radheef.info
ރަދީފު


ފެން
ނ (1) އޮކްސިޖަނާއި ހައިޑްރޯޖަން އެކުލެވިގެން އުފެދިފައިވާ އެއްޗެއް. މިއީ ފިނިވީމާ ގަނޑުވާ ހޫނުވީމާ އާތްވަށްވެގެން އަރާ ކުލައެއް ވަހެއް ނެތް ދިޔާ އެއްޗެކެވެ (2) ވާރޭ (3) ކަރުނަ (4) މަޖާޒު: މަނި (5) ނއ ފޯރިއެއް ރޫޙެއްނެތް
މާކުސް
ނ ކިޔަވާކުއްޖެއްގެ މަސައްކަތުގެ ނުވަތަ އަޚްލާޤުގެ ފެންވަރު ލަފާކުރުމަށް މުދައްރިސަކު ދޭނަންބަރު
މާއްދީ
ނއ (1) ލޮލަށް ފެންނަ ނުވަތަ އަތުން ހިފޭގޮތް ހުންނަ (2) ރޫޙާނީގޮތުގެ އިދިކޮޅު ގޮތް ހުރި
މާމުގުރުމޫދަށްލުން
މ އޮޑިދޯނިފަހަރު ބަންނައިރު މަތިކަން އަޅާ ނިމުނީމާ ފަށްގަނޑު ނުޖަހަނީސް ރަށުގެ އަންހެނުންގެ ބަޔަކު ނުކުމެ މުގުރުގެންގޮސް މޫދަށް އެއްލާފައި އިރުކޮޅަކަށްފަހު ގެނެސް ދޮވެ އަތަރު ލައްވައިގެން ގެންގޮސް ހަރުގޭގައި ބޭއްވުން މިދޮވުމަށް ކިޔަނީ ފެންވެރުވުމެވެ މިއީ އިހުގައި ކުރާ ކަމެކެވެ
މާފެން
ނ ހުވަނދުމާ އަޅައިގެން ރަހަލައްވައި ވަސް ހިއްޕާފައި ހުންނަފެން
މާލީސްކުރުން
މ (1) ފެންވެރުމުގެ ބަދަލުގައި ތުވާލިފަދަ އެއްޗެއް ތެންމައިގެން ހަށިގަނޑު ސާފުކޮށްލުން (2) ހޫނުފެނުން ނުވަތަ ލޮނު ހޫނުކޮށްގެން ބޮނޑިތާންކުރުން (3) ފަރުވާއެއްގެ ގޮތުން ގައިގާ އެއްޗެއް އެޅުން
މާލެއަށްފެންނަފަރާތް
މަޖާޒު: ބޭރަށްފެންނަ ހިސާބު
މާގަނޑު
ނ (1) ރާނބާގަސް ކަނދޮޅުގަސް ފަދަގަސް ގަހުގައި އަންނަ މައު. (2) އިހުޒަމާނުގައި ބައެއް މީހުން ލައިއެޅުނު ހަރުވާޅުގެ ދާގަނޑުގެ ކޮޅުގައި ނުވަތަ މުންޑުގެމަތިން އައްސާ ރޮދިގަނޑުގެ ކޮޅުގައި ފަށުވިން ނުވަތަ އުއިން ނުވަތަ އެފަދަ އެހެން އެއްޗަކުން ވައްކޮށް ނުވަތަ އެހެންވެސް ސިފައަކަށް ހަދާހަރުކޮށްފައި އޮންނަ އެތި. (3) ފެން ވެރުމަށްޓަކައި ފެން އިސްކުރުދޫކޮށްލުމުން ފެންދޭ އެއްޗެހިން ފެންފައިބާގޮތަށް ފެން އަންނާނެހެން ހަދައި މަތީގައި ހަރުކޮށްފައި ހުންނަ އެއްޗެއް. (4) ގާއޮޑިލަވަ ލަނގިރި ދަނޑިޖެހުން ފަދަ ކުޅިވަރު ކުޅޭއިރު ގެންގުޅޭ ދަނޑީގެ ކޮޅުގައްޔާއި ދުންކުނި އަނބުރާ ދަނޑީގެ ކޮޅުގާ ފޮތިން ނުވަތަ އުއިން ނުވަތަ ކަރުދާހުން ވައްކޮށް ނުވަތަ އެހެންވެސް ސިފައަކަށް ހަދައި ހަރުކޮށްފައި އޮންނައެތި (5) މޫދުމާގަނޑު (6) ބައެއްމީހުން ރީއްޗަކަށް ބައިސްކަލުގެ ފުރޮޅުގެ ބޫސް ދަގަނޑަށް މަހާލައިގެން ބޭނުންކުރާ އެއްޗެއް މިހަދައިފައި އޮންނާނީ ވައްކޮށް ދެތިންކުލަ އެކުލެވޭ ގޮތަށެވެ
މާގެ
ނ )ޏ ސ ( އޮޑިފަހަރުގެ މައިކުނބުގެ ފަސްކޮޅުން ފެށިގެން ދިރުނބާކޮޅު ފެންފިލާއާ ހަމަޔަށްއަޅާ ގެ
މިޔަރުދުއްޔަށްފެހުން
ނ ފަތިނުފެންނަގޮތަށް ފެހުން މިގޮތަށް ފެހޭނީ ބަތާނަލައިގެންފަހާ ނަމައެވެ
މީރުފެން
ނ ރަނގަޅުފެން
މުރަމަހި
ނ )ސ.( ތިލަފަޅުމަތިންނާއި ގޮނޑުދޮށުން ފެންނަ މަސް ކެއުމަށް ބޭނުން ކުރާ ބޮއްޔެއް މިއީ ގޮޅާގެ ވައްތަރެކެވެ
މުރިނގުޖެހުން
މ އުތުރަށް ނުވަތަ ދެކުނަށް ނުވަތަ މިދެ މިސްރާބާ ކައިރި މިސްރާބަކަށް ދަތުރުކުރަމުންދާއިރު މައްޗަށް އަރަމުންގޮސް ފެންނަން އޮތް ރަށެއް ނުވަތަ އެއްޗެއް ދިމާ ހުޅަނގަށް ނުވަތަ އިރަށް ފޭބުން
މޫނުއަލި
ނއ (1) މޫނު ސާފު (2) މޫނު އުޖާލާ (3) މޫނުމަތިން ފެންނަ ރުހުމުގެ އަސަރު (4) މަޖާޒު: ހިތްހެޔޮ (5) އޯގާވެރި
މޫނުއަލިކަން
ނއނ (1) މޫނުގެ ސާފުކަން (2) މޫނުގެ އުޖާލާކަން ނއ (3) މޫނުމަތިން ފެންނަ ރުހުމުގެ ކުލަވަރު
މޫމިޔާ
ނ ބޭހަށް ބޭނުން ކުރާ އެއްޗެއް. މިފެން ފޮދަކަށްލީމާ އޭތިކޮޅު މަތީގައި އޮވެފައި އަޑިޔަށް މޫތަކެއްހެން ކުލަ ފައިބާނެއެވެ
މޫދުމަކުނު
ނ ފެންމަތީގައި ވަރަށް ހަލުވިކޮށް ކުއްލިކުއްލިއަށް ދުވެ ފުމެ އުޅޭ ކަޅު ކުލައެއްގެ މެއްސެއްވަރުގެ އެއްޗެއް
މޫދުމަދިރި
ނ މަދިރިޔަކާ ވައްތަރު މަދިރިޔަކަށްވުރެ ބޮޑު ފެންމަތީގައި އުޅޭ އެއްޗެއް
މޫދުލޮނު
ނ ކަނޑުފެން
މެށުން
މ (1) ލަކުޑިފަދަ އެއްޗެއްގެ ބޭރު ތޫނު އެއްޗަކުން ތުނިކޮށް ކޮށުން (2) މޭވާފަދަ ތަކެތީގެ ބޭރުތޮށި ތޫނު އެއްޗަކުން އެއާ ވަކިކުރުން (3) ވެއްޓިގެން ނުވަތަ ތަނެއްގައި ޖެހިގެން ހަށިގަނޑުގެ ތަނަކުން ލޭގެ އަސަރު ފެންނަވަރަށް ހަންދިއުން (4) )ބދ ( އޮޑައު
މެތުރުން
މ ބައެއްކަހަލަ ފަންޑިތަ ހަދާއިރު އެކިޔަވާ ކިޔެވުމެއްގެ ތެރޭގައި ފެންތަށްޓަކަށް ނުވަތަ އެނޫންވެސް އެއްޗަކަށް ފުމޭ ފުމުން މިގޮތަށް ފުމެމުން ކިޔަވާ ކިޔެވެއްޔަށްވެސް ކިޔަނީ މެތުރުމެވެ