radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ފައިލު
ނ ސިޓީއާއި މެސެޖް ފަދަ ލިޔުން ފަހުން ބަލަން ބޭނުން ވުމުން ފަސޭހައިން ފެންނާނެހެން އަމުނާފައި ރައްކާ ކުރެވޭގޮތަށް ހަދައިފައި އޮންނައެތި
ފައިލުކުރުން
މ ސިޓީއާއި މެސެޖްފަދަ ލިޔެ ކިޔުމުގެ ސާމާނު ނުވަތަ ނޫސް ފަދަ ތަކެތި ބޭނުންވުމުން ފަސޭހައިން ފެންނާނެ ގޮތަކަށް އަތުރައި އެ ކައްޗެއްގައި ބެހެއްޓުން
ފައިގައިތަޅާ
ނ ކުޅިވަރެއް މިއީ ދެބަޔަކަށް ބައިބަހައިގެން ވަކި ސަރަހައްދެއް ފާހަގަ ކޮށްގެން އެ ސަރަހައްދުގެ ތެރޭގައި ކުޅޭ ކުޅިވަރެކެވެ މި ކުޅިވަރު ކުޅޭއިރު ސަރަހައްދުން ބޭރުގައި ތިބޭ ކުޅުންތެރިން އުކާ ބޯޅައިގައި ނުޖެހި އުޅެވޭތޯ ސަރަހައްދުގެ ތެރޭގައި ތިބޭ ކުޅުންތެރިން ބަލާނެއެވެ ސަރަހައްދުގެ ތެރޭގައި ހުރި ކުޅުންތެރިއެއްގެ ގައިގައި އުކާ ބޯޅައިން ޖެހިއްޖެނަމަ އެ ޖެހުނު ކުޅުންތެރިޔާ ނުބައިވީއެވެ
ފައިސާވެރިން
ނ (1) މުއްސަނދިން (2) އެމީހުންގެ މިލްކުގައި ގިނަ ޢަދަދަކަށް ފައިސާހުރި މީހުން (3) "ފައިސާވެރިޔާ" މިބަހުގެ ގިނަގޮތް
ފައިސާފޮތި
ނ (1) މަޢުދަނީ އެއްޗަކުން ޖަހައިފައި ހުންނަ ރުފިޔާފޮތި ނުވަތަ ލާރިފޮތި (2) ސިއްކަ
ފައިޞަލާކުރުން
މ މަސްއަލައެއް ނުވަތަ ޤަޟިއްޔާއެއް ފަދަކަމެއް ނިންމުން
ފައު
ނއ (1) މޭވާފަދަ އެއްޗެހި ދޮންވެގެން ފައްކާވެގެންވާ މަޑު (2) ބަނބުކޭލާއި ކުއްޅަވައް ފަދަ އެއްޗެހި އެކި ގޮތްގޮތުން ކުރާމަޑު (3) ނ ކަނޑޫ ނުވަތަ ކުއްޅަވައް ހެދިފައި ހުންނަ ތަންތަން (4) ބޮނބި މަޑުކުރަން ބަހައްޓައިފައި ހުންނަތަން (5) އަށްހިޔަބޮލި (6) ފާ (7) )ބދ ( ހާސް
ފައްތަރުމަތި
ނ (1) ދެ އެއްޗެއް ގުޅައިފައި ނުވަތަ ބައްދައިފައި ހުންނަތަން. މިސާލު: ފަރުމާނު ފަދަ އެއްޗެއް ބިންދައިގެން ދިޔައިމާ އޭގެ ދެކޮޅު ޖައްސައިފައި އެ ބިނދުނު ތަނުގެ ވަށައިގެން އޮއްޓު އަޅައިފައި ހުންނަތަން. (2) ދެ މޫސުން ބެދޭ ދުވަސްވަރު. (3) އެއްކަމަކުން އަނެއްކަމަކަށް ނުވަތަ އެއް ޙާލަތަކުން އަނެއް ޙާލަތަކަށް ބަދަލު ވަމުން ދާ ދުވަސްވަރު
ފައްތަރުލުން
މ ގޮށްނުޖެހޭ ދެއެއްޗެއް ގުޅުވުމަށްޓަކައި އެކަތި އަނެކައްޗާ ފުށު އަރުވައި ހައްޔަރުކުރުން
ފައްތާލުން
މ (1) ފެންގަނޑެއްގެ އަޑިޔަށް ފޮނުވާލުން (2) މަޖާޒު: އަނެކަކަށް ބޮނޑިއެއް ދިނުން
ފައްތިރި
ނ )ޏ ސ ( އެއްޗެއްލައި ބަނދެފައި ނުވަތަ އަސް ޖަހައިފައި އޮންނަ ކެޔޮ ފަތްކޮޅު
ފައްތިޔަލުގައި އެޅުން
މ އޮޑިދޯނިފަހަރު ފައްތިޔަލުގައި ހަރުކުރުން
ފައްތިޔާ ދޯނި
ނ ފައްތިޔަލުގެ ގޮތުގައި ބޭނުންކުރާ ދޯނި
ފައްސަ
ނއ )ލ ( ފައްސިޔަ
ފައްސައިނަގައިލުން
މ ހިނގައިބިގައި އުޅޭ އެއްޗެއް ދިޔަނުދިޔަ ތަނެއް ނޭގޭ ހިސާބަށް ޙަރަކާތެއްގެ ބޭނުންކޮށްގެން ދުރަށް ފޮނުވައިލުން
ފައްސާ
ނއ (1) ފައްސިޔަ (2) ފެހުން މިބަހުގެ ކުރުވުމުގެ އަމުރު
ފައްސާކެޑުން
މ )ސ ( ފައްސިޔަކުރުން
ފައްސާވައި
ނ )ޏ ސ ( (1) ފައްސިޔަވައި (2) ފަހިވައި
ފައްސާޔަށްދިއުން
މ ފައްސިޔަށް ދިއުން
ފައްސިޔަ
ނއ ޖެހޭވަޔާ އެއްކޮޅަށް ދާދިއުން ނުވަތަ ޖެހޭވަޔާއި އޮޔާ އެއްކޮޅަށް ދާދިއުން