radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ފަސްފުޅިކިޔެވުން
މ އިހުގައި ގަނޑުވަރު ތެރޭގައި ހުންނަ ލޯގަނޑުން ފަސްފުޅިޔަށް ޖެހީމާ )ރޭގަނޑު އެގާރަ ޖެހީމާ( މެދު ޒިޔާރަތް ދޮށުގައި ދުޢާވެރިކަން ކިޔެވުން
ފަސްފުޅިދުމާދިއުން
މ އިހުގައި ގަނޑުވަރު ތެރޭގައި ހުންނަ ދަމުއަށީގެ ލޯގަނޑުން ފަސް ފުޅިޔަށް ޖެހީމާ )ރޭގަނޑު އެގާރަޖެހީމާ( އަލިފާން އަޅައިފައި ހުންނަ މުޖުމަރާއަކަށް ދުން އަޅައިގެން ކުދިބޭކަލަކު އެހިފައިގެން ހިއްތަން ދޮރާށިން ނުކުމުގެން މެދުޒިޔާރަތް ދޮށަށްގޮސް އެތާނގައި ދުޢާވެރިކަން ކިޔަވަން ތިބޭ މީހުންގެ ގާތުގައި ބެހެއްޓުން
ފަސްދަމުމީހުން
ނ އިހުގައި މާލޭގެ އަވަށް އަވަށުގެ މީހުން މަސައްކަތްކުރާއިރު ބަހައި ފައި އޮންނަ ދެބައިގެ ތެރޭން އެއްބައެއްގެ މީހުންނަށް ކިޔައި އުޅޭ ނަމެއް މިގޮތަށް ބަހާއިރު ބަހަނީ އިސްދަމާއި ފަސްދަމަށެވެ
ފަސްލޭންބައްތި
ނ ކުރު ފުޅިއެއްގެ ތެރެއަށް ތެޔޮއަޅައި އެފުޅީގެ މަތީގައި ތުނބެއް ޖަހައި އެ ތުނބުގައި މެދަށް ފަލަކޮށް ހުންނަ ދިގުބިއްލޫރި ހޮޅިއެއް ޖަހައިފައި ހުންނަ ދިއްލާ އެއްޗެއް މިހުންނާނީ ދުނިގަނޑަކަށް ލައްވައިފައި އެލުވޭ ގޮތަށެވެ
ފަސްގަނޑަށްނުކުތުން
މ (1) ރަސްމީ ގޮތުން ކުޅިޖެހުމަށް ގުޅަކުޅޭ ފަސްގަނޑަށް ނުކުމެ ކުޅިޖެހުން (2) ކުޅިޖަހާ ފަސްގަނޑަކަށް ކުޅިޖަހާން ދަސްކުރަން ނުކުތުން (3) ގުޅަކުޅޭ ފަސްގަނޑަށް ހަވަރު އެއްވުން
ފަސްގަނޑު
ނ (1) ބިންގަނޑު (2) އުސްކޮށް ހުންނަ ވެލިގަނޑު (3) ކުޅި ޖެހުމަށާއި ހިފައި އޮޅުލުމަށް ތައްޔާރު ކޮށްފައި އޮންނަތަން (4) ގުޅަ ކުލޭ ފަސްގަނޑު
ފަސްގަނޑު ކަނޑައިގެންދިއުން
މ (1) ބިންގަނޑަށް އަންނަ ބަދަލަކުން ފަސްގަނޑު ކެނޑި ފޭވުން (2) ދެމިގެން އަންނަ ފެންގަނޑު ފެތުރިގެން ދިޔަ ނުދިނުމަށްޓަކައި ހަދާފައި ހުންނަ ވެލީގެ ހުރަސް ގިރާލުން
ފަސްގަނޑުކަނޑައިލުން
މ (1) ކޮންނަމުން ދާ ވަޅެއްގެ ކައިރިފަށް އުދަލިން ކަފައިލުން (2) ވެލިފުންޏެއް ނަގަމުން ދާއިރު ވެލި ފުނީގައި ގުޅިފައި ހުންނަބައި އުދަލިން ކަފައިލުން
ފަސްޖެހުން
މ (1) ކަމަކާމެދު ޖެހިލުންވެގެން އެކަމެއް ކުރަން ނުކެރުން (2) ފަސްއެޅުން (3) )ހ ( ވެލިޖެހުން (4) ބަޑިގޮއްވާލުމުން ބަޑިފަހަތަށް ދިއުން
ފަސްޖެއްސުން
މ (1) ކުރަންވެފައި އޮތްކަމެއް ލަސްކޮށްފައި ބޭއްވުން. (2) ފަސްޖެހުން މިބަހުގެ 1 ވަނަ 2 ވަނަ 3 ވަނަ މާނައިގައި ބުނާގޮތް
ފަޑައްކު
ނ (1) ހަނޑުލާއި ބިންބިފަދަ ގޮވާމުގެ ބާވަތްތައް ގެންގުޅޭ ތަންތަނަށް އެޅިފައި ހުންނަ އޮށްޓަރު. (2) ބަސްތާފެޅިގެން އެޅިފައި ހުންނަ ހަކުރާއި ފުށާއި ސިމެންތި ފަދަ ތަކެތި
ފަޑައްކުތެޅުން
މ (1) ހަނޑުލާއި ބިންބި ފަދަ ގޮވާމުގެ ބާވަތްތައް ގެންގުޅޭ ތަންތަނަށް އެޅިފައި ހުންނަ އޮށްޓަރުތައް ނަގައި ސާފުކުރުން. (2) ބަސްތާ ފެޅިގެން އެޅިފައި ހުންނަ ހަކުރާއި ފުށާއި ސިމެންތި ފަދަ ތަކެތި ނަގައި ސާފުކުރުން
ފަޑިދަޓުފެލެޔާ
ނ )ގ ( އޮޑިދޯނިފަހަރު މަތިކަންމަތީ ޖަހައިފައި ހުންނަ ފަޑިއާ މަތިކަނާ ދޭތެރޭ ޖަހާވަގުތީ ފިލައެއް މިފިލާ ޖަހަނީ ގަދަ ދުވަސްވަރުއެވެ
ފަޑިޔޭކާލަ
ނ )ގ ( އޮޑިދޯނި ފަހަރުގެ މަތިކަން މަތީގައި ވަކި ހިސާބެއްގައި އަޅާ ފަޑިއެއް ހަރުކުރުމަށް މަތިކަނާ ފަޑިޔާ ދޭތެރެއަށް ލައްވައިފައި ހުންނަ ތޭރި
ފަޑެއި
މ )ސ.( ހުތުރު ބަހުން އެނަކަކު ދެރަކޮށްލުމަށް ނުވަތަ ކަލެއަށް ދޫނުކުރާނަމޭ ބުނުމުގެ ގޮތުން ބުނާ ބަހެއް
ފަޓާސް
ނ ބޯކަރުދާހުން ހަދައި އެތެރެއަށް ބަޑިބޭސް އަޅައި ކޮޅުގައި ފުކެއްލައިފައި އޮންނަ ހިމަކުޑަ އެއްޗެއް މިއީ ކުޅިވަރަށް ޖަހާއެއްޗެކެވެ މީގެ ފުކުގައި ރޯކޮށްލީމާ ވަރަށް ބާރަށް ގޮވާނެއެވެ
ފަޓާސްގޮއްވުން
މ ފަޓާސްޖެހުން
ފަޓުލޫނު
ނ ދެފަޔަށް ވަކިން މެހިފައިއުނަގަނޑަށް ހިފެހެއްޓިފައި ހުންނަ ގޮތަށް ފަހައިފައި ހުންނަ ފޭރާމެއް މީގެ ދެފަރާތު ގައްޔާއި ފުރަގަހުގައި ތަފާތު ގޮތްގޮތަށް ޖީބުލައިފައި ހުރެއެވެ ގޮށްފޮތި ހުންނާނީ ކުރިމަތީގައެވެ
ފަޓުލޫނުފޮތި
ނ ފަޓުލޫނު ކަނޑަން ތައްޔާރުކޮށްފައި ހުންނަ ފޮތި
ފަޓެފަޓެޖެހުން
މ )ގ ( ފަށްފަށް ޖެހުން