radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ދިދަކުރި
ނ (1) ފުޅައްއަޅާއިރު މަތީކެހައިގެ މައްޗަށް އުފުލައިފައި ހުންނަ ދަނޑިބުރިތައް (2) ފުޅައްއަޅާއިރު ފުޅަފަށްޖަހާ ދަނޑިން މަތީކެހައިގެ މައްޗަށް ދިގުކޮށް ހުންނަބައި
ދިދަދުވަސް
ނ އެކިކަންކަމަށް ފައިސާ ހޯދުމަށްޓަކައި ދިދަޗާޕްކޮށްގެން ވިއްކާ ދުވަސް މިކަން ކުރަނީ ސްކޫލްތަކާއި ޖަމްއިއްޔާތައްފަދަ ތަންތަނުންނެވެ
ދިދަޖެހުން
މ (1) ދިދަނެގުން ނުވަތަ ހަރުކުރުން. (2) ދަނޑިއެއްގައި ނުވަތަ ދަނޑިކޮޅެއްގައި ދިދައެއް ހަރުކުރުމަށްފަހު ތަނަކަށް ނެގުން ނުވަތަ ބިމުގައި ޖެހުން
ދިލަ
ނ (1) ކެރުމާއި ހޫނު އެކުލެވިފައިވާ ވޭނެއް (2) އަލިފާނުގެ ދުމާއެކު އަރާއާވި (3) ސިލިނބުގައި އަލިފާން ގިނަވުމުގެ ސަބަބުން ދުންގަނޑުގެ ރަހަޔަށް އަންނަ ބަދަލެއް (4) މަޖާޒު: އަސަރު
ދިގުރޮނގުކުރުވުން
ގބ މަޖާޒު: ބޮޑުކަމެއް ޖެހިފައިވަނިކޮށް އެއަށްވުރެ ބޮޑުކަމެއް މެދުވެރިވުމުން ބުނެއުޅޭ ބަހެއް
ދިގުމަގުނެގުން
މ (1) ޢީދުދުވަހު ރަދުން ޢިއްޒަތުގައި ގަނޑުވަރަށް ވަޑައިގަންނަވާއިރު އެމަގުމަތީގައި ކޮށިކޮށީގެ މީހުން ފުއްޕާހެދުން އަޅައިގެން ތިބެ ބޮންތިއާއި އައްޑަނަ ހިފައިގެން ކުޅިޖަހަމުންެދާދިއުން (2) ގާއޮޑިލަވަ ކިޔާމީހުން އެއްތަނުން އަނެއްތަނަށް ދާއިރު މަގުމަތީގައި ލަވަކިޔަމުން ނަށަމުން ދާދިއުން
ދިގުމަގުކުޅި
ނ ދިގުމަގު ނަގާއިރު ޖަހާކުޅި
ދިގުދަނޑިކުޅި
ނ އައްޑޫކޮއްޓާއި ރަނަހަމައިދި ކޮށީމީހުން ކުޅިޖަހާއިރު ހަލާދަނޑިން ކުޅޭކުޅިވަރެއް
ދިގުދަތި
ނ ތެދުއުއި ވަޑާމުގައި ދެއެއްޗެއް ޖައްސައި ހިމުންކުރުމަށް ބޭނުންކުރާ ދައްޗެއް
ދިގުލާރި
ނ އިހުގައި ރާއްޖޭގައި ގެންގުޅުނު ލާރިއެއް މިލާރި ހުންނަނީ ބޮލުގައި ޖަހާ ދައްޗެއްހެން ހިމަދިގުކޮށް ރިހިންހަދައިފައެވެ
)ހަރުބަހެއް( ކެއުމުގެ މަޖިލީހެއްގައި ދިގު ސުފުރާއެއްގައި ތަށިތައް އަތުރާފައި ހުންނައިރު ކޮޅުގައި އިށީނުމުން ގިނަތަށިތަށްޓަށް އަތްނުފޯރާނެތީ ބުނެއުޅޭ ބަހެއް ދިގުސުފުރާގެކޮޅުގައި ނުއިށީންނާށެވެ
ދިޔަ
ނ (1) އަންހެންދަރިފުޅު (2) މޭވާއާއި ގަސްގަހާގެހީގެ ބާވަތްތައް ފެލައިލީމާ ނުކުންނަ ދިޔާބައި (3) ލައިގެންކާއެއްޗެހީގައި ހުންނަ ދިޔާބައި (4) )މ ( ރިހަ (5) ހަށިގަނޑުގެ ތަންތަން ނުބައިވެގެން ނިކުންނަފެން (6) ބޮޑުވެކުޑަވާ ފެންގަނޑު (7) ކާށީގެ އެތެރޭގައި ހުންނަފެން (8) ދިއުން މިބަހުގެ ނިމިނިމުނުކަން (9) ޙައްޤަކާ ނުލައި މީހެއްގެ ފުރާނަޔަށް ނުވަތަ ގުނަވަނަކަށް ގެއްލުމެއް ދިނުމުގެ ސަބަބުން ޝަރުޢީގޮތުން ދޭންޖެހޭ އަގު
ދިޔަހަރުޖެހުން
މ ދޯނީގެ އެއްވަތުން އަނެއްވަތަށްދާ ފެން ބަންދުކުރަން ޖަހާ އުނގުރިޖެހުން
ދިޔަހެލުން
މ ކާށީގެ ފެންޖެހުން
ދިޔަރެސް
ނ ރާޅުޖަހާހިސާބު
ދިޔަވަރަށްޖެހުން
މ ދިޔަވަރު ފޫދެންޖެހުން
ދިޔަދިނުން
މ (1) ދިޔައިގެ ގޮތުން ދޭންޖެހިފައިވާ އެއްޗެއް ދިނުން (2) ދިޔަ އަދާކުރުން (3) ދާން ދޫކޮށްލުން (4) ދިއުމަށް ހުރަސްނޭޅުން
ދިޔޯގެކުޅި
ނ ދެޖިންސު ބައިވެރިވެގެން ލަވަކިޔައި ނެށުމުގައި ޢައްޔާޝީގޮތްތައް ދައްކާ ކުޅިވަރު
ދީބު
ނ (1) ރަށް (2) ރާއްޖެ
ދީފައިހިފުން
މ (1) މަސްބާނާއިރު އެންގަނޑުކާން ދިނުމަށް ތަންކޮޅެއް ދޫކޮށްފައި ދެން ދަމައިގަތުން (2) މަޖާޒު: އަނެކަކަށް ރަނގަޅަށް ފުރުސަތުދީފައި ތިމާގެ ބާރުގެ ދަށަށް ގެނައުން ނުވަތަ ބައްދައިލުން