radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
ބަތާނަ
ނ (1) އެތެރޭފަށް (2) އުނުފޭރާމާއި ބާލީހާއި ގޮދަޑިއާއި ސަނދުވާފަދަ ތަކެތީގެ އެތެރޭގައި އޮންނަފަށް. (3) ކުލަ ނުވަތަ ދަވާދު މަތި މައްޗަށްލާއިރު އެންމެ ފުރަތަމަ ލާފަށް (4) މަޖާޒު: ގެޔަކަށް ވަދެ އުޅޭ މީހުންގެ ތެރެއިން އެގެއަކަށް އެންމެ ގަދަ މީހާ
ބަލާނދެ
އ މީހަކުކުރާ ކަމަކަށް ސިއްސައިލުމަށް ނުވަތަ ހޭއަރުވައިލުމަށް ބުނާބަހެއް
ބަލިއެރުން
މ (1) ބައްޔެއް އެކެއްގެ ގައިން ނުވަތަ އަނެކަކުގެ ގަޔަށް ނުވަތަ އެކައްޗަކުން އަނެއްކައްޗަކަށް ފޯރުން (2) އެއްރަށުގައި އުޅޭބައްޔެއް އަނެއްރަށަކަށް ދިއުން
ބަގިޔާ
ނ ކުރެހުމަކަށް ފެންނާނޭގޮތަށް ޖަހާ ހަރުރޮއްޖެއް މި އެންމެ ގިނައިން ބޭނުން ކުރަނީ ދިވެހި ލިބާހުގައި ބޯވަޅު އަޅާއިރުގައެވެ ބޯވަޅުގައި ބަގިޔާ ޖަހާތާނގައި އަޅަންގަތާ އެއްޗިއްސަށްވެސް ކިޔަނީ މިހެންނެވެ
ބަގިޔާޖެހުން
މ (1) ރޮދި ހަރުކޮށްގެން ބަގިޔާއަކަށްވާ ގޮތަށް ތިނޯހުން ރޮދި ޖެހުން (2) ފަލިޖެހުން
ބަގީޗާގަސް
ނ (1) ފަތްވެރުން މަދު ބިޔަނުވާ ރީތިގަސް. މިސާލު: ދޮންފަތް ބަގީޗާ ފަރުދާ ބަގީޗާ. (2) ރީއްޗަކަށް އިންދާ ބިޔަނުވާކަހަލަ މޭވާނާޅާ ގަސް
ބަގެލަ
ނ މުސްކުޅިގޮތަށް ގެއްލާއިރު ދޭކަށް ކިޔާނަމެއް
ބަސަރާއަށް ކަދުރު ވިއްކުން
މ (1) އެއްޗެއް ނުހަނު ގިނައިން ހުރި ތަނަކަށް ހަމަ އެކަހަލަ އެއްޗިހި ވިއްކަން ގެންދިއުން (2) މަޖާޒު: ކަމެއްގެ މާހިރަކަށް އެކަމެއްގެ ގޮތް ކިޔައި ދިނުން
ބަސްނުވިކޭ އޮޑީގެ ދިރުނބާކޮޅަށް ނާރާށެވެ.
(މިސާލުބަހެއް) ބަސްގަބޫލު ނުކުރާ ބަޔަކަށް މަގުދައްކާ މީހަކަށް ނުވާށެވެ.
ބަސްކޮށާރު
ނ ޖަމާވެފައި ނުވަތަ މީހަކަށް އެނގިފައިވާ ބަސްތައް
ބަޑިބަޑިކުޅުން
މ ފަންކުޅޭ ކަހަލަ ގޮތަކަށް މުންޏެއް ޖަހައިގެން ދެބައަށް ބެހިގެން ކުޅޭ ކުޅިވަރެއް. މިއީ އިރުވައި މޫސުމުގައި ފުރަހަޅަ ލައިގަތުމުން މާލޭގެ އުތުރާއި އިރުމައްޗާއި ހުޅަނގު ފަރާތުގެ ބުރުޒުތައް ދޮވެ ސާފުކޮށް ބަޑިފަންޖަހައި މިކަމުގެ މަސައްކަތް ނިމޭ ދުވަހު އެތަނުގެ ކުނިފަން ސާފުކުރަން ނުކުންނަ އަންހެނުންނާއެކު މެދުރި މުސްކުޅި ބޭކަނބަލުން ކުޅުއްވައި އުޅުއްވި ކުޅިވަރެކެވެ މިކުޅިވަރު ކުޅެނީ މައި ފާރުން ބޭރުގައެވެ މިކުޅިވަރު ކުޅޭތަނަށް ފިރިހެނުން އައުން މަނާވާނެއެވެ
ބަޑިއެޅުން
މ (1) މަހުގެ ނަގޫފަތުން ލޮނުގަނޑުގައި ޖެހުން. (2) މަސްފެން މައްޗަށް އެރުމުގައި ނުވަތަ އަޑިއަށް ދިއުމުގައި އަޑު އިވޭގޮތް ހެދުން (3) ބަޑިއަކަށް ލައިފައި ތަވީދެއް އެޅުން
ބަޑިފަޅައިގެންދިޔުން
މ މަޖާޒު: ހިތުގައި ޖެހިގެން ކުއްލިއަކަށް އަޑުއިވޭ ވަރަށް ރޮއިގަނެވުން
ބަޑިތަކުރުވިހޭރޭ އަލަފަތްއައިހެން
)މިސާލުބަހެއް( ނުލިބިގެން އުޅުނު އެއްޗެއް ކުއްލިއަކަށް މާގިނައިން ލިބުނީމާ ބުނެއުޅޭ މިސާލުބަހެއް
ބަޑިތެޅުން
މ (1) ބަޑިތަކެއްޖެހުން (2) ދިގުދަލަށް މަސްލެވުން ފަދަ ބޭނުމަކަށްޓަކައި ފެންގަނޑުގައި ދަނޑިން ނުވަތަ އަތުން ތެޅުން (3) ފޮތިގަނޑެއް އަޑުގޮވާ ގޮތަށް ވަޔާ ތެޅުން (4) ހިނގޭ ގޮތަކުން އަނދެގެން ހުންނަ އެއްޗަކުން އަޑު ގޮވުން (5) މަޖާޒު: މީހަކާ ދިމާޔަށް ވަރު އަރުވައިގަތުން
ބަޓަރުތޮޅި
ނ ރިހަކައްކަން ބޭނުންކުރާ ފެހިކުލައިގެ ތޮޅިޔެއް. މިހުންނާނީ އާދައިގެ ހިމެރި ތޮޅިޔަށްވުރެ ބޮޑެތިކޮށް ބޯކޮށެވެ އޮށްތައް ހުންނާނީ ފޯލިކޮށް ހުންނަފާޑަށެވެ ހިމެރި ތޮޅީގެ އޮށަށްވުރެ ބޮޑެތިވާނެއެވެ މިއީ ބޭރުގައި ކެހެރި ހުންނަ ތޮޅިޔެކެވެ ގާތްގަނޑަކަށް ކައިވަތެއްހާ ދިގުމިން ހުންނާނެއެވެ
ބަޔާނާ
ނ (1) ވިޔަފާރިއެއް ކުރެވުނު ކަމުގެ ހެއްކަކަށް ގަންނަމީހާ ވިއްކާމީހާޔަށް އަގުން ދޭބައެއް (2) ފިރިހެނަކު އަންހެނަކަށް އިންމަތިންދޭ އެއްޗެއް
ބަޔާނާ ދިނުން
މ (1) ވިޔަފާރި ކަނޑައަޅައިފައިވާ އަގުން ބައެއްދިނުން (2) އިންނަމަތިން އަންހެނަކަށް އެއްޗެއްދިނުން
ބަޔާނާކުރުން
މ (1) އިންނާންކަމަށް ނުވަތަ ވިއްކާން ކަމަށް ވަޢުދުކުރުވުން (2) އަންހެނަކަށް ޚަރަދުދީގެން ތިމާގެ މައްޗަށް ބޭންދުން
ބާ
ނ (1) ތާނާއިގެ ފަސްވަނަ އަކުރަށް ކިޔާނަން. ނއ. (2) ބައު. (3) އާކަމުގެ އިދިކޮޅު. (4) ގިނަދުވަސްވެފައިވާ. (5) ގެންގުޅެފައިވާ. (6) ނ. ލަކުޑިއަށް ގެއްލުމެއް ލިބިގެން ހެދޭ ހޮއި ނުވަތަ ވާ ފީ. (7) އެއްޗަކަށް ގެއްލުމެއް ލިބިގެން ފޫގޮސްފައިވާ ލޯވަޅު. (8) އަންހެންލޯފިނދު. (9) ކުޑަކުދިންގެ ބަހުގައި ކީރިތި ޤުރުއާން ނުވަތަ ލިޔެފައި އޮންނަ ކޮންމެ އެއްޗެއް. )01( ބައެއް ސުއާލު ކުރާއިރު ފަހަތަށް ގެންނަ އަކުރެއް. މިސާލު: މިގޭގައި މީހަކުއުޅޭބާ ގަންނާނެއްބާ