radheef.info
ރަދީފު


ދާ
ނ (1) މަސްހިފުމަށްޓަކައި ރޮދިފަދަ އެއްޗަކުން ގޮޅިގޮޅި އަށްވާގޮތަށް ބަނދެފައި ނުވަތަ ހަދައިފައިވާ އެއްޗެއް (2) މައުދަނީ ފަށްތަކުން ގޮޅިގޮޅިޔަށް ވާގޮތަށް ހަދައިފައި ހުންނަ އެއްޗެހި (3) ގައިގެހަމުގައި ހުންނަ ލޯވަޅުތަކުން ނުކުންނަފެން (4) )ޏ ސ ( ފުނޑާ ދައި (5) )ގ ( ދޯ (6) "ދިއުން" މިބަހުގެ ވާކަން (7) ދާވުން މިބަހުގެ ނަން އިތުރު
ރާޅުފޮނު
ނ ރާޅު މުގުރަމުން ބިންދަމުން ދާއިރު ފެންނަ ހުދުކުލައިގެ ބޮކިތައް
ރާޅުލާ ފިނޮޅު
ނ ބައެއް ފަހަރަށް މުޅިން ރާޅު އަރައިގެންދާ ފިނޮޅު
ރާކަނިވަސް
ނ ރުއްއަރާ މީހުން ރާބަދިތައް ހިފައިގެން ދާއިރު އެމީހުން ގައިން ދުވާވަސް
ރާއުނދުން
ނ ރާކެއްކުމަށްޓަކާ ވަކި ފުންމިނެއްގައި ވަކިމިންގަނޑަކަށް ބިންމަތިކޮނެ އެތަނަށްއަޅި އަޅައި ފެންޖަހައި ހަރުކޮށްގެން ތިންވަރުގެ ތިން އަނގަކަނޑައި މަގަތުއަނގައިން ބަނޑުދުރަލާގޮތަށް ކޮންނަމުންގޮސް އަނެއްދެއަނގަ ވަޅަށް ފޫދުައްވައިފައި ހުންނަ އުނދުނެއް. މަގަތު އަނގަވަޅަކީ ދަރުޖަހާތަނެވެ. މެދުގައި ވަށްލޯވަޅެއްހެން ބޮޑުކޮށްހުންނާނީ ތަރާ ފަތްއުދާ އަނގަވަޅެވެ. އެންމެ ބިއްދޮށަށް ހުންނާނީ އާވި ބޭރުކުރުމަށް ހަދައިފައި ހުންނަ )ކުދިތެލި އުދޭވަރުގެ( ލޯވަޅެކެވެ އެތަނަށްކިޔަނީ ކަނޑޯޅިކޮޅެވެ ދެ އަނގަވަޅު ދެމެދަށް ކިޔަނީ ނިތްގަނޑެވެ
ރާސް
ނ (1) ކުދިކުދި ހިކިއެއްޗެހިތަކެއް ކުއްލިޔަކަށް ފައިބައިގަތުމުގެ އަޑު (2) ފޮތިގަނޑެއް ކުއްލިއަކަށް ވީދާލާއަޑު (3) ގަހެއްގެ އޮފިގަނޑެއް އިރައިގެންދާ އަޑު (4) މުރަނަ އެއްޗެއް ހަފާލާ އަޑު (5) އެތައްބަޔަކު އެއްފަހަރާ އަވަސް އަވަހަސް ތަނަކަށް ވަދެ ނިކުމެވާ އަޑު
ރާސްރާސް
ނ (1) މުރަނައެއްޗެތި ހަފަމުންދާއިރު އިވޭ އަޑު (2) ނާށި ކަހަލަ އެއްޗެތި މީދާ ކަމުންދާއިރު އިވޭ ފަދައަޑު
ރާސްތާ! ރާސްތާ!
އ ބަރު އެއްޗެއް ހިފައިގެންދާއިރު "މަގުންތަންދޭށޭ" ބުނުމަށް ބުނެއުޅޭ ބަހެއް
ރިހަބަތްކޭން
ނ މައުލޫދަށް ކައްކާ ކޭމުގެ ބާވަތެއް. އާންމުކޮށް މިކޭމުގައި ހުންނާނީ ފެންބަތާއި ބަރަބޮލު ރިހައާއި ކިރެވެ. މިކިރަކީ ހަނޑުލު ފުށުގައި ފޮނިކޮށް ކައްކާފައި ހުންނަ އެއްޗެކެވެ. މިއީ ހިޔަރަކާތް މާލޫދާއި ގަނޑުމާލޫދާއި ރަންމާލޫދު ފަދަ މާލޫދުތަކަށް ކައްކާއުޅުނު ކޭމެކެވެ
ރިހައޮށް
ނ )ހ ( ގުޅަހަދަން ތައްޔާރުކުރާ މަސްގަނޑާ ފުށާ އެއްކޮށްގެން ހަދާ ކުދިކުދި ގުޅަ
ރިހަފަތަފޮޅި
ނ ގުޅަޔަށް އަޅާހެން މަސްމޮޑެގެން އެއަށް ހަވާދުލައި ގުޅަ ހަދާހެން ހަދާ ފަތާކޮށްލާފައި ފިހާ ފަތަފޮޅިއެއް މިގޮތަށް ހަދާއިރު ހަވާދު ނުލިއަސް ކިޔަނީ މިހެންނެވެ
ރިހާކުރު
ނ ގަރުދިޔަ ކައްކާ އޮލަކޮށްގެން ހަދާ ލައިގެން ކާއެއްޗެއް
ރިހާކުރުދިޔަ
ނ ފިޔަޔާއި މިރުހާ ކޮށައިގެން ރަހަދޭވަރަށް ރިހާކުރާއި ލޮނާއި ހުތް އަޅައިގެން މޮޑެފައި ފެނަށް ނުވަތަ ކާށިކިރުގެ ތެރެއަށް ގިރުވައިގެން ހަދާ ލައިގެން ކާއެއްޗެއް
ރިހިމުޑުދާސް
ނ ރިހިކުލައިގެ ހުންނަ މުޑުދާހެއް މިއީ ބޭހަށްގެންގުޅޭ ބާވަތެއްގެ މަޢުދަނެކެވެ
ރިބަން
ނ (1) ސިލްކުން ނުވަތަ އުއިން ވިޔެފައި ހުންނަ ނުވަތަ ކަރުދާހުން ނުވަތަ ޕްލާސްޓިކުން ހަދައިފައި ހުންނަ ފީތާފަށް (2) ސިފައިންނަށް މެޑެލްދޭ ގޮތަށް ކުލަދޭއިރު ދޭ ކުލަކުލައިގެ ފޮތިފަށް (3) ޓައިޕް ރައިޓަރު ފަދަ މެޝިނަށްލައްވާ ދެލިހިފާގޮތަށް ހަދައިފައި ހުންނަ އެތި
ރިބުޙު
ނ ފައިދާ
ރިކޯޑު
ނ (1) ރައްކާތެރި ކުރެވިފައިވާ މަޢުލޫމާތު (2) އެކިއެކިކަންތައްތަކުން ހޯދާ އެންމެމަތީ ވަނަ (3) ރޯލަކަށް އަޅައިފައި އޮންނަ އަޑު
ރިއަންއެޑާފާނި
ނ )ޏ ( ވަލުތެރޭގައި ފިނިއިރު އުޅޭފަންޏެއް މިފަނިދުވާނީ ދެކޮޅުޖައްސާ މެދުނުޖައްސައެވެ ހީވާނީ މިންއަޅަމުންދާހެންނެވެ
ރިއްމަސް
ނ މުށިމަހުގެ ސައިޒުގެ މަހެއް މިއީ މަހުގެ މަތީބައިގެކުލަ ނޫކުލައަކަށް ދާ ފެހިކުލައެއްގައި ހުންނަ އައިން އައިން ގަނޑަށް އުޅޭމަހެކެވެ މި މަސް އާއްމުކޮށް އުޅެނީ އެތެރެވަރީގެ ކަނޑުތަކުގައާއި ފުން ވިލުވިލުގައެވެ މިއީ ކަށިގިނަ މަހެކެވެ
ރިޔާކެވުން
މ ރިޔާއަޅާފައިވާ ފަރުމާނުގެ މެދާހިސާބުގައި ދެހަންޖަލުގެމެ އެއްކޮޅު އަސްޖަހާ އެއްސުން
ރިޔާސަތު ބެލެހެއްޓުން
މ ބައްދަލުވުމެއް ނުވަތަ ޖަލްސާއެއް ނުވަތަ ކޮމިޓީއެއް ހިނގަމުންދާއިރު އިސްމީހެއްގެ ގޮތުގައި އެބައްދަލުވުން ކުރިއަށް ގެންދިއުން