radheef.info
ރަދީފު


އެކު
ނއ (1) ހުރިހައި (2) މިލިފައިވާ (3) އެކީގައި
ދުނިޔެބަނޑުދަށުލުން
މ މަޖާޒު: (1) އިންތިހާއަށް މުދަލަށް ދަހިވެތިވުން (2) ދަހިވެތިކަމާއެކު މުދާއެއް ކުރުން
ދުންތަރި
ނ ވަކިދުވަސްވަރަކު ރޭގަނޑު އުޑުމަތިން ފެންނަ ތަރިއަކަށްވުރެ ބޯޅައަކާ ވައްތަރު އައްޔެއް. މިޢަލީގައި އެކުލެވެނީ ނުގުޅިހުންނަ ކުދިކުދި އެތިކޮޅު ތަކެކެވެ. މިއަލިއިރާއި ކައިރިވުމުން ދިގުނިގުލެއް ފާޅުވެއެވެ. މި ނިގޫ ފެންނާނީ ނިއުޅާލައިފައިވާ އިލޮށި ފައްޗެއްހެންނެވެ ނޫނީ ދިގު އިސްތަށިގަނޑެއްހެންވެ
ދެބުމަގޮށްޖެހުން
މ މަޖާޒު: މާބޮޑަށް ރުޅިއައިސްގެން ނުވަތަ ނުރުހިގެން ލޯކުޑަކޮށްލުމާއެކު ދެބުމަކައިރިކޮށްލާ ކޮށްލުމަށް ބުނެއުޅޭބަހެއް
ދެއޮޅު
މ ބދ (1) އެއްވުން (2) އެކުވުން
ދެފަށްރާޅު
ނ (1) އެކުއެކުގައި އަންނަދެރާޅު (2) އެއްރާޅުގެ މަތީގައި އަނެއްރާޅު ހުންނަގޮތަށް އަންނަރާޅު
ދެދޮރުއެއްވުން
މ އަންހެނަކަށް ވިހެއުމުގެ ތެރޭގައި ނުވަތަ އެނޫންެވެސް ގޮތަކުން ލިބޭ ގެއްލުމަކުން ކުރިމަތިފަރާތުގެ ދޮރާ ފުރަގަސްފަރާތުދޮރާ ދެމެދުގައި ހުންނަ ހުރަސްކެނޑިގެން ދެތަންއެކުވުން
ދޮންބިބީ
ނ (1) ބިބީ ޢާއިލާގެ މަހެއް މިމަހުގެކުލައަކީ ގަދަ ރީނދޫ ކުލައެވެ މަހުގެ ލޯހުރަސްކޮށް ކަޅުކުލައިގެ ހިމަރޮނގެއްދެމިފައި ހުރެއެވެ އަދިމަހުގެ އަރިމަތީގައި ކަޅުކުލައިގެލަފެއް ހުރުމާއެކު މަހުގެ ނިގޫފަތުގެ ބުޑުހުރަސްކޮށްވެސް ހިމަކޮށް ހުންނަ ކަޅުކުލައިގެ ރޮނގެއްހުރެއެވެ މީގެނިގޫފަތުގެ ކުލައަކީ ހުދުކުލައެވެ (2) ދިވެހި އަންހެނުންނަށް ކިޔައިއުޅޭނަމެއް
ދޮރުވަރުދުވަސް
ނ ނކ. ނަކަތްތެރިންގެ ބަހުރުވައިގައި އަހަރުތެރޭގައި އަންނަ ވަރަށް ސުންޕާ ފަޅުތިންދުވަހަކަށް ކިޔާނަމެއް. އެއީ ނަކަތާރާއްސާ އެކުގައި ހުސްވާ ދުވަހެވެ. އެދުވަސްތަކަކީ އެޕްރީލް ހަތެއް އޮގަސްޓް ދިހަޔެއް ޑިސެމްބަރ ނުވައެއް މިތިން ދުވަހެވެ
)އޮޑިވަރު ދޯގި ބަލާ!( ދޯނގިބަލި
ނ ހުޅުހުޅުގައި ރިހުމާއެކު ހުޅުހުޅު ދުޅަވާ ބައްޔެއް
ތަރި
ނ (1) ޖައްވުގައިވާ އެތިކޮޅުތައް އެއްވެގެން އުފެދިފައިވާ ބޮޑުއެއްޗެއް މީގައި އަމިއްލަޔަށް ދިއްލޭފަދަ ގޭސްތަކެއް އެކުލެވިފައިވެއެވެ މީގެބައެއް އެއްޗެހި ދުނިޔެއަށްވުރެ ބޮޑެއްޗެވެ އަނެއްބައި އެއްޗެހި ދުނިޔެ ދަތުރުކުރާ ބުރަށްވުރެވެސް ބޮޑެއްޗެވެ މީގެސިފައަކީ ޢާއްމުކޮށް ވަށް ބޯޅައެއްގެ ސިފައެވެ މިއީ ރޭގަނޑު އުޑުން ފިޔަޖަހައި އަލިކަން ފޯރުވާ އެއްޗެކެވެ (2) ފަސްފިޔަ ނުވަތަ ހަފިޔަހުންނަގޮތަށް ހަދައިފައިވާ ނުވަތަ ކުރަހައިފައި ހުންނަ އެއްޗެއް (3) އިއްޒަތުގެ ނިޝާނެއްގެ ގޮތުން ކޮނޑަށް ނުވަތަ މޭ މައްޗަށް އަރާ ނިޝާނެއް މަޖާޒު: (4) ކަމަކުން މަޝްހޫރުވެފައިވާ މީހާ (5) ތަމްސީލުގައި ނުވަތަ ފިލްމުގައި މައިގަނޑު ބައިތައް ކުޅޭމީހުން
ތަރުޙީބުދިނުން
މ (1) ބަހުންނާއި ޢަމަލުން ރުހޭކަންފާޅުކުރުން (2) މެހުމާނުންނަށް ކަމޭހިތުމާއެކު އުފާވެރިގޮތުގައި ބައްދަލުކުރުން (3) ފޯރިދިނުން (4) ސާބަސްދިނުން (5) ހިތްވަރު ދިނުން
ތައްގަނޑު
ނ (1) އެއްޗެއްގެ އަސްލާއެއްގޮތަށް އެއްޗެއް ހެދުމަށް ނުވަތަ ކުރެހުމަށް ބޭނުންކުރާ އެއްޗެއް މިސާލު: )ހ( މެޓާ އޮބާ ތައްގަނޑު )ށ( ހުންގާނުގެ މާދާފަދަ ތަކެތި ހެދުމަށް ވިރުވާ އަޅާތައްގަނޑު )ނ( ގަސްމުށި ފަދަތަކެތި ހެދުމަށް ސިމެންތި ފަދަ ތަކެތި ގަށައިގެންއަޅާ ތައްގަނޑު )ރ( ރަސްމީ ނުވަތަ އަމިއްލަ ނިޝާންޖަހާ ތައްގަނޑު (2) ކަނޑައި ނަގައިފައި ހުންނަ ނަމޫނާ (3) ގޮންގްރެޓް ކުރާ އިރު ގޮންގްރެޓް އެޅުމަށް ލަކުޑިން ނުވަތަ ދަނގަނޑުން ތައްޔާރުކުރާ އެތި (4) ތަނެއްގެ ނުވަތަ މީހެއްގެ ނަމާއި ނިޝާން އެކުލެވިގެންވާ ގޮތުން ތައްޔާރުކުރާ ސިއްކަ
ތައްގަނޑުޖެހުން
މ (1) ކަނޑައި ނަގައިފައި އޮންނަ މާދިރީ އެއްގެސިފަ އެއްޗަކަށް ނަގުލުކުރުން މިސާލު: ގަންޖުފަރާހުގައި ތައްގަނޑުޖެހުން (2) ތަނެއްގެ ނުވަތަ މީހެއްގެ ނަމާއި ނިޝާން އެކުލެވިގެންވާގޮތަށް ތައްޔާރުކުރާ ސިއްކައެއް އޮބުން
ތަމްސީލު
ނ ކަމެއް ނުވަތަ ވާހަކައެއްގެ ޙަރަކާތް ތަކާއި މަންޒަރު ތަކާއެކު އިސްޓޭޖެއްގައި ދައްކާދެއްކުން
ތަތްވުން
މ (1) ބައެއްކަހަލައެއްޗެހި އޮލަވެގެންގޮސް ވަކިވަރަކަށް ހަރުވުން (2) ހިއްޕާއެއްޗެއް ތަތްލުން (3) ދެއެއްޗެއް ހިއްޕޭގޮތްވުން (4) މަޖާޒު: ދެމީހަކު ހިތާވެގެން އަބަދު އެކުގައިއުޅުން
ތަސްނީފުކުރުން
މ ފޮތް އެކުލަވައި ލިޔުން
ތަޔައްމަމު
ނ ޚާއްޞަވެގެންވާ ގުނަން ތަކެއްގައި ނިޔަތަކާއެކު ވަކިގޮތަކަށް ސާފު ތާހިރު ހިރަފުހުން ފުހޭ ފުހުމެއް
ތަޔައްމަމުކުރުން
މ ޚާއްޞަވެގެންވާ ގުނަވަން ތަކެއްގައި ނިޔަތަކާއެކު ވަކިގޮތަކަށް ސާފު ތާހިރު ހިރަފުސް ފުހުން
ތަޙުލީލު
ނ އެއްޗެއްގައި އެކުލެވިފައިވާ ބައިތައް ހޯދުމަށްޓަކައި ކުރެވޭ މަސައްކަތް
ތަޙުލީލުކުރުން
މ އެއްޗެއްގައި އެކުލެވިފައިވާ ބައިތައް ހޯދުމަށްޓަކައި މަސައްކަތްކުރުން