radheef.info
ރަދީފު


ބައް
ނ ކަންފަތުގެ އިވުމަށް އަންނަ ބަންދުކަމެއް
ދިމާކުރުން
މ (1) ބައްދަލުކުރުން (2) މީހަކާ ޖައްސައިލައިގެން އެއްޗެހި ކިއުން (3) އެއްޗަކާ އެއްޗެއް ސީދާކުރުން (4) ރަނގަޅު ޖަވާބެއް ދިނުން ނުވަތަ ރަނގަޅު ޖަވާބެއް ހޯދުން (5) ހަމަލަދިނުން
ދިމާވުން
މ (1) ބައްދަލުވުން (2) ފެނުން މިސާލު: މިއަދު އޭނާއާ ދިމާވިއެވެ (3) ސީދާވުން (4) ލައްވައިލުން (5) ބުނިގޮތާއެއްގޮތްވުން (6) އެނގުން
ދިގުހަރުލިއުން
މ ދިގުހަރުގައި ލަކުޑިގަނޑެއް އަޅައިގެން އެލަކުޑިގަނޑު ދިގުހަރު ލިޔާކަށިން ވަކިބައްޓަމަކަށް ކޮށުން
ދީފައިހިފުން
މ (1) މަސްބާނާއިރު އެންގަނޑުކާން ދިނުމަށް ތަންކޮޅެއް ދޫކޮށްފައި ދެން ދަމައިގަތުން (2) މަޖާޒު: އަނެކަކަށް ރަނގަޅަށް ފުރުސަތުދީފައި ތިމާގެ ބާރުގެ ދަށަށް ގެނައުން ނުވަތަ ބައްދައިލުން
ދުންބައްތި
ނ (1) ނެރާއި ކަނޑިންމަ ފަދަތަންތާނގައި ރޭގަނޑަށް ފެންނަގޮތަށް ހަރުކޮށްފައިވާ އަލިކުރާއެތި (2) ނެރުބައްތި
ދުންބައްތެލި
ނ (1) އިންޖީނުބައްތެލި (2) ލާންޗު
ދުރޯ
ނ (1) ހަނގުބޭކަލުންނާ ހަމައިންފެށިގެން މަތީފެންވަރުގެ މީހެއްގެ އަބުރާ ބެހުމުންނަގައި އުޅުނުލާރި މިގޮތަށް ނަގާނީ ދުއިސައްތަ އައްޑިހަލާރިއެވެ (2) ދެދޮރާށި ދޭތެރޭ ނުވަތަ ގުޅަކުޅޭ ފަސްގަނޑުގައި ފައިދޮށް ޖައްސަވައިގެން ހަނގުބޭކަލުން އެއްޗެއް ބައްސަވަން ތިއްބަވާ އިރު ކަމާނުބެހޭ މީހަކު އެއިން ތަނަކަށް ވަދެއްޖެނަމަ ދޭންޖެހޭއާދަ މިގޮތަށް ނަގައި އުޅުނީ އަށްލާރިއެވެ
ދުޅަ
ނ (1) ލިބޭގެއްލުމަކުން ނުވަތަ ބައްޔެއްގެ ސަބަބުން ހަށިގަނޑުގެ ތަންތަން އުފުލޭ އުފުލުން. (2) ވިޔުމުގެ ތެރޭގައި ފޮތީގައި އުފުލުންލައިފައި ހުންނަތަން. (3) ވިޔުމުގައި ބޭނުންކުރާ ހައިފަށް ނުވަތަ ރޮދިފަށް ނުވަތަ ފަންވަތް ފަދައެއްޗެހި މަތިންނާއި ދަށުންގޮސްފައި ހުންނަހުރުން
ދުޅަބަލި
ނ މުޅިމީހާ ދުޅަވެގެން ގޮސް ފެންކަނޑައިގެންދާ ބައްޔެއް
ދުޅަކަން
ނއނ ބައްޔެއްގެ ސަބަބުން ނުވަތަ ލިބޭ ގެއްލުމެއްގެ ސަބަބުން ހަށިގަނޑުގެ ގުނަނެއް ނުވަތަ މުޅިހަށިގަނޑު ބޯވެފައި ހުންނަކަން
ދުއްލިސާ
ނ އިހުގައި ގެންގުޅުނު ތެޔޮއަޅައިފައި ފުއްލައިގެން ދިއްލަން ހަދައިފައި ހުންނަބައްތިއެއް މިބައްތީގެ ދިއްލާބައި ހަދައިފައި ހުންނަނީ އުސްކޮށް ތިރިކޮށް ހެދޭގޮތަށެވެ
ދުވަނި
ނ ޢާންމުކޮށް ކުޑަކުދިންގެ ގައިންނަގާ ބައްޔެއް މީގެ ދެތިން ވައްތަރު ހުރެއެވެ އެއީ )ހ( ގޮށް ދުވަނި )ށ( ރަސްދުވަނި މިއެވެ މިތަނުން އެންމެ ނުރައްކަލީ ރަސްދުވަންޏެވެ މިދުވަނިނަގާނީ ކަނދުރާއިން މަތިންނެވެ ތިރިއަށް ފައިބަމުންގޮސް މެޔަށްވުރެ ތިރިވެއްޖެނަމަ ވަރަށްބޮޑަށް ނުރައްކާވާނެއެވެ ބޮޑެތިމީހުންގެ ގައިން މިދުވަނި ނަގައިފިނަމަ ކިޔަނީ މާވިހައެވެ ދުވަނިވެއްޖެނަމަ ހުންނާނީނޫކޮށް ނުވަތަ ރަތްކޮށެވެ ގޮށް ދުވަނި ނަގާނީ ތަންތަން ކޮޅުގައިގޮށް ގޮށަށެވެ
ދޫމި
ނ ހަށިގަނޑުގައިޖަހާ ލައްތަކެއްގެ ސިފައިގައި ހުންނަހަމުގެ ބައްޔެއް
ދެހަންދޭތެރެ
ނ (1) ހުދުހަމާއި ކަޅުހަން ގުޅޭތަން (2) ހަށިގަނޑުގެ ބޭރުހަމާއި އެތެރެ ހަމާދެމެދު މިސާލު: ތިޔައީ ދެހަންދޭތެރޭގައި ހިނގާ ބައްޔެކެވެ
ދެބަރާޅު
ނ )ޅ ( ދެބައްރާޅު
ދެބައްރާޅު
ނ ދެފަރާތުން އައިސް ބައްދަލުވާ ދެރާޅު
ދެބަފައިން
ނ ބައްޕައާއިދަރިފުޅު
)ނަހަނާގެ ބާވަތެއް( ދޮންނަހަނާ
ނ ހަމުގެ ބައްޔެއްގެ ނަން
ދޮންބައްޕަ
ނ މަންމައާއިން ނުވަތަ އިނދެގެން އުޅޭ ބައްޕަނޫން މީހާ
ދޮންބަފާކަލޭގެ
ނ ތިމާގެ ފިރިމީހާ ނުވަތަ އަނބިމީހާގެ ދޮންބައްޕަ