radheef.info
ރަދީފު


މުގަ
ނ )ބދ ( މޫނު
މަގުއޮޅުން
މ (1) ހިގުމުގައި ނުވަތަ ދަތުރުކުރުމުގައި ދާންވީގޮތް އޮޅުން (2) ދެވޭނުދެވޭތަނެއް ނޭނގުން (3) މަޖާޒު: ތިމާގެ މަޤާމު ތިމާއަށް އޮޅުން (4) ހެޔޮކަމަކަށް ނުބައިކަމެކޭ ހީވުން ނުވަތަ ނުބައި ކަމަކަށް ހެޔޮކަމެކޭ ހީވުން
މަގުފަހިކުރުން
މ ކަމެއް ކުރުމުގައި ފަސޭހަވާނެގޮތްތައް ހޯދުން
މަގުފޭރޭމީހުން
ނ މަގު ހިނގާފައިދާ މީހެއްގެ އަތުން ނުވަތަ އެއްގަމުގައި ދަތުރުކޮށްފައިދާ މީހެއްގެ ނުވަތަ ބައެއްގެ އަތުން ގަދަކަމުން ނުވަތަ ބިރުދައްކައިގެން ތަކެތި އަތުލާ މީހުން
މަސްކަޅިކުރުން
މ ފަންޑިތަވެރިކަމުގެ ގޮތުން ފިލިމަހަށް ކުރާކަމެއް )މިކަންކުރުމުގައި އަތަރާއި ވެސްނޫފަދަ ތަކެތި ބޭނުންކުރެއެވެ
މަސްދޯނިބޭލުން
މ މަހަށް ހެޔޮކުރުމުގެ ބޭނުމުގައި ދޯނި ތައްޔާރުކޮށް ޞަލަވާތް ފާތިޙާ ކިޔަވައި ދޯނިބޭލުން
މަސްތަކާ
ނ ދުން އެޅުމާއި ބޭސް ހެދުމުގައި ބޭނުންކުރާ މީރުވަހެއް ދުވާ މަޑު ރީނދޫ ކުލައެއްގެ އެއްޗެއް މިއީ ގަހެއްގެ ހިކިކިރެވެ
މަޚުރަޖަލެއްވުން
މ ރާގުރާގަށް އެއްޗެހި ކިއުމުގައި އަޑަށް ރީތިގޮތްގޮތް ހެދުން
މާހެފުން
ނ ރޯދައަށް ކުރިމަތިކޮށް އެމަސްފެށުމުގެ ކުރިން އެމަހުގެ ފުރަތަމަ ދުވަހާއި ގާތްދުވަހެއްގައި ޖަމާޢަތް ހަދައިގެން މާހެފުމުގެ ނަމުގައި ކާ ކެއުން )އިހުޒަމާނުގައި މިކަންކޮށް އުޅެނީ ޝަޢުބާންމަހު 92 ވަނަދުވަހުއެވެ
މާމަސްވެރިޔާ
ނ )ސ ( ހުރިހާ ވައްތަރެއްގެ މަސްވެރިކަން ދަންނަ އެދުރުމީހާ )ބޮޑު ކަންނެއްޔާއި މިޔަރު ކެޔޮޅުކަން ފަދަ ކަންކަމުގައި ބަނދި ގޮވުމުގެ ތެރޭގައި މާމަސްވެރިޔާއަށް ގޮވާނެއެވެ
މާފަންނުމީހުންކަނޑުނުބައިކުރުން
މ )މިސާލުބަހެއް( ކަމެއް ނުކުރެވުނީމާ ނުވަތަ ކަމެއް ކުރަން ނޭނގުނީމާ ތިމާގެ ހުރި އުނިކަން ޤަބޫލުނުކޮށް އެކަމާބެހޭ އެއްޗެހީގައި ހުރި ކުށެއް ކަމުގައި ހެދީމާ ބުނެއުޅޭ ބަހެއް
މީލާދީތާރީޚް
ނ ޢީސާގެފާނު ދުނިޔެއަށް ވަޑައިގެންނެވި އަހަރު ފުރަތަމަ އަހަރެއް ކަމުގައި ބަލައިގެން ޖަހަމުންއަންނަ ތާރީޚް
މުނާނެގުން
މ ކުޅިޖެހުމުގައި ގަދަވާމީހާ ބަލިވާ މީހާގެފައިގެ ފަލަމަސްގަނޑުގައި ތިލަލީ ދަނޑީގެ ނުވަތަ ބޮންތީގެ ކޮޅުން ޖެއްސުން
މުއްދު
ނ (1) ދެއަތްގޮށި ޖަހާފައި އެއްފަހަރާ ނެގޭ މިންވަރު. (2) ހިކި ތަކެތި މިނަށް ގެންގުޅޭ ނާޅި ކަހަލަ އެއްޗެއް. (3) ވާޖިބު ބައެއް ކަންތައް ހުއްދަގޮތުގައި ދޫކޮށްލާފައި އޭގެ ބަދަލުގައި ދޭންވާ މިންވަރު. (4) ދީނީ ގޮތުން ކުރުން ހުއްދަނޫން ބައެއް ކަންތައް ކުރެވުމުން ދޭންޖެހޭ ކައްފާރާ )މުއްދެއްގެ މިންވަރު ކަމުގައި މިޒަމާނުގައި ބަލަނީ ހަތަރު މުއްދަކީ އެއް ޞާޢު ޞާޢަކީ ދޭއްޕޮއިންޓް ހަތަރެއް ސުމެއް ސުމެއް ކިލޯކަމަށެވެ
މުދާވެރިވުން
މ (1) ފައިސާވެރިވުން (2) މުދާގިނަ މީހަކު ކަމުގައިވުން
މުގުރާން
ނ މަސްވެރި ކަމުގައި އެންމެ ގިނައިން ބޭނުންކުރާ އެމުގެ ބާވަތެއް )މިއީ ބައިބައި ގަނޑަށް އުޅޭއެއްޗެކެވެ ބުރަކަށި މަތީގައި ހުންނާނީ ނޫކުލައެވެ
މުޑިޖެހުން
މ (1) މުޑިއެއް ބިމުގައި ހަރުލާނޭގޮތް ހެދުން (2) )ސ ( ދެމީހަކު ހިނގައިފައިގޮސް ނޭގި ޖެހުން (3) ވެލާބިސް އަޅާފައި ހިނޭޖެހުން
މޫ
ނ (1) ގަސްގަހާ ގެއްސާއި ވެޔޮވެލާވެލީގެ ބުޑުން ފަޅައިގެން ބިމުގެ ތެރެއަށް ދެމިފައިން ހުންނަ ބައި. (2) ގަހަށް ކާނާ ހޯދައިދިނުމާއި ގަސް ބިމުގައި ހިފިހުރުމުގެ ބާރެއްކަމުގައި ހިމެނޭ ބައި (3) ހަށިގަނޑުގައި އުފެދޭ ބަލިބަލީގައި މަސްގަނޑުގެ ތެރެއަށް ފެތުރެމުން ހެދެމުންދާ ރޮދިފަށްތަކެއްހެން ހުންނަބައި
މޫނުއަނދިރިކަން
ނއނ އިރުއޮއްސި އަނދިރިވަމުން އަންނައިރުއާއި ފަތިސްވެ އަލިވަމުންއަންނައިރު ދުނިޔެ މައްޗަށް ވެރިވެފައި އޮންނަ އަނދިރިކަން މިއަނދިރި ކަމުގައި ރަނގަޅަކަށް މޫނެއް ނޭނގޭނެއެވެ
މެންބަރުކަން
މެންބަރެއް ކަމުގައި ހަމަޖެހުނުކަން
މެއްލަ ބަލާ! މެއްލަޖެހުން
މ ގެދޮރު އެޅުމުގައި މެއްލަ ހަރުކުރުން