radheef.info
ރަދީފު


ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
ބާދިރީ
ނ ގޮވާމުގެ ބާވަތެއް މިއީ އޮނުފަތްހެއް ހިމަދިކޮށް ފަތްހުންނަ ގަހެއްގައި ނިކުންނަ ދިގުކުރާ ގަނޑެއްގައި އަޅާ އޮށްޓަރެކެވެ މީގެ ކުލައަކީ ގަދަމުށިކުލައެވެ މިގަސްހެދެނީ ގާތްގަނޑަކަށް 4 ފޫޓު 5 ފޫޓަށެވެ މިއީ ކުދިބަތް ހުންނަ ފާޑަށްއެއަށްވުރެ ބޮޑެތިކޮށް ހުންނަ ގޮވާމެކެވެ
ބާޑީ
ނ (1) ބަޑީގެ އުންޑައިން ރަށް ދިފާޢު ކުރުމަށް އަތިރިމަތީގައި ޖަހައިފައި ހުންނަ އުސް ފަސްގަނޑު (2) ބަޑީގެ ޙަމަލާތަކުން ދިފާޢުވުމަށްޓަކައި ވެލި ބަސްތާތަކުން ޖަހާ ހުރަސް (3) ރަށްރަށުގެ ގިރާ ދިމަދިމާގައި ގިރައިގެން ދިޔަ ނުދިނުމަށް ޖަހާހުރަސް (4) ފަޅުތެރެއިން ބިން ހިއްކުމަށް ދޫކުރާ ހިސާބު
ބާޑީ ދުނބުރި
ނ ބާޑީ ޖެހުމަށް ބޭނުންކުރާ ދުނބުރި. މިކަމަށް ބޭނުންކުރަނީ ފަލަ ބޮޑެތި ދުނބުރިއެވެ. މިއީ އިހުގައި ދުޝްމިނުންގެ ނުރައްކަލުން ސަލާމަތްކުރުމަށް ބުރުޒުތަކުގެ ފާރުނިވައި ކުރުމަށް ކޮށްއުޅުނު ކަމެކެވެ އަދި ރާޅު އަރާ ދުވަސްވަރުވަރަށް މާލޭގަޔާއި ރާއްޖެތެރޭގައިވެސް ބާޑީ ޖެހުމަށް މިގޮތަށް ދުނބުރި ބޭނުންކޮށް އުޅުނެވެ
ބާޒީ
ނ (1) މަސައްކަތެއް ކުޅައުމުގައި ނުވަތަ ކުޅިވަރެއް ކުޅުމުގައި ކިޔާ ވާދަ (2) ވާދަކުރާ ކަންތަކުގައި ލިބޭ މޮޅު
ބާޣީ
ނއ ގާނޫނާ ޚިލާފަށް ސަރުކާރު ބަދަލު ކުރުމަށް މަސައްކަތްކުރާ މީހާ
ބާޣީން
ނ ގާނޫނާ ޚިލާފަށް ސަރުކާރު ބަދަލުކުރުމަށް މަސައްކަތްކުރާ މީހުން
ބިންބައި
ނ (1) ބިމުގައި ހައްދާތަކެތީން ބިންވެރިޔާއަށް އޮންނަބައި (2) ފާލައްބަކުރާ ރަށްރަށުން ބިމުން ބަންޑާރަޔަށް ނަގާފައި އޮންނަބައި
ބިންބި
ނ ގޮވާމުގެ ބާވަތެއް މިއީ އިނގިލިތަކެއްހެން ހުންނަ ކުރާގަނޑެއްގައި ގަންނަ ފުއްކުދި ގޮވާމެކެވެ މިގޮވާމުގެ ބޭރުގައި ހިލަތޮށްޓެއް ހުންނާނެއެވެ މިހަރުވީމާ ހުންނާނީ ގަދަރަތްކުލައިގައި ނުވަތަ މުށި ކުލައިގައެވެ ނުވަތަ ކަޅު ރަތްކުލައިގައެވެ މިގޮވާމުގެ ފުއްތައް ހުންނަނީ ވަށްކޮށެވެ
ބިންބިމޮށްގަނޑު
ނ ހުންޏާއި ހަކުރާއި އަޅައިގެން ބިންބިފުށުގައި ހިލާފޮނި ކާއެއްޗެއް
ބިންބިފޮޅި
ނ ބިންބި ފުށުން ތައްޔާރުކުރާ ފޮޅި
ބިންދާބަޑި
ނ މެދުން ލަނބާ ހުޅުވާ އެތަނަށް ރޭޒާފުކެއް ލައިގެން އަމާޒު ހިފާން ދަސްކުރާން ގެންގުޅޭ ބަޑިއެއް
ބިންތެޅި
ނ ބިންގަނޑު ހަރުކުރާން ތަޅާ އެތިގަނޑު
ބިންތެޅުން
މ (1) ބިންގަނޑު ހަރުކޮށް އެއްވަރުކުރާން ތެޅުން (2) )ސ ( ބިންހެލުން
ބިއްލޫރިކަފާކަށި
ނ ބިއްލޫރި ކަފަން ބޭނުންކުރާ އާލަތެއް
ބިމުޑިބާޅަ
ނ )ވ ( ގަދަބިންފާޅަ މިއީ ފަތްބޮޑެތިކޮށް ހުންނަ ވެޔޮގަނޑެކެވެ މިއީ ފަތްޕިލާވެލީގެ ގޮތުގައި ބޭނުންކުރާ އެއްޗެކެވެ
ބިދުޢަވެރީން
ނ ދީނީކަމެއްގައި ހަދައިގެންއުޅޭ ދީނުގައިނުވާ ކަންތައް ކުރާމީހުން
ބިސަހުރި
ނ ތަރުތީބުން ކުރާ ކަމެއްގެ ތަރުތީބު އޮޅުވައިލައި ގަންނަ ސަކަރާތް
ބިސަހުރި އެރުވުން
މ ތަރުތީބުން ކުރާ ކަމެއްގެ ތަރުތީބު އޮޅުވައިލައި ސަކަރާތަކަށް ހެދުން
ބީމަހީމަ
ނ "ބީވަރ" ކިޔާ ޖަނަވާރެއްގެ އުރަވަޅިން ނެގޭ އެއްޗެއް. މިއީ ބޭހަށް ބޭނުންކުރާ މަޑު މީރުވަހެއް ދުވާ އެއްޗެކެވެ މިޖަނަވާރު ދިރިއުޅެނީ ފެނުގައެވެ މީގެ އުރަވަޅީގައި މާމުއި ކަހަލަ ތެތްކަމެއް ހުރެއެވެ އުރަވަޅި ދުލިގަނޑާއެކު ނަގައިގެން ހިއްކައިގެން ބޭހަށް ބޭނުން ކުރެއެވެ
ބުންނަރު
ނ މިއުޒިކު ކުޅެން ބޭނުންކުރާ ނަރުފުރާފައި ހުންނަ ބައެއް އާލާތުގެ އެންމެ ފަލަނަރު