radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ފަގުޑިމާ
ނ ފަގުޑިއާ ވައްތަރު ގޮތަކަށް ހުންނަ މަލަކަށް ކިޔާނަމެއް
ފަގުޑިމިރުސް
ނ (1) ފަތާކޮށް ހުންނަ ގިތެޔޮމިރުސް (2) ފަނާގާ މިރުސް
ފަސޭހަކުރުން
މ (1) ބައްޔަކަށް ފަރުވާކޮށް ރަނގަޅުކުރުން )ގަދަކުރުން ( (2) އަތްގާތް ކޮށްދިނުން (3) އުނދަގުލާ ދަތިތައް ފިލުވުން
ފަސޭހަވުން
މ (1) ޖެހިފައިވާ ބައްޔަކުން ގަދަވުން (2) ލުޔެއްލިބުން (3) އުނދަގޫތައް ކެނޑުން
ފަސް
ނ (1) ވެލި (2) ލަސް (3) ފަހަތް (4) ވޭތުވެދިޔަ
ފަސްހަނގުރާމަބެލުން
މ (1) ހަނގުރާމަ ކުރާމީހާގެ ބުރިކަށި ހިމާޔަތް ކޮށްދިނުން (2) ހަނގުރާމަ ކުރާލަޝްކަރުގެ ފަހަތުން ބަޔަކު ހަމަލައެއް ދޭތޯ ބެލެހެއްޓުން (3) މަޖާޒު: ކަމެއް ނުވަތަ ތަނެއް ބޮއްސުންލިޔަ ނުދީ ހުރިހާކަމެއް ބެލެހެއްޓުން
ފަސްހެޔޮދުވަސް
ނ ހެޔޮ ފަސްދުވަސް. މިއީ ހަތަރު ބޯފޮޅި ދުވަހާއި ރަމަޟާން މަހު އޮނަތިރީސް ވަނަ ދުވަހެވެ
ފަސްރުކުން
ނ އިސްލާމްދީން ބިނާވެފައިވާ ފަސްމައިގަނޑު އެއީ )ހ( ޝަހާދަތުގެ ދެކަލިމަ ދުލުން ކިޔުން )ށ( ނަމާދު ކުރުން )ނ( ޒަކާތް ދިނުން )ރ( ރަމަޟާންމަހު ރޯދަހިފުން )ބ( ކުޅަދާނަކަން ލިބިގެންވާ މީހާ ޙައްޖުވުން
ފަސްބައިކުރެވި
ނ ރިޔަލުގެ އޮޑިމަތީ ކުރެވި
ފަސްބައިކެފުން
މ )ލ ( ހާނިޔާ އޮޕްރޭޝަން ކުރުން
ފަސްބާޑި
ނ (1) ބަޑީގެ އުންޑައިން ދިފާޢުވުމަށް ވެލިން ތައްޔާރު ކޮށްފައި ހުންނަ ނިވާފަތްގަނޑު (2) ފަސްގަނޑު ހާވައިފައި ހުންނަ ހުރުން
ފަސްބެލުން
މ (1) ފަހަތަށް އެނބުރި ބެލުން (2) ވެދިޔަ ތަނާމެދު ވިސްނުން
ފަސްކަނި
ނ (1) ހަތަރެސްކަން ރިޔަލުގެ އޮޑީގެ މަތީކަނި (2) ކަތިރިޔަލުގެ ދަންމާނު މުޑު (3) ފަސްކަނި ދަށް
ފަސްކަނިދަށް
ނ ކަތިރިޔަލުގައި ދަތުރުކުރާއިރު ދޯނީގެ ދަށްކިބައިން މެދު އޮޑިން ފެށިގެން ދަންމާނު ބުޅިއާދޭތެރޭ ރިޔަލު ދަށުން ފެންނަތަން
ފަސްކުޅި
ނ އިހުގައި ވިހައިގެން އުޅޭ އަންހެނުންނަށް ވިހެއުމުގެ ކަންތައް ހަމަޖެހުމަށްފަހު ދޭ އެއްޗެއް. މިއީ ބިލެތާއި ފޯކާއި ކަރަންފުލާއި ހުންޏާއި ފޮނިތޮއްޓާއި ކާފޫރުތޮޅި އާއި ބުން ބިލެތްގަނޑެއްގެ ތެރެއަށްލައި ބޮނޑިކޮށްލައިފައި ވިހައިގެން އޮންނަ މީހާގެ އަނގަޔަށް ލަވާ ބިލެއްގަނޑެކެވެ
ފަސްކޮޅެއެނބުރުން
މ ވާ އަޅާއިރު ފިޔަރީގެ ތެރެއިން ނުކުންނަތަން އަނބުރައި ހަރުކުރުން
ފަސްއަނބުރާ
ނ ވާއަޅާއިރު ވަލުގެ އުޅިތައް ނިޔުޅުން ވިޔަނުދީ އެނބުރުން ހަރުކުރާ މީހާ
ފަސްވައްތަރުމައު
ނ (1) އިހުގައި މަތަރެސް މަލަށް ކިޔައި އުޅުނު ނަމެއް. (2) އުނިމާ ހުވަނދުމާ އިރުދޭމާ ކުދިމާ ކަށިމާ މިފަސްވައްތަރުމަލަށް އިހުގައި ފަންޑިތަވެރިން ކިޔާ ނަމެއް
ފަސްމައިގަނޑުވިޔަ
ނ ހިސާބު ހެދުމުގައި ބޭނުންކުރާ ގޮތަކަށް ކިޔާނަމެއް. މިސާލު: ހަތަރު މީހަކަށް ހަތަރު ދުވަހަކުން ދުއިސައްތަ ރުފިޔާ ލިބޭނަމަ ފަސްމީހަކަށް ދެދުވަހުން ލިބޭނީ ކިހާވަރެއްތޯ ބަލަން ކުރާ ހިސާބު
ފަސްމަތީއޮތުން
މ މައްޔިތާ ވަޅުނުލާ އޮންނަ އޮތުން