radheef.info
ރަދީފު


ހުރެ
އ (1) ހެދި މިބަހުގެ މާނަ ދޭހަވަނީ އެހެން އެއްޗަކާއި ގުޅުވައިގެން ބުނީމައެވެ މިސާލު: މަދިރިޔާ ހުރެ ނިދޭކަށް ނެތެވެ (2) )ގ ( ރޫ
ދިއްގާ
ނ ރީނދޫކުލައިގެ މަލެއް އަޅާހިޔާބޮޑު ގަހެއް. މީގެލަކުޑި އޮޑިދޯނިފަހަރު ބަނުމަށާއި ދަރަށް ބޭނުންކުރެއެވެ މީގެވަރަށް ގިނަވައްތަރުތައް ހުރެއެވެ މިސާލު: )ހ( ފެންދިއްގާ )ށ( ވެޔޮދިއްގާ )ނ( ކަށިދިއްގާ
ދިދަމަސްބިބީ
ނ ބިބީއާއިލާގެ މަހެއް މިމަހުގެ ބުރަކަށިމަތީ ކޮތަރީގައި ދިގުނަރުވައެއް ހުރެއެވެ މީގެކުލައަކީ ހުދުކުލައެވެ މަހުގެ ހުރަހަށް ކަތިކޮށް ވަރަށްފުޅާ ކަޅުކުލައިގެ ދެރޮނގު ހުރެއެވެ މަހުގެ ކަންފަތާއި ނިގޫފަތާއި އަދި މަތީ ކޮތަރިބައިގެ ކުލައަކީ ރީނދޫކުލައެވެ ބަނޑުދަށް ފަރާތުގެ ހަރުކަށިތައް ހުންނަނީ ކަޅުކުލައިގައެވެ
ދުންމާރި
ނ ރާގުފުމުމަށް ގެންގުޅޭ އާލަތެއް މީގެ ކިތަންމެ ވައްތަރެއް ހުރެއެވެ މިސާލު: )ހ( ކަފުލޯދުންމާރި މިހުންނަނީ ދުންމާރީގެ މެދުތެރޭގައި ލޯވަޅުބަޔެއް ހުންނަގޮތަށް ފަހަތުކޮޅުގެ އަނގަމަތި ބޮޑުކޮށް ތުންކޮޅު ހިމަކޮށް ފިތެއް ހަރުކޮށްފައެވެ )ށ( ފަންދުންމާރިއާއި ކެޔޮފަތުދުންމާރި މިހުންނާނީ އެއްކޮޅަށް ހިމަކޮށް އަނބުރައިފައެވެ
ދުޅަވުން
މ ކޮންމެވެސް ސަބަބަކާހުރެ ހަށިގަނޑު ނުވަތަ ހަށިގަނޑުން ބައެއް ފުފުން ނުވަތަ ބޮޑުވުން
ދުވަނި
ނ ޢާންމުކޮށް ކުޑަކުދިންގެ ގައިންނަގާ ބައްޔެއް މީގެ ދެތިން ވައްތަރު ހުރެއެވެ އެއީ )ހ( ގޮށް ދުވަނި )ށ( ރަސްދުވަނި މިއެވެ މިތަނުން އެންމެ ނުރައްކަލީ ރަސްދުވަންޏެވެ މިދުވަނިނަގާނީ ކަނދުރާއިން މަތިންނެވެ ތިރިއަށް ފައިބަމުންގޮސް މެޔަށްވުރެ ތިރިވެއްޖެނަމަ ވަރަށްބޮޑަށް ނުރައްކާވާނެއެވެ ބޮޑެތިމީހުންގެ ގައިން މިދުވަނި ނަގައިފިނަމަ ކިޔަނީ މާވިހައެވެ ދުވަނިވެއްޖެނަމަ ހުންނާނީނޫކޮށް ނުވަތަ ރަތްކޮށެވެ ގޮށް ދުވަނި ނަގާނީ ތަންތަން ކޮޅުގައިގޮށް ގޮށަށެވެ
ދުލުގައިހިފައިދެމުން
މ މަޖާޒު: މީހަކު އެއްޗެއް ނުބުނެހުންނަން ބޭނުންވިޔަސް ނުބުނެ ނުހުރެވޭގޮތަށް އަނެކަކު ވާހަކަ ދެއްކުން
ދޫންޏަކަށް ފިޔަމަޅާލަންވެސްނުކެރޭ
މިސާލު: ތަނެއްގެ ހައިބަތު ބޮޑުކަމާ ހުރެ އެތަނަށް މީހަކަށް ކުޑަބޭރުއަރަންވެސް ނުކެރޭކަން ދެއްކުމުގެ ގޮތުން ބުނެއުޅޭ ބަހެއް މިސާލު: އެގަނޑުވަރުގެ މަތިން ދޫންޏަކަށް ފިޔަމަޅާލަންވެސް ނުކެރޭނެއެވެ
ދޫބަންދުވުން
މ ކޮންމެވެސް ސަބަބަކާހުރެ ވާހަކަ ދެއްކޭގޮތް ނުވުން
ދެމެހެއްޓުން
މ (1) ކަމެއް އުވިދިޔަނުދީ ހިފެހެއްޓުން (2) ކަމެއްގައި ގިނަދުވަހު ދެމިހުރެވޭނެ ގޮތްހެދުން
ދެފަށްދަންމާނު
ނ ރިޔާލާން ނުގޮސް މީހާ ހުރިތާ ހުރެގެން ރިޔާލެވޭގޮތަށް ޖަހައިފައި ހުންނަ ދަންމާނު ވައިމާބާރުއިރުވެސް މިގޮތަށް ދަންމާނުޖަހައެވެ
ދެތަނޑިމާ
ނ ދެތަނޑިހުންނަ މާ މީގެ ދެތިންކުލައެއްގެ މާހުރެއެވެ
ދެލި
ނ (1) ނާއްޓާއި ދަރުފަދަ ތަކެތި އެނދީމާ އަޅިޔަށްނުވެހުންނަބައި (2) ލިޔުމަށާއި ޗާޕްކުރުމަށް ބޭނުންކުރާ އޮލަ ނުވަތަ ދިޔާ އެއްޗެއް މިތަފާތު ކުލަކުލައިގައި ހުރެއެވެ (3) ދަރުފަދަ ތަކެތި އެނދީމާ އަޅިޔަށްނުވެ ހުންނަބައި ފުނޑައިގެން އޮޑިދޯނި ފަހަރުގެ ބޭރުގައިލާން ތައްޔާރުކުރާ ދިޔާ އެއްޗެއް (4) ދުމުގެ ސަބަބުން އުފެދޭ ކަޅު އެއްޗެއް
ދެލޯބޮލި
ނ )ޅ ( އަޅިރަތްކުލައެއްގައި ހުންނަ ބޮއްޔެއް މިބޮލީގެ ބޯކޮޅުގައި ކަޅު ދެތިކިހުރެއެވެ
ދޮންބިބީ
ނ (1) ބިބީ ޢާއިލާގެ މަހެއް މިމަހުގެކުލައަކީ ގަދަ ރީނދޫ ކުލައެވެ މަހުގެ ލޯހުރަސްކޮށް ކަޅުކުލައިގެ ހިމަރޮނގެއްދެމިފައި ހުރެއެވެ އަދިމަހުގެ އަރިމަތީގައި ކަޅުކުލައިގެލަފެއް ހުރުމާއެކު މަހުގެ ނިގޫފަތުގެ ބުޑުހުރަސްކޮށްވެސް ހިމަކޮށް ހުންނަ ކަޅުކުލައިގެ ރޮނގެއްހުރެއެވެ މީގެނިގޫފަތުގެ ކުލައަކީ ހުދުކުލައެވެ (2) ދިވެހި އަންހެނުންނަށް ކިޔައިއުޅޭނަމެއް
ދޮންގިއުޅު
ނ ގިއުޅުގެބާވަތެއް. މިއީ ބޭރު ކަނޑުގެ ވަރަށްފުނުގައި އުޅޭ މަދުން ބޭނޭ މަސް ވަރަށް މީރު މަހެކެވެ މިމަހުގެ މައިގަނޑު ކުލައަކީ ވައިލެޓް ކުލައެވެ މަހުގެ ހުރަހަށާއި އެކިގޮތްގޮތަށް ދޮންރީނދޫކުލައިގެ ފުޅާރޮނގުތަކެއް ހުރެއެވެ ނިގޫފަތާއި ބަނޑުދޮށްފަރާތު ކޮތަރިބައި ހުންނަނީ ރީނދޫކުލައިގައެވެ
ދޮރުފަތް
ނ ދޮރުބަންދުކުރުމަށް ހުޅުވައިލެއްޕޭ ގޮތަށް ހަދައި ދޮރުގައި ހަރުކޮށްފައި ހުންނައެތި. މި އެއްފަޅިއަށާއި ދެފަޅިއަށްވެސްހުރެއެވެ
ދޮރުތަންޑު
ނ ދޮރުލައްޕައިފައި ބަންދުކުރުމަށް ބޭނުންކުރާ ތަޅުނޫން އެހެން ތަކެތި މީގެ ތަފާތު ބާވަތްތައް ހުރެއެވެ
ތަށި
ނ (1) ކާބޯތަކެތި އަޅަން މުށިންނާއި މައުދަނީ ތަކެތިން ހަދާކަންވާރެއް (2) އެކިއެކި މުބާރާތުން ވަނަވަނައަށް އައުމުގެ ސަބަބުން ދޭ އެއްޗެއް މިހުންނަނީ ގޮނިކޮށް ތައްޓެއްހެންނެވެ މި އުޅައްލައިފައިވެސް އުޅައްނުލައިވެސް ހުރެއެވެ (3) ފަންޑިތަ ހެދުމުގެ ގޮތުން ލިޔާ ތަށީގައި ފަންޑިތަލިޔެ ގިރައިލާފެންފޮދު
ތަންޑު
ނ (1) ދޮރު ނުވަތަ ދޮރޯށި ލައްޕައި ބަންދުކުރުމަށް މަޢުދަނީ އެއްޗަކުން ނުވަތަ ލަކުޑީން ހަދައިފައިހުންނަ އެއްޗެއް. މި ތަފާތުގޮތް ގޮތަށްހުރެއެވެ (2) )ބދ ( ވިހަ (3) ތާޑީ
ތަރުމޯޒު
ނ ހޫނުފެން ނުވަތަ ފިނިކޮށްފައި ހުންނަފެން އަޅަން ހަދައިފައި ހުންނަފުޅިއެއް މިފުޅީގެ އެތެރޭގައި ހުންނާނީ ރަހަލާފައެވެ މިފުޅިރައްކާތެރި ކުރުމަށްޓަކައި ބޭރުގައި ޕުލާސްޓިކު ނުވަތަ މައުދަނީ ދޮށިގަނޑެއްހުރެއެވެ