radheef.info
ރަދީފު


ހެން
އ (1) ކަހަލަ (2) ފަދަ (3) އެއްގޮތަށް މިސާލު "ކަލޭ ބައްޕަ އުޅޭހެން އުޅޭ" (4) ވައްތަރަށް
ކެކުރިފާކުރުން
މ މަޖާޒު: ބޮޑު ފިރިހެނަކު ޅަ އަންހެން ކުއްޖަކާ ހިތާވެގެން އެކަމަށް އެކުއްޖާ ހޭނުވުން
ކެއުން
މ (1) ކާއެއްޗެހި ހަފައިގެން ނުވަތަ ނަހަފާ އަރުން އެތެރެކުރުން (2) ފަޅުރަށްރަށާއި ގޮއިފާލައްބަ ފަދަ ތަންތަން ވަރުވާއަށް ލިއުއްވައިގެން ގެންގުޅުން (3) ހެފުން މަޖާޒު: (4) އެހެން މީހެއްގެ މުދަލުގައި ސިއްރުން ޖެހުން (5) ވަކިވައްތަރެއްގެ ތަކެތި ޤަބޫލުކުރުން މިސާލު: )ހ( ރިޝްވަތުކެއުން )ށ( ރިބާކެއުން
ކެޔޮބުޑު ބަވާޒީ
ނ ފުރަގަސްފަރާތު ބަލީގެ ބާވަތެއް މިއީ ފަރުވާނުކުރެވި ގިނަދުވަސްވީމާ އަޑިޔަށް މޫލައި ބޭރަށް ނާރުފުއްޕައިފައި ހުންނަހެން ވަށައިގެން ފުއްޕައިފައި ހުންނަ ބައްޔެކެވެ
ކެޔޮޅާ
ނ ކަށިމަލުފެން މިއީ އިހުގައި ބަންގާޅުން ގެނެސްއުޅުނު އެއްޗެކެވެ މިހުންނަނީ ފިނިފެންފުޅިހެން ހަމައެވަރުގެ ފުޅިފުޅީގައެވެ މިބޭނުންކުރަނީ ކާއެއްޗެއްސަށް އަޅާށާއި ބޭހަށެވެ
ކޭޓޫ
(1) އާގުބޯޓު ފަހަރުގައި ބައްތެލިނަގާން ކޮޅުލަނބާލައިފައި ހުންނަދަގަނޑު އަދިމިނޫނަސް މިގޮތަށްހުންނަ އެއްޗިއްސަށް މިހެންކިޔައެވެ (2) ނައުފަހަރުގެ ފަނާމަތީގައި ދެފަރާތު ދެކަންކަށި މައްޗަށް ނެރެފައި އޮންނަ ގުޑުގުޑަ
ކޮށިބިއްލޫރި
ނ ގޮތްގޮތަށް ކޮށައިފައި ހުންނަހެން ފެންނަގޮތަށް ހަދައިފައި ހުންނަ ބިއްލޫރިއާއި ބިންވަޅުނަގައި ކުރަހައިފައި ހުންނަ ބިއްލޫރި
ކޮށިގަނޑު
ނ (1) އެކިއެކި ބޭނުމަށްޓަކައި ކޮށި އެޅުމަށް އެކިގޮތްގޮތަށް ގަތާފައި ހުންނަ ބިތްތައް. (2) އިހުގައި ކުކުޅު ހިފާން ބަނދެފައި ހުންނަ ކޮށި. (3) ރޮދުލާ މަސް ވެއްދުމަށް ކޮށިއަޅާން ގެންގުޅޭ އޮޅައިލެވޭނޭހެން ގަތައިފައި އޮންނަ ބިތް. (4) އެން ދިރުވައިފައި ބަހައްޓާން އޮނުން ބަނދެފައި ހުންނަ ކޮށި. (5) ފައިސާ ބަލައިގަތުމަށާއި މުދާ ދޫކުރުމަށާއި މަޢުލޫމާތު ދިނުމަށާއި މީހުން ބަލައިގަތުމަށް ހޮޓާހޮޓަލާއި ފިހާރަފިހާރައިގައި ހުންނަ ތަން
ކޮނޑު
ނ (1) ކޮނޑުހުޅުންފެށިގެން ކަނދުރާއާ ދެމެދު (2) ލިބާހުގެ އަތާއި ބަދަނާއި ގުޅުނުތަން (3) ބޯވަޅުއެޅި ލިބާހުގެ ކޮނޑުމައްޗަށް ވާހިސާބުން ކަފައިލައިފައި އޮންނަތަން (4) ގުޑިއާއި ތެލަނގަފަދަ އެއްލާ ތަކެތީގެ ލަނބާދުނީގައި ބޮލު ރޮދީން ބޭރަށް އޮންނަ ތަން (5) ބައެއް މަހާނަގަލުގެ ދެފަރާތުން ކަނޑައިފައި ހުންނަ ކައްވާދު (6) ފިރިހެން މަހާނަގަލުގެ ބޮލުގެ ދެފަރާތުގައި އޮންނަ ވަނާގެ މަތި (7) ހެދުން އަޅުވަން ބައިމަތީގެ ބައްޓަމަށް ހަދައިފައި ހުންނަ އެއްޗެއް
ކޮނޑުކެނޑި މަހާނަގައު
ނ ދެކޮނޑުމަތީގައި ކުރިބޯއްޓެއްހެން ދެވަނާލައިފައި ހުންނަ މަހާނަގައު މިބާވަތުގެ ގައު ޖަހަނީ ހެވިންގެ މަހާނާގައެވެ
ކޮންތާކު
އ (1) ހުރިތަނެއް އޮޅުން ފިލުވުމުގެ ގޮތުން ސުވާލުކުރަން ބޭނުންކުރާ އަކުރު (2) ތިމާ ދެނަހުރި ކަމެއްގެ ވާހަކަ އަނެކަކު ބުނީމާ އެކަން އެނގިހުރެ އެކަން ގަދަކޮށްލުމަށް ހަމަތިޔަހެންހޭ ބުނުމުގެ ބަދަލުގައި ބުނެއުޅޭ ބަހެއް (3) ތިޔައީ ދޮގެކޭ ބުނުމުގެ ބަދަލުގައިވެސް ހަމަ މިބަސް ބުނެއުޅެއެވެ މިސާލު: މިހާރު ތިޔައުޅެނީ މީހަކާ އިންނަންދޯއޭ ބުނުމުން ކޮންތާކު މީހަކާއި އިންނާކަށް ނޫޅެން
ކޮންސެލްކަން
ނ (1) ދަށުދަރަޖައިގެ ސަފީރުކަން. (2) އެއްދައުލަތަކުން އަނެއް ދައުލަތަކަށް ފޮނުވައިފައި ހުންނަ އެފޮނުވި ދަޢުލަތުގެ ރައްޔިތުންގެ ވިޔަފާރިއާއި އެހެނިހެން ކަންތައް ބަލަހައްޓާ ވަކީލުކަން
ކޮރުކަލޯމަގު
ނ މެދުގައި ބޮޅު ހުންނާނޭހެން އެއްޗިހީގެ ކައިރިފަށުގައި އަޅާ ބާވަތެއްގެ ކުރެހުމެއް
ކޮރުކޮކާހުއި
ނ ބާވަތެއްގެ ވިނައެއް މިބާވަތުގެ ވިނައިގެ ތެރޭގައި ކޮރުކޮކާ ގިނައިން އުޅެއެވެ މިއީ ބިލެތު ހުއިހެން ހުންނަ އެއަށްވުރެ ހިމަދިގު ވިނައެކެވެ
ކޮޅުހެދުން
މ (1) ފޮށާފަދަ ތަކެތީގެ ކޮޅުގައި ފޯގައިލައި މަޅި ގޮތްގޮތަށް ހެދުން (2) ނަނާއިވާފަދަ ތަކެތީގެ ކޮޅުހިމަކޮށްލުން ނުވަތަ އެކިއެކި ބޭނުމަށްޓަކައި ކޮޅު ނުނިއުޅޭނެހެން ހެދުން
ކޮޅުކުރުން
މ (1) އެއްޗެއް ނަގައި ތެދަށް ބެހެއްޓުން (2) ކަމެއް ނިންމުން (3) ރިޔާނަގައިގެން ދުއްވާތަކެތި ވަޔާދިމާއަށް ނެގެހެއްޓުން (4) ފިރިހެން ހަށީގައި ވާގިޖެއްސުން
ކޮޅުވުން
މ (1) ކަމެއް ނިމުން (2) ފިރިހެން ހަށީގައި ވާގިޖެހުން (3) މީހަކު ލައްވައި ހިންމިޔަށް ހަޅަނގު ވެއްދުން
ކޮޅުމަތި
ނ (1) މުންޑުގެ މެދުތެރޭގައި އެހެން ކުލަކުލައިގެ އުއިން ހަދައިފައި ހުންނަތަން (2) ފޭލީގެ ދެކޮޅުގައި ކަސަބުން ހަދައިފައި ހުންނަތަން (3) ވިޔެފައި ހުންނަ ހަރުވާޅު ދާގަނޑުގެ ދެކޮޅުގައި ކަސަބާއި ފަށުވިން ހަދައިފައި އޮންނަތަން (4) ކުޅިޖަހާއިރު ލައިއުޅުނު ހަރުވާޅުގެ ކުރިމަތީގައި އެލުވާން ކަސަބާއި ފަށުވިން ހަދައިފައި އޮންނަ އެތި (5) މަޖާޒު: ކަމެއްގެ ނުވަތަ ވާހަކައެއްގެ ފެށުމުގެ ނުވަތަ ނިމުމުގެ އަލާމާތް
ކޮކިން
ނ ކޮކާ ކިޔާގަހުގެ ފަތުން ނަގާ މަސްތުވާ އެއްޗެއް އާންމުގޮތެއްގައި މިހުންނަނީ ހިކި އުވަހެންނެވެ
ކޮއިބޮނޑި
ނ އިހުގައި ހަނގުބޭކަލުންގެ އަނބިން ވިހޭމާ އެމީހަކު އަށީބޭކަލުންނަށް ދޭންޖެހޭ ކެއުމެއް. ނުވަރޭ ފެނުން ނުކެނޑެނީސްދޭނަމަ ކޮންމެވެސް ކާއެއްޗެއް ދެނިކޮށް ފުދުނީއެވެ. އޭގެ ފަސްވެއްޖެނަމަ ދޭންވާނީ ހަތަރުނާޅި އަވެއްޔާއި އެޔާވާނެ އެހެން އެއްޗެއްސެވެ
ކޮއްކޮ
ނ (1) ތިމާގެ މީހުންގެތެރެއިން ހަގުމީހާ (2) ތިމާއަށްވުރެ ހަގުކުދީންނަށް އޯގާވެރިކަމުގެ ގޮތުން ކިޔާ އުޅޭ ނަމެއް ބައެއް ފަހަރަށް ވަނަމަކަށްވެސް ބައެއްމީހުނަށް މިހެން ކިޔައެވެ