radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
އިސްފަރޫފަ
ނ އަންގާގެ ނަކަތްތެރިކަމުގައި ދުވަސް ބަހައިފައިވާ ބައިތަކުގެ ތެރެއިން ބައެއް
އިސްފިރޭނު
ނ އިސްޕިރޭނު ނަރު ނުވަތަ ހިމަ ދަގަނޑު ވަކި ގޮތްތަކަކަށް އޮޅައިގެން ހަދައިފައި ހުންނަ ވަރުގަދަ ފަންވަރަކާއި ބާރެއް ލައިފައިވާ އެއްޗެއް
އިސްދަން
ނ އަވަށް އަވަށުގައި ދަން ބަހައިފައި އޮންނައިރު އޭގެ ތެރެއިން އެންމެ ކުރިއަށް އޮންނަ ދަން
އިސްދަރިވަރު
ނ ކަމެއްކުރާ ނުވަތަ ކަމެއް ދަސްކުރާ ބައެއްގެ ތެރެއިން އެކަމަށް މޮޅުވުމުގެ ސަބަބުން އެކަމުގައި އެންމެ ކުރިއަށް ތިބޭ މީހުންގެ ތެރޭގައި ހިމެނޭ މީހާ
އިސްދެކޮށި
ނ ބަންޑާރަ ކޮށީގެ ދެބައި. އެއީ ބަޑިކޮއްޓާއި އައްޑަނަ ކޮއްޓެވެ
އިސްތަށި
ނ ބޮލުގައްޔާއި އަދިވެސް ގައިގެ ބައެއް ތަންތާނގައި ފަޅައިފައި ހުންނަ ހިމަ ދިގު އެއްޗެއް މިހުންނާނީ ނަރުތަކެއްގެ ސިފައިގައެވެ އާންމު ގޮތެއްގައި އޭގެ ކުލަ ކަޅު ނަމަވެސް އެހެން ކުލަ ކުލައިގައި ހުންނަ އިސްތަށިވެސް ހުރެއެވެ ޖަނަވާރުގައި މިގޮތަށް ފަޅައިފައި ހުންނަނީ ކެހެރިއެވެ
އިސްތިހާރު
ނ ގިނަމީހުންނަށް ކަމެއް އެންގުމަށްޓަކައި ލިޔާލިޔުން ނުވަތަ ގޮވާ ގޮވުން
އިސްތިހާރުކުރުން
މ ލިޔެގެން ނުވަތަ ގޮވައިގެން ގިނަމީހުންނަށް ކަމެއް އެންގުން
އިސްތިރި
ނ (1) އެލެކްޓްރިކް ކަރަންޓްގެ އެހީން ނުވަތަ އަލިފާން އަޅައިގެން އެއްޗެހި ރޫފިލުވަން ގެންގުޅޭ އެއްޗެއް (2) ދެމީހަކު ލޯބީގެގޮތުން ގުޅުވުމަށްޓަކައި ހަދާ ފަންޑިތަ (3) )ބދ ( ނ އަންހެން
އިސްތިރިކުރުން
މ އިސްތިރިން އެއްޗެހި ރޫފިލުވުން
އިސްތިބްރާ
ކނ ކުޑަކަމުދިއުމަށް ފަހު ހޮޅީގެތެރެ ސާފުކޮށްލުމާއެކު ތާހިރުވުމަށްކިޔާ ނަން
އިސްލާންވުން
މ (1) އިސްލާމަކަށްވުން (2) އިސްލާންދީން ފިޔަވައި އެހެން ދީނެއްގައި ހުރިމީހަކު ނުވަތަ ދީނެއް ޤަބޫލުނުކުރާ މީހަކު އިސްލާންދީނަށް ވަނުން
އިސްލާންދީން
ނ އީމާންކަމުގެ ގޮތުން މާތްﷲ ގެ އެއްކައުވަންތަކަން ޤަބޫލުކޮށް އެކަލާނގެ ކިބަފުޅަށް ކިޔަމަންވެގެން ތިބޭމީހުންގެ ދީން މިހާރު މިބަސް ގިނައިން ބޭނުންކުރަނީ ސަލާމާއި ޞަލަވާތްލެއްވި މުހައްމަދުގެފާނުންގެ ދީނަށެވެ
އިސްލާމުން
ނ އިސްލާންދީން ޤަބޫލުކޮށްގެން ތިބިއެދީނުގެ އަހުލުވެރިން
އިސްސަފު
ނ (1) އެންމެކުރީސަފު (2) ފުރަތަމަސަފު
އިސްޓާކީނު
ނ ފައިތިލައާއެކު ނިވާވާގޮތަށް ފަޔަށް ލެއްވުމަށްޓަކައި ދެމިކުރުވާގޮތަށް ވިޔެފައި ހުންނަ އުރައެއް
އިސްޓޭމްޕް
ނ (1) ޕޯސްޓުން ފޮނުވާ އެއްޗެހީގައްޔާއި ރަސްމީބައެއް ލިޔުން ތަކުގައްޔާއި އަދިވެސް އެފަދަ ބައެއް އެއްޗެހީގައި ހިއްޕަން ހަދައިފައި ހުންނަ އެއްޗެއް މިއީ އެއްފަރާތުގައި ތެރަސްލާފައި އަނެއްފަރާތުގައި ބައެއް ކުރެހުމާއި އަގުޖަހައިފައި ހުންނަ ޗާޕްކުރި ކަރުދާސްކޮޅެއް (2) އިސްޓޭމު
އިސްޓޭޖް
ނ (1) ކުޅިވަރު ކުޅުންފަދަ ކަންތައްތަކަށް ހަމަބިމަށްވުރެ އުސްކޮންތައްޔާރު ކޮށްފައި ހުންނަތަން. )މިފަދަތަންތަން ގިނައިން ހަދައިފައި ހުންނަނީ ފިލައިންނެވެ.( (2) ތަގުރީރުކުރުން ފަދަ ކަންތަކުގައި ގިނަމީހުންނަށް ފެނުން ފަސޭހަވުމަށްޓަކައި އެކަމެއް ކުރާމީހާ އަރައިހުރުމަށް ހަދައިފައި ހުންނަ އެއްޗެއް. (3) ތަޢުލީމު ކުޅިވަރު ބަލިބަލިފަދަ ކަންތަކުގެ އެކިއެކި ދަރަޖަ
އިސްޓޭޝަން
ނ (1) ދަތުރުވެރިން ދަތުރުކުރުމުގައި އާދަވެގެން މަޑުކުރުމަށް ހަމަޖެހިފައިވާ ތަންތަނާއި އެތަންތަނުގައި ހުންނަ އެކަމާގުޅޭ ޢިމާރާތް (2) ސައިންސްގެ ޚާއްޞަ ކިޔެވުމަކަށް ނުވަތަ ކަނޑައެޅިފައިވާ ކަންތައް ތަކެއް މުޠާލިޢާ ކުރުމަށް ހުންނަތަން (3) ޢާއްމުންނަށް ޚިދުމަތްކޮށް ދިނުމަށް ހަމަޖެހިފައިވާ ބައެއް ތަންތަން މިސާލު: )ހ( ފުލުސް އިސްޓޭޝަން )ށ( ފައަރ އިސްޓޭޝަން )ނ( ރޭޑިއޯ ނުވަތަ ތެލްވިޒަން ޓްރާންސްމިޓް ކުރުމާއި ރިސީވް ކުރުމަށް ކަނޑައެޅި ރޭވި އެއާބެހޭ އެއްޗެހި ބަހައްޓައިފައި ހުންނަ ތަން
އިސްޓޯރު
ނ (1) ބަނޑަހަގެ (2) ގުދަން (3) އެއްޗެހި ރައްކާކުރާ ޢިމާރާތް