radheef.info
ރަދީފު


ބަ
އ އައްބަ
ފަނިހިރުވުން
މ ފަނީގެ އުނދަގޫވުމުންނާއި ލޭނުބައިވުމުގެ ސަބަބުން އެތެރެ ހަށީގެ ބައެއް ތަންތަނުން ފަނިހިރުވާހެން ހީވުން
ފަނިއެޅުން
މ (1) ބައެއްކަހަލަ އެއްޗެހި ނުބައިވެގެންގޮސް އޭގެ ތެރޭގައި ފަނި އުފެދުން (2) ބައެއް ކަހަލަ ގަސްގަހަށްޖެހޭ ބައްޔެއްގެ ސަބަބުން ފަނި އުފެދުން (3) މަޖާޒު: ބައެއްގެ ތެރޭގައި ނުބައެއް އުފެދުން
ފަނިވަރަ
ނ )ސ.( (1) ރާވެރިންގެ ބަދީގެ ދެބައިއެއްކުރާއިރު ދެއުނބު ދެމެދުގައި އޮޅާފަށް (2) މަސް އައިނުގައި އުޅޭ އެއްފަނި
ފަނިވުން
މ ބަނޑުގައި ފަނި އުފެދުން
ފަނިދިނުން
މ (1) މީހަކަށް ނުވަތަ ބަޔަކަށް ފިނި ފޮނި ބުއިމެއް ދިނުން. (2) ބައެއް ކަހަލަ މަސައްކަތް ކުރާއިރު އެމަސައްކަތްކުރާ ބަޔަކަށް ހިތްވަރު ދިނުމުގެ ގޮތުން ފޮނިބުއިމެއް ގެންގޮސް ދިނުން (3) ދަޢުވަތުދީގެން އަންނަ ބަޔަކަށް މަރުހަބާ ކިޔުމުގެ ގޮތުން ފޮނިބުއިމެއް ދިނުން
ފަނީ ޖުއްލާބު
ނ ފަނިވީމާ ބަނޑުސާފުކުރުމަށް ދޭ ބޭހެއް
ފަނީފަނީކުޅުން
މ (1) ކުޑަކުދިންކުޅޭ ކުޅިވަރެއް މިކުޅިވަރު ކުޅޭއިރު ބައިވެރިވާން ބޭނުން ހުރިހާ ކުދިންގެ ތެރެއިން ދެކުއްޖަކު ނުކުމެ އެއްކުއްޖަކު "ފަނީ ފަނީ ކޮން އެއްޗެއްހޭ"؟ ބުނާއިރަށް އަނެއްކުއްޖާ "މަޅިފައްޗޭ" ބުނެފައި ދުއްވައި ގަންނަނީއެވެ އެއީ ފަނި ހިފައިގެން ދިއުމެވެ އޭނާގައިގައި އަތްލުމުން ފަނިލިބުނީއެވެ
ފަނީގެއުނދަގޫ
ނ ބަނޑުގައި އުފެދޭ ފަންޏެއްގެ ސަބަބުން ވާ އުނދަގޫ. މިއުނދަގުލުގެ ޢަލާމާތްތަކަކީ ކާހިތްނުވުމާއި ލޯހުދުވުމާއި ހޮޑުލަވާގޮތްވުމެވެ
ފަނުފުލުންލުން
މ (1) ރުކުއަޅާއިރު ބައެއް ތަކެތި ފަންމަތިން ލައިފައިގޮސް ވެއްޓުން (2) މަޖާޒު: އުއްމީދާއެކު ކުރަމުން އައިކަމެއް ތާކުންތާކު ނުޖެހިދިއުން
ފަނޯތްގޮވުން
މ ފަންކުޅޭއިރު އިދިކޮޅުބައިގެ މީހަކަށް އަތުނުވެގޮސް ފަނަކަށް ހުންނަމީހާ ގައިގައި ނުވަތަ ބަހައްޓައިފައި ހުރި އެތީގައި އަތްލައިފައި "ފަނޯތް" މިހެން ގޮވާލުން މިހެންވުމުން ފަނޯތް ގޮވި ބަޔަކަށް ޕޮއިންޓެއް ލިބުނީއެވެ
ފަން
ނ (1) ރުކޭ ކިޔާ ގަސްގަހުގެ ފަތް. (2) ކުޅޭ ކުޅިވަރެއް. )ފަންކުޅުން ބަލާ!( (3) ނއ. އިސްތަށިގަނޑަށް ދެވޭ ސިފައެއް. މިސިފަދެވެނީ ބުޅިކަމެއް ރާޅުބާންޏެއް ނެތް އިސްތަށިގަނޑަށެވެ މިސާލު: ފަންބޮލެއް ފަން އިސްތަށިގަނޑެއް
ފަންހާމަސް
ނ ފަރުފަރާއި ފަޅުފަޅުގައި މުރަކައާއި ގާތަކުގެ ތެރޭގައި އުޅޭ ބޮޑު ކޮތަރިބައެއް ހުންނަ މަހެއް. މީގެ ކޮތަރި ބައިގައި ވަރަށް ވިހަގަދަ ކަށިތަކެއް ހުންނާނެއެވެ ރުޅިއައުމުން ކޮތަރިބައި ފޮޅުވާލައެވެ މިއީ ވަރަށް ރީތި ތަފާތު ކުލަތަކެއްގައި ހުންނަ މަހެކެވެ
ފަންހިބަރު
ނ ކަނޑުގައި އުޅޭ ހިބަރުގެ ބާވަތެއް މީގެ ބުރަކަށިމަތީގައްޔާއި ބަނޑުދަށް ފަރާތުގައި ދެކޮތަރިބައި ހުރެއެވެ ބުރަކަށިމަތީގެ ކުލައަކީ ކަޅު ނޫ ކުލައެވެ ބަނޑުދޮށް ފަރާތް ހުންނަނީ ހުދުކުލައެއްގައެވެ ދެއަރިމަތީގައި ފަނޑުނޫ ކުލައިގެ ލައްތަކެއް ރޮނގަކަށް ވާގޮތަށް މަހުގެ ހުރަހަށް ހުރެއެވެ
ފަންހުޅި
ނ ކިރިއްސައިފައި ހުންނަ ފަންވަތްތައް އެއްކޮށް ބަނދެފައި ހުންނަ ބޮނޑި
ފަންހުޅިހާ
ނ ބަޅިނދުގެ ވައްތަރެއް
ފަންހުޅު
ނ ހިކިފަން ނުވަތަ ފަންވަތް އެއްކޮށް ބަނދެފައި އޮންނަ ބޮނޑިއެއް މިއީ އަލިފާން އެއްތަނުން އަނެއްތަނަށް ގެންދިއުމަށާއި އަލިކަމެއްގެ ގޮތުގައި ބޭނުންކުރުމަށް އަލިފާން ރޯކުރުމަށް ހަދާ އެއްޗެކެވެ
ފަންހެބަރޮ
ނ )ޏ ( ފަންހިބަރު
ފަންބޮނޑި
ނ (1) ފަންގިބޮނޑި (2) އެއްކޮށް ބަނދެފައި ހުންނަ ފަން (3) ވިދެފައި ހުންނަ ފަނުގެ ހަތަރުގަނޑު އެއްކޮށް އޮޅައިފައިހުންނަ ބޮނޑި
ފަންކާކިނާރި
ނ ކަސަބުން ވިޔެފައި ހުންނަ ކިނާރިއެއް. މިހުންނާނީ ވަށްބުރެއްގެ ދެފަޅިކޮށް އެއްފަޅިހެން ހުންނަ ފުއްޕުންތަކަކުން އެކުލެވިގެންވާ ފަންކާތަކެއް ހެންނެވެ. ކަސަބު ބޯވަޅު އެޅިދުވަސްވަރު ވައް ބަގިޔާގެ ބަދަލުގައި މީގެ ފަށެއް ތިރީ ކައިރީގައި ޖައްސައިގެން އަޅާ އުޅުނެވެ
ފަންކާދަނޑި
ނ (1) އަތުން ވިހޭ ފަންކާގެ ހިފަހައްޓާ މުށްގަނޑު. (2) ފަންގެ ފިލާ ފަންކާއާއި ބަހައްޓާ ފަންކާފަދަ ފަންކާގައި ފަންކާއާއި ގުޅިފައިވާ ހޮޅި