radheef.info
ރަދީފު


ޅ
ނ ތާނައިގެ ހަވަނައަކުރު
ހޯގުޅާ
ނ ކަނޑުމަތީ ދޫންޏެއް މިނިދައި ބިސްއަޅައި ވިހައި އުޅެނީ އެއްގަމުގައި ހަރުކޮނެގެންނެވެ މީގެ ދެބާވަތެއްވެއެވެ އެއީ ބަނޑުދޮން ހޯގުޅާއާއި ބޮޑު ހޯގުޅާއެވެ
ހޯގޮޅާ
ނ ހޯގުޅާ
ހޯގޮޅު
ނ )ސ ( ހޯގުޅާ
ނަހައްދަވާއަޅުން
މަޖާޒު: ރަނގަޅުކަމުގެ ގޮތުން ނުވަތަ ނުބައިކަމުގެ ގޮތުން ވިއަސް ފާހަގަ ކުރެވޭފަދަ ކަމެއް ނުކުރެވޭ މީހުން
ނަނުއެޅުން
މ އުއިން ނުވަތަ ވަކައިން ނަނު އެބުރުން
ނަންއަޅާވިނަ
ނ މަރުކާވިނަ
ނަރަކަމަޅަ
)ބދ ( ކޮނޑު
ނަރަފަޅޯ
ނ )ސ ( ނަރުފަޅޯ
ނަރުފަޅޯ
ނ ވެޔޮފަޅޯ
ނަޅައި
)ބދ ( ނާށި
ނަޅާ
ނ ބަރަވަލި
ނަކަސްތެޅުން
މ ޖިމާޢުވުމުގައި ފިރިހެންމީހާއަށް އެދުންފުދުމަށްފަހުގައިވެސް ޖިމާޢުވުމުގެ ހަރަކާތް ހުއްޓާނުލައި ކުރިޔަށް ގެންދިއުމަށް މަސައްކަތްކުރުން ތިޔަކުރަނީ ތާކުންތާކު ނުޖެހޭ ކަންތަކޭ ބުނަންވެސް މިހެން ބުނެއުޅެއެވެ
ނައިބުފަތްކޮޅު
ނ ނައިބުކަމާ ހިނގާއިރު ނައިބު ބޭކަލުންގެ ގެންދަވާ ދީނުގެ އަމުރުތައް ލިޔެވިފައިވާ ފަތް
ނައިބޮލިތުޅާ
ނ )ހ ( ނައިބޮލި ސަމުސާ
ނަދޮޅުވައް
ނ (1) ނަދޮޅުވައްގަނޑު (2) ނަދޮޅުވަތުވައްގަނޑު
ނަދޮޅުވައްގަނޑު
ނ (1) )ޅ ( ކޮށިފިލާގެ ދިރުނބަލަށް ކުނބުގެކޮޅު ފަހުގައި އޮންނަ ވައްގަނޑު (2) )މ ( ދަންމަޅާކޮށިފިލަޔާ ދޭތެރޭ އަޅާ ވައްގަނޑު
ނަލަހަފޮޅު
ނ މަސްދޯނިފަހަރުގެ ފެން ފިލަޔަށްވީ ހިސާބުގައި މަތިކަނުގެ އެތެރޭން އަޅާ ތުނި ހަފޮޅު
ނަލަރޯޅި
ނ (1) މަޑުމަޑުންޖެހޭ ލުއިލުއި ވައިރޯޅި (2) މަޑުމޫސުމުގައި ޖެހޭވައި
ނަގާހައި ވިލަޔަކުން ފެނެއް ނާންނާނެއެވެ. ޖަހާހައި ގުގުރިއަކުން ހޮނެއް ނާޅާނެއެވެ.
(މުސްކުޅިބަހެއް) (1) ކުރިމަތި ވެދާނެކަމަކަށް ހީކުރެވުނު ނުރައްކާތެރިކަމެއް ނުވެދިޔުމުން އެކަމާގުޅިގެން އެކަންނުވިކަން ދޭހަކޮށް ދިނުމަށް ބުނެއުޅޭ ބަހެއް (2) ކުރިމަތިވަމުންއައި ކަމަކުން ނުކުންނާނެކަމަށް ހީކުރި ނަތީޖާ ނުނިކުތުމާ ގުޅިގެން ބުނެއުޅޭ ބަހެއް
ނަގާނޭ ބަނދަރެއްގައި އޮޑިނާޅާށެވެ
(ހަރުބަހެއް) ތިމާޔާ އެކަށީގެންނުވާ ހިސާބެއްގައި އިށީނދެ ނޫޅުން ފަދަ ކަންކަމަށް ބުނާބަހެއް