radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ރާނބާ
ނ ގަހެއްގެ ނަން މިގަހުގެ ސިފަވައްތަރުވާނީ ކަށިނެތް ކަށިމާ ގަހަކާއެވެ މިގަހުގެ ފަތުގައި މީރުވަހެއް ދުވައެވެ އަދި މިގަހުގެ ފަތް ތަކެތީގައި މީރުވަސް ދުއްވުމަށާއި ކާތަކެތީގައި މީރު ރަހަލެއްވުމަށް ބޭނުންކުރެއެވެ
ރާރުއް
ނ (1) ފަސޭހައިންރާވެ ރާ ގިނައިން ލިބޭ ރުއް (2) ރާކޮށްފައި ހުންނަ ރުއް
ރާބެބުރި
ނ ރީނދޫމަލެއް އަޅާ ފިލާވެއްޔެއް މިއީ ބޭހަށް ބޭނުންކުރާ އެއްޗެކެވެ
ރާޅު
ނ (1) ހިމުންކަމުގެ އިދިކޮޅު. (2) ކުރަކ.ި (3) ކަނޑުކަނޑާއި ކޯރުކޯރާއި ފެންފެންގަނޑުން އުފުލި ދަތުރުކުރާ ފެނުގެ ރޮނގު. (4) ހޮޅިލައިފައި ފަރުފަރަށާއި ގޮނޑުދޮށްތަކަށް ބިންދާ ފެނުގެ ހޮޅި. (5) ކަނޑުން ނުވަތަ ކޯރުން އުފެދޭ ހަލަބޮލިކަމުން ގޮނޑުދޮށާއި ހަމައަށް އައިސް ބީއްސާލާ ފެނުގެ ކޮއްޕާ ކޮއްޕުން. (6) ދަގަތްފާނާއި ކަރަންޓުގެ ދަތުރުކުރާ ހަކަތައިގެ ބައިތައް (7) ރޭޑިޔޯއިން އަޑުދުރަށް ފޮނުވަން ބޭނުންކުރާ ކަރަންޓުގެ ބާނި (8) އަޑު ދަތުރުކުރާއިރު ހުންނަ ފަށަލަ ފަށަލަ (9) ނއ އޮމާންކަމުގެ އިދިކޮޅު
ރާއުނދުން
ނ ރާކެއްކުމަށްޓަކާ ވަކި ފުންމިނެއްގައި ވަކިމިންގަނޑަކަށް ބިންމަތިކޮނެ އެތަނަށްއަޅި އަޅައި ފެންޖަހައި ހަރުކޮށްގެން ތިންވަރުގެ ތިން އަނގަކަނޑައި މަގަތުއަނގައިން ބަނޑުދުރަލާގޮތަށް ކޮންނަމުންގޮސް އަނެއްދެއަނގަ ވަޅަށް ފޫދުައްވައިފައި ހުންނަ އުނދުނެއް. މަގަތު އަނގަވަޅަކީ ދަރުޖަހާތަނެވެ. މެދުގައި ވަށްލޯވަޅެއްހެން ބޮޑުކޮށްހުންނާނީ ތަރާ ފަތްއުދާ އަނގަވަޅެވެ. އެންމެ ބިއްދޮށަށް ހުންނާނީ އާވި ބޭރުކުރުމަށް ހަދައިފައި ހުންނަ )ކުދިތެލި އުދޭވަރުގެ( ލޯވަޅެކެވެ އެތަނަށްކިޔަނީ ކަނޑޯޅިކޮޅެވެ ދެ އަނގަވަޅު ދެމެދަށް ކިޔަނީ ނިތްގަނޑެވެ
ރާޑަރު
ނ ނުފެންނަ ހިސާބު ދުރުގައިވާ އުޅަނދެއް ނުވަތަ އެއްޗެއް ހޯދުމަށް ބޭނުންކުރާ ރޭޑިއޯ ރާޅު ބޭނުންކުރާ އާލަތެއް މިއިން ފޮނުވާ މަތީ ދަރަޖައިގެ ރޭޑިއޯވޭވުސް އެއްޗެއްގައި ޖެހިފައި އެނބުރި އައުމުން އެއްޗެއްހުރި މިސްރާބަކާއި ދުރުމިނެއް އަންގައިދެއެވެ މިއިން ތަންތަނުގެ ތިލަމިނާއި ފުންމިނާއި އުސްމިން ބެލެއެވެ
ރާޒުވާ
ނ ފަސްދޮޅަސް ހަތަރު ގޮޅި ހުންނަ ފިލާގަނޑެއްގެ މަތީގައި ކުޅޭ ކުޅިވަރެއް މިކުޅިވަރު ކުޅެން ބޭނުންކުރާނީ ދިގުހަރުން އެކިސިފަސިފައަށް ލިޔެފައި ހުންނަ ކުޅިތަކެކެވެ މިއީ ދެމީހުން ކުޅޭ ކުޅިވަރެކެވެ
ރާޒުވާކުޅިބައި
ނ ރާޒުވާ ކުޅެން ބޭނުންކުރާ ކުޅިތައް. އެއީ 2 މަންތިރި 2 ބޮނދު 4 ބޮޑުބޯ 4 އަސް 4 ރިޔާ 61 މަނާ މިއެވެ
ރާޒުވާގޮނޑި
ނ މިއީ ފަރާތެއްގައި 8 ގޮޅިމަގުން ޖުމުލަ 46 ގޮޅިހުންނަ ގޮތަށް ހަތަރެސްކަނަށް އޮންނަ ފިލާގަނޑެކެވެ މިފިލާގަނޑު ހުންނާނީ ތަންތާ ބެހެއްޓޭގޮތަށެވެ ގޮޅިތަކުގެ ބޭރުން ފިލާގަނޑުގެ ދެކޮޅުގައި ކުޅިތައް ބެހެއްޓޭނެ ޖާގަ އޮންނާނެއެވެ
ރިހި
ނ ހުދުކުލައިގެ މަޢުދަނެއް މިއިން ގަހަނާ ހަދައެވެ އަދި ފައިސާގެ ގޮތުގައިވެސް ބޭނުން ކުރެއެވެ
ރިހިމުޑުދާސް
ނ ރިހިކުލައިގެ ހުންނަ މުޑުދާހެއް މިއީ ބޭހަށްގެންގުޅޭ ބާވަތެއްގެ މަޢުދަނެކެވެ
ރިހިލޮނު
ނ ކަޅާހުދުގެ ފޮޓޯގެ ކުލަ މުށިކުލައަށް ބަދަލުކުރަން ބޭނުންކުރާ ބޭހެއް
ރިނދަ
ނ ރާޅުޖަހާ ހިސާބު ގޮނޑު ދޮށުގައި ވަޅުޖަހައިގެން އުޅޭ އެއްޗެއް މީގެ ބޭރުގައި ހަރު ތޮއްޓެއް އޮންނާނެއެވެ އެތެރޭގައި އޮންނަނީ މަސްލާފައެވެ ބޭރު ތޮށިގަނޑު އޮންނަނީ ދެފަޅިއަށެވެ
ރިބާކެއުން
މ ރިބާގެ ބޭނުން ކުރުން
ރިކޯޑުކުރުން
މ ކަމެއްގެއަޑު ނުވަތަ މަންޒަރު ނުވަތަ މަޢުލޫމާތު ފަހުން ބޭނުންކުރެވޭ ފަދަ ގޮތަކަށް ތަފާތު ވަސީލަތްތަކުން ރައްކާކުރުން
ރިވާކުރުން
މ މީހަކު ދެއްކި ވާހަކައެއް ނުވަތަ ހިނގިކަމެއް އެދެއްކި ގޮތަކަށް ނުވަތަ އެހިނގިގޮތަކަށް ބުނުން ޢާއްމުކޮށް މިބަސް ބޭނުންކޮށްއުޅެނީ ކީރިތި ރަސޫލާގެ ސުންނަތަށް ނިސްބަތްކޮށެވެ
ރިވެލި
ނ (1) ހިޔަނި. (2) ގޭގޭ ދޮރުން ބޭރަށް ނިކުމެފައި ހުންނަ އަލި (3) ކަނޑުގެ ބާނިތަކަށް އިރުންއެޅިފައި ހުންނަ ދަޅަ
ރިވެލިފަށް
ނ ތަނެއްގެ އެތެރޭގައި ދިއްލައިފައި ހުންނަ އެއްޗެއްގެ އަލި އެތަނެއްގެ ދޮރުން ބޭރަށް އެޅިފައިވާ ހިސާބު
ރިލޭރޭސް
ނ ޓީމުތަކުގެ މެދުގައި ބޭއްވޭ ދުވުމުގެ ރޭހެއް މީރޭހުގައި އެމީހަކު ދުވާނީ އެކަކު އަތުން އަނެކަކު އަތަށް ބަދަލުވާ ދަނޑި ބުރިއެއް ހިފައިގެން އެމީހަކަށް ކަނޑައެޅިފައިވާ ތަންކޮޅެއްގައެވެ
ރިސާލަތު
ނ (1) ﷲ ސުބުޙާނަހޫ ވަތަޢާލާ ރަސޫލު ބޭކަލުންނަށް ބާވާލެއްވި ޝަރީޢަތް (2) ރަސޫލުކަން