radheef.info
ރަދީފު


އޭ
ނއ (1) އެއީ އ (2) މީހަކަށް ގޮވައިލާން ކުރިއަށްގެންނަ އަކުރެއް (3) އޭތް (4) އޯތް
ސަޓަނި
ނ ފިޔަޔާއި މިރުހާއި ކޮށައި އޭގެތެރެއަށް ހުތްޖަހައި ލޮނުލައިގެން މޮޑެފައި ހުންނަ ކާ އެއްޗެއް މިއީ ކެއުމުގެ ތެރޭގައި ބޭނުންކުރާ އެއްޗެކެވެ މިއަށް ތަފާތު ބާވަތް ބާވަތުގެ އެއްޗިހި ލައިގެން ތަފާތު ސަޓަނި ހަދައި އުޅެއެވެ
ސަޔަށްރިހުން
މ މަޖާޒު: ބަލިވެ އިންނަމީހާ ވިހެއުމުގެ ދުވަސްވަރު ކައިރިވެގެން އަންނައިރު ވިހެއުމުގެ ރަނގަޅު ރިހުމަކަށް ނުވެ އޭނާގެ ބަނޑުގައިރިއްސާ ރިއްސުން
ސިކަންދަރު
ނ (1) ދުނިޔޭގެ މަޝްހޫރު ހަނގުރާމަވެރި ފާތިޙުންގެ ތެރެއިން އެއްބޭފުޅެއްގެ ނަންފުޅު މީނާ ދުނިޔޭގައި އުޅުއްވީ އީސާގެފާނު ދުނިޔެއަށް ވަޑައިގަތުމުގެ ކުރިން 323 ން 653 އަށެވެ މިޞްރުގެ އިސްކަންދަރިއްޔާ ބިނާކުރެއްވީ އޭނާއެވެ އަވަހާރަވީ ޢިރާޤުގެ ބާބިލްގައި ގަދަ ހުންފުޅެއްގައެވެ (2) ބެރު ވާންކުރުމަށްޓަކައި ޓިނބުލީގެ ބަދަލުގައި ނަނުން ފުރާފުރުމެއް
ސިލްސިލާ
ނ (1) ޗޭނު. (2) އެކައްޗެއްގެ ފަހަތުން ވިދިގެން އޭގެ އަނެކައްޗެއް އަންނަ ގޮތަށް ހުންނަ އެއްޗެހި މިސާލު: )ހ( ފޮތުގެ ސިލްސިލާ )ށ( މަޒުމޫނުތަކުގެ ސިލްސިލާ )ނ( ފިލްމުގެ ސިލްސިލާ
ސުން
ނ (1) ހިސާބު ޢިލްމުގައި ބޭނުންކުރާ ތިއްކެއް ނުވަތަ ބޮޅެއް މިތިކި ނުވަތަ ބޮޅު އަދަދެއްގެ ކަނާތްފަރާތުގައި ޖަހައިފިނަމަ އޭގެ އަގު ދިހަގުނައަށް އިތުރުކޮށްދެއެވެ ވާތްފަރާތުގައި ޖެއްސަސް އަގު އިތުރެއް ނުވެއެވެ (2) އަގެއްނެތް
ސުންކަންޖެހުން
މ (1) ބަޔަކު ކާއެއްޗެއް ތައްޔާރު ކުރަނިކޮށް ފެނުމުން ނުވަތަ ތަނެއްގައި ކާ އެއްޗެއް ހުއްޓައި ފެނުމުން އޭގެ ތެރެއިން އެތިއެތި ކޮޅު ނަގައިގެން ކެއުން (2) ދަހިކުދިން ނުވަތަ މީހުން އެތިއެތި ކޮޅުން ކެއުން
ސުކުނިމުކުނި
ނ ކުދިކުދި އެއްޗެހީގެ އޭތިމީތި
ސުފުރާ
ނ ކާންހަދާ ތަށިތައް އޭގެ މަތީގައި އެތުރުމަށްޓާކައި ފަތުރާލާ އެތި
ސުގުޅިމުގުޅި
ނ (1) އޭތިމީތި (2) އެތައް އެއްޗެއް އެކުވެފައި ހުންނަ އެއްޗެއް (3) އެއްތަނެއްގައި ހުންނަ އެކިވައްތަރުގެ ބާއެއްޗެހި
ސުޓޫޑިއޯ
ނ (1) ކުރެހުންތެރިއަކު ނުވަތަ ފޮޓޯ ނަގާމީހަކު ނުވަތަ ލަވަ ކިޔާ މީހަކު ނުވަތަ ނަށާމީހަކު އޭނާގެ އެ މަސައްކަތް ކުރާތަން (2) ފިލްމް ނެގުމަށް ޚާއްސަކޮށް ހަދައިފައި ހުންނަ އިމާރާތް (3) އަޑު ރެކޯޑުކުރާ ކޮޓަރި (4) ޓެލެވިޜަނުން ދުރަށް ދައްކާ ނުވަތަ ރޭޑިޔޯއިން ދުރަށް އަޑު ފޮނުވާތަން
ޑިޕްލޮމާ
ނ އުނގަންނައިދޭ ނުވަތަ ތަޢުލީމުދޭ އިދާރާއަކުން އުނގެނޭ މީހަކަށް އޭނާ ފާސްވިގޮތް ބަޔާންކޮށްދޭ ލިޔުމެއް ނުވަތަ ސަނަދެއް
ޒުވާބުކިޔުން
މ އަންބާފަދަ ބައެއްކަހަލަ ލަވަކިޔާއިރު ނަގާކިޔާމީހާ ކިޔާބައިކީމާ އޭގެ ޖަވާބުގައި ކިޔާބައި ދެންތިބިމީހުން ކިޔުން
ޔޫރަޕު
ނ އޭޝިޔާގެ ހުޅަނގުން އެފްރިކާގެ އުތުރުން މެދުތެރޭ ކަނޑުގެ އުތުރުގައި އޮންނަ ބައްރު. )އިނގިރޭސިވިލާތާއި ފަރަންސޭސި ވިލާތާއި ސްޕޭން ވިލާތާއި ޕޯޗްގީޒްވިލާތާއި އިޓަލީވިލާތާއި ޖަރުމަނުވިލާތް ފަދަ ޤައުމުތައް ހިމެނޭބައި
ޔޮޓުދޯނި
ނ މަތިހިޔާކޮށްފައި ހުންނަ އިންޖީނުދޯނި މިދޯނި ހުންނަނީ އޭގެ ތެރޭގައި މީހުންނަށް ނިދައި ކައިބޮއި ހެދޭގޮތަށެވެ
ޕޫލްކޮޕީ
ނ ކޮޕީގެ ބާވަތެއް މިބާވަތުގެ ކޮޕީގެ ކެއުމަށް ބޭނުންކުރަނީ އޭގެ މާގަނޑެވެ
ޕެންޝަން
ނ މުވައްޒަފަކު ވަކިމުއްދަތަކަށް ވަޒީފާ އަދާކުރުމުން އޭނާއަށް މުސާރައިގެ އިތުރުން މަހުން މަހަށް ލިބޭ ފައިސާގެ މިންވަރެއް މި މިންވަރު ކަނޑައެޅެނީ ޤާނޫނަކުން ނުވަތަ އަސާސީ ގަވާއިދަކުންނެވެ
ޖެހުން
މ (1) މީހެއްގެ ނުވަތަ ޖަނަވާރެއްފަދަ އެއްޗެއްގެ ގައިގައި ބޮނޑި ޔެއް އެޅުން. (2) ދެމީހެއްގެ ދެމެދުގައި އަރާރުން ނުވަތަ ދެކޮޅު ވެރިކަން އުފެދޭގޮތްވުން (3) ބައެއްކަހަލަ ތަކެތި ހެދުން މިސާލު: )ހ( ބުޅިޖެހުން )ށ( ހުޅިޖެހުން )ނ( ގޮނޑިމޭޒުފަދަ ތަކެތި ޖެހުން (4) މިޔުޒިކުގެ ބައެއްކަހަލަ ތަކެތި ކުޅުން މިސާލު: )ހ( ބެރުޖެހުން )ށ( ތަބުލާޖެހުން (5) ދެމީހަކު ނުވަތަ ދެއެއްޗެއް އައިސް ލައިގަތުން (6) ބައެއްކަހަލަ އެއްޗެހި ވެއްދުން މިސާލު: )ހ( ބަސްތާ އަށް ބަންބުޑި ޖެހުން )ށ( މޮހޮރުޖެހުން (7) ކިޔުމުގައި ނުވަތަ ޓައިޕުން ލިޔުމުގައި ކުށެއްވުން މިސާލު: )ހ( އޭނާ އަލްޙަމްދު ކިޔެވިއިރު ވަރަށް ގިނަ ކުށްޖެހުނެވެ )ށ( މިލިޔުން ކުށް ނުޖަހައި ޓައިޕް ކުރެވޭތޯ ބަލާށެވެ (8) ބައެއް ކަހަލަ ކަންތައްކުރުން މިސާލު: )ހ( ކުޅުޖެހުން )ށ( ދަނޑިޖެހުން )ނ( ބަޑިޖެހުން )ރ( ފަލިޖެހުން (9) ބައެއް ހާލަތުތައް މެދުވެރިވުން މިސާލު: )ހ( ބަނޑަށް ޖެހުން )ށ( ބިތްޖެހުން )ނ( ލޯބިޖެހުން )01( ދަތީގައި ނުވަތަ މަޅިފަތީގައި ތިބުން މިސާލު: )ހ( ދަތީގައި ޖެހުން )ށ( މަޅިފަތީގައި ޖެހުން (11) ތަތްކުރުން މިސާލު: )ހ( ސިމެންތިޖެހުން )ށ( މުށިޖެހުން
ޗާޕު
ނ )ހ ( ފޮތްފޮތާއި ލިއުމާއި ކުރެހުން ކަރުދާހަށް ކޮޕީކުރާއިރު ވަކި އެއްޗަކަށް ނަގައި އޭގައި ދެލި އުނގުޅައި އޮބައިގެން ކޮޕީ ކުރާކުރުން މިގޮތުން ކަރުދާހާއި ފޮތިފަދަ އެއްޗެތީގައި ކުރެހުންތަކާއި ޑިޒައިންތައް ޗާޕުކޮށް ހަދައެވެ މިހާރަކަށް އައިސް މިމަސައްކަތަށް ގިނައިން ބޭނުންކޮށް އުޅެނީ މިކަމަށް ހަދައިފައި ހުންނަ މެޝިނެވެ
ޗާޕުކުރުން
މ ފޮތްފޮތާއި ލިޔުމާއި ކުރެހުން ވަކި އެއްޗަކަށް ނަގައި އޭގައި ދެލި އުނގުޅައި އޮބައިގެން ނުވަތަ ވަކި ބާވަތެއްގެ އެއްޗެއްގައި ލިޔެ އޭގައި ދެލި އުނގުޅައި އޮބައިގެން ކަރުދާހަށް ކޮޕީކުރުން މިހާރަކަށް އައިސް މިކަމަށް ބޭނުންކުރަނީ މިކަމަށް ތައްޔާރުކޮށްފައި ހުންނަ މެޝިނެވެ
ޗިސް
ނ (1) ފިތިގެންވާ ފިސް (2) ދިޔާއެއްޗެއް ކުއްލިޔަކަށް ނުކުންނަ ނުކުތުން މިސާލު: އޭނާގެ ލޮލުން ޗިސް ލައިފައި ކަރުނަ އަތުވެއްޖެއެވެ (3) ތަތްކަމެއް ނުވަތަ ތެތްކަމެއް ހުރި މުރަނަކަމެއް ނެތް އެއްޗެއްވާ ކުދިކުދި