެދުން
ކުނާ
ނ (1) ވަކައާއި ސުތުލިފަދަ އެއްޗެއް ދިގަށް ފުރައިގެން ހައިން ނުވަތަ އެފަދަ އެހެން އެއްޗެހީން ވިޔާތަކެތި (2) ގަދަ އަލި ބަލަން ނުކެރިގެން ލޮލަށް ހަދަންޖެހޭ ގޮތް
ކުނިކަހާފިހިގަނޑު
ނ ތަޅުމާއި ފަންގިފިލާފަދަ ތަންތަނުން ކުންޏާއި ވެލިސާފުކުރަން ބޭނުންކުރުމަށް ހަދައިފައިހުންނަ އެއްޗެއް ބޮނބިނަރާއި އަދި މިނޫންވެސް އެއްޗިހިން މިހަދައި އުޅެއެވެ
ކުނިކެހުން
މ ބިންމަތީގައި ނުވަތަ ތަޅުންގަނޑުގައި ހުރި ކުނިތަކެއް އިލޮށި ފައްޗެއް ނުވަތަ ފިހިގަނޑެއް ފަދަ އެއްޗަކުން އެއްކޮށް ސާފުކުރުން
ކުރަނޑި
ނ (1) ފެންބޯތައްޓާއި ބޯތަށިފަދަ ތަށިލާން މައްޗާއެކު ލިޔެލާ ޖަހައިފައި ހުންނަ އެއްޗެއް މީގެ ކިތަންމެ ވައްތަރެއް ހުރެއެވެ ކޮންމެ ވައްތެރެއްގައިވެސް މަތިގަނޑު މެދުގައި އުށެއް ހުންނާނެއެވެ (2) ކުރަނޑި ފާޑަށް ބިއްލޫރިން ހަދައިފައި ހުންނަ ތަކެތ ި (3) ޖަނަވާރާއި ދޫނިސޫފާސޫފީގެ މައިދާ (4) މިސްކިތް މިސްކިތްފަދަ ތަންތާނގައި ލާގެ ޒީނަތްތެރިކުރަން ކުރަނޑީގެ މަތިގަނޑާ އެއްގޮތަށް ލިޔެފައި ހުންނަ އެއްޗެއް
ކުރަފި
ނ ފައިދިގުކޮށް ފަތިކޮށް ހުންނަ ކަޅުރަތްކުލައިގެ އުދުހޭ ދިރޭ އެއްޗެއް. މީ ގޭތެރޭގައްޔާއި ގުދަންގުދަން ފަދަ ތަންތާނގައި އުޅޭ އެއްޗެކެވެ މީގެ ކިތަންމެ ބާވަތެއް ހުރެއެވެ
ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
ކުރިޖެހިބަތް
ނ ޅަކޮށް ކައްކައިގެން ކެޔޮފަތު ހޮޅިޔަށް އަޅައިފައި ހުންނަ ބޮނޑިބަތް. މިހޮޅީގެ ދެކޮޅު ފަތްގަނޑު ހުންނާނީ ބޮނޑިބަތް ރޯލުގެ ކޮޅަށް ވައްދާ ލައިފައެވެ. މީގައި ހުންނާނީ އަށެއް ނުވައެއް އިންޗީގެ ދިގުމިނެވެ. ފަލަ މިނަކީ މެދުމިނު މީހެއްގެ އަތުކުރީގެ ފަލަމިނެވެ. މިއީ އޮލީފަދަ ރަސްމީ ކަންތަކުގައްޔާއި ރަށްރަށުގެ މައުލޫދުގައި ޅެންކިޔާ މީހުންނަށް ހުންނަ ބަތެކެވެ
ކުރެހުން
ނ (1) ހަމައެއްގެ މަތީން އެއްޗަކަށް ވާނޭހެން އަޅައިފައި ހުންނަ ރޮނގުތައް މ (2) ވަކި ޤަވާއިދެއްގެ މަތިން ރޮނގުއެޅުން (3) ވަކިޤަވާއިދެއްގެ މަތިން ބިންވަޅު ނެގުމާއި ފޫވެއްޓުން (4) ތަސްވީރުފަދަ ތަކެތި ފެވުން (5) އެއްވެސް އެއްޗަކަށް ނުވާނޭގޮތަށް ރޮނގުތަކެއް އެޅުން (6) ގައިގެ ހަމުގައި ކޮންމެވެސް އެއްޗަކުން އެޅިގެން ކިރިޔާ ތެޔޮހަން ކެޑުން (7) ފޮޓޯނެގުން
ކުރެވި
ނ (1) ރިޔަލާއި ސަތަރިފަދަ އެއްޗެހީގެ އެމުނީގައި ހަރުކޮށްފައި އޮންނަ ވާ (2) ލޮލުގެ އެސްފިޔަ ފަޅައިފައި ހުންނަތަން (3) )ހ ( އަންނައުނުގެ ކަށިފަތީގެ އެންމެ ކައިރިފަށް
ކުރެދި
ނ (1) ކީލިހިމުން ގަދަފަދަ ތަތްލަކުޑިއެއް. މި ގިނައިން ބޭނުންކުރަނީ ބިމަށްޖަހާށާއި އޮޑިދޯނި ފަހަރުގެ އިލި ޖަހާށެވެ މިގަސް ހެދެނީ ރަށްރަށުގެ ގޮނޑުދޮށުގައެވެ (2) ހަނޑަސްބުރީގައި ވަޅުޖަހަން ކުރެދިން ހަދާފައި ހުންނަ އެތިގަނޑު
ކުބާ
ނ )ޏ ( (1) ކާއްޓާއި ލުނބޯފަދަ ތަކެތީގެ ދެބުރިކޮށް އެއްބުރި (2) މަހާއި އަދި މިނޫންވެސް ބައެއް ތަކެތީގެ ދެފަޅިކޮށް އެއްފަޅި
ކުޅި
ނ (1) އެއްގަމުގައި ހެދިފައި ހުންނަ ފެންގަނޑު. (2) ހެވިކަން ފަރިތަ ކުރުމަށް ކުރާކަންތައް މީގެ ކިތަންމެ ބާވަތެއް ހުރެއެވެ. (3) ބައެއްކުޅިވަރު ތަކުގައި ވަކި ހަމަތަކެއްގެ މަތިން ބަދަލުކުރަމުން ގެންދާ ފިޔަވަޅުތަކުގެ ތެރެއިން ފިޔަވަޅެއް މިސާލު: ލަނގިރި ޖެހުމުގައި މާފަތިން ކުޅިހަދައި ނިމިގެން ކުރުދަނޑިއަށް ބަދަލުކުރުން. (4) ރާޒުވާއާއި ފަޗިސްފަދަ ކުޅިވަރުކުޅޭން ހަދައިފައި ހުންނަ އެއްޗެހީގެ ތެރެއިން އެކަތި (5) އެކި ބާވަތުގެ ބަޑިކުޅި ހަދާން ތައްޔާރުކޮށްފައި ހުންނަ ބޭސްގަނޑު (6) ނއ މިރުހުގައި ހުންނަ ރަހަ
ކުޅިކޮށި
ނ (1) ކޭއެއްޗެހީގެ ރަހަޔާއެކު އަންނަ ވަޔަކުން އަރާކޮށްޓެއް މިކޮށިއެރުމުން ބައެއް ފަހަރަށް ކޭއެއްޗެހިވެސް އާދެއެވެ (2) ކަނޑިއާއި އައްޑަނައާއި ލޮންސިފަދަ ތަކެތީގެ ހެވިކަން ދަސްކޮށްދީ ފަރިތަކުރާތަނާއި މިކަމުގެ ޙަރަކާތްތައް
ކުޅިގަނޑު
ނ (1) ރާޒުވައާއި ތިންހަމައާއި އޮށްވަޅުފަދަ ކުޅިވަރުގައި ކުޅޭން އަތުރާ ކުޅުންގަނޑު (2) މަޖާޒު: ނުބައެއް އުފައްދާން ރާވާރޭވުން (3) ބޭޒާރުނުވެ ހިނގާ ނޭދެވޭ ކަންތައް
ކުކުޅުމާދޫނި
ނ ކަނޑުމަތީ ދޫންޏެއް މިއި ސިނައަސްދޫންޏާއި ވައްތަރުގޮތަކަށް ހަށިގަނޑު ފަލަކޮށް ގަދަފަދަކޮށް ހުންނަ ދޫންޏެކެވެ މީގެ ތުން ހުންނަނީ ބޮޑު ހޯގުޅާގެ ތުންހެން ކުރީކޮޅު ލެނބިފައެވެ މިދޫނީގެ ދެފިޔަ ހުޅުވައިލުމުން ވަރަފަތްބައިގެ މެދުތެރެއިން ހުދު ފަތްބަރިއެއް ފެނެއެވެ ބިސްއަޅާ އުމުރުގެ ދޫނީގެ ކުލައަކީ ގަދަދިހުން މުށިކުލައެވެ ބޮޑެތި ނުވާއިރު ކުލައަކީ ގަދަ އަޅިކުލައެވެ
ކުފޫ
ނއ (1) ދަރަޖަ އެއްވަރު (2) ހަމަހަމަ (3) އެއްފަދަ (4) އެކަށީގެންވާ (5) އެކަށޭނަ