radheef.info
ރަދީފު


އޭ
ނއ (1) އެއީ އ (2) މީހަކަށް ގޮވައިލާން ކުރިއަށްގެންނަ އަކުރެއް (3) އޭތް (4) އޯތް
ގަޑުބަޑު
ނ (1) ތަޣައްޔަރު (2) އަސްލާއި އެހެން އެއްޗެއް އެކުވެފައިވާވުން (3) އޭގެ ޒާތުގައި ހުރިގޮތް ބަދަލުވާ ބަދަލުވުން (4) އުފެދޭ ހަމަނުޖެހުން
ގަޔަށްއަތްލުން
މ އަނެކެއްގެ ނުރުހުމުގައި އޭނާގެ ގައިގައި އަތްލުން
ގާ
ނ (1) ކެލްސިޔަމް ކާބަނޭޓުން ކަނޑުގެ މާހައުލުގައި އުފެދިގެން ބޮޑުވާ ހަރުއެއްޗެއް. މިއީ އޭގެ އަމިއްލަ ޒާތުގައި އުފެދި ގިނަވާ އެއްޗެކެވެ (2) ރާތަލެއްގެ ހަތަރުބައިކުޅަ އެއްބައި (3) ބައެއްކަހަލަ ތަކެތި ހިކިގެންވާހަރު މިސާލު: އުވަތައް ހުރީ ގާވެފައެވެ (4) ގަސްގަހާ ގެހި ކުރިލަމުން ހެދޭގޮތް ހުއްޓޭ ހުއްޓުން މިސާލު: އެމިރުސްގަސް މިހާރު ގާވެއްޖެއެވެ (5) މަޖާޒު: ކުދިން އުމުރާ އެއްވަރަށް ބޮޑުނުވެ ވާހަރު މިސާލު: އެކުއްޖާއެހެރީ ގާވެފައެވެ (6) ހިތްކޮށި މިސާލު: އެއީ ވަރަށް ހިތްގާ ކުއްޖެކެވެ
ގިރުވުން
މ ގިރުން މިބަސްކުރުމާއި ކުރުވުމުގެ މާނައިގައި ބުނާގޮތް މިސާލު: )ހ( އޭނާލައްވައި ފަނިތަށި ގިރުވައިލާށެވެ )ށ( މިއުޅެނީ މިކުލަކޮޅު ފެނަށް ގިރުވައިލާށެވެ
ގިއުޅި
ނ ނޫފެހިކުލައިގައި ބޮނޑިކޮށް ހުންނަ ފަރުމަހެއް މިމަހުގެ ލޮލުގެ ކުރީގައި އަޑިވެފައި ހުންނަ ދިގުރޮނގެއް ހުރެއެވެ ކަންފަތްގަނޑު ކުރުވެފައި އޭގެ ކޮޅުވަށެވެ މަތީ ކޮތަރިބައިގައި ކަޅުކުލައިގެ ލައްތަކެއް ހުރެއެވެ
ގިތެޔޮއެޅިގުޅިއަކުންވަހެއްނުފިލާނެ
)މުސްކުޅިބަހެއް( ތިމާ ކުރަމުން އައި ކަމެއް ކުރުން ހުއްޓާލިޔަސް އެކަމަކަށް ބޭނުންކުރި ތަކެތި ކޮންމެވެސް ވަރަކަށް ހުންނާނެކަން އެންގުމަށްޓަކައި ބުނެއުޅޭ ބަހެއް މިސާލަކަށް: ރީތިކޮށް ލިޔާމީހަކު ލިއުން ހުއްޓާލިއަސް އޭނާގެ އަތުގައި ގަލަމެއް ޖަހާނެ އޮނުކޮޅެއް އޮތުން އެއްތެޔޮ ފުރާމީހަކު އެމަސައްކަތް ހުއްޓާލިޔަސް އޭނާގެ އަތުގައި އެއްތެޔޮ ކޮޅެއް އޮތުން
ގުނބޯ
ނ (1) ހިރަފުސް ވެލި ހުންނަ ތަންތާނގައި ވަޅުލެވިގެންއުޅޭ ގަދަ އަޅިކުލައެއްގެ ފަނިފަކުސައެއް. (2) ޙާޞިލުނުވާނެ ކަންތައްތަކެއްގެ އުއްމީދުގައި އޭނާ ހައްދައިގެން އުޅޭ ބަހަށް ހެއްލިގެން އުޅޭމީހާ (3) އެއްވެސް ހަރުދަނާކަމެއްނެތި އުޅޭ މީހާ
ގުޑި
ނ (1) އޮނު ނުވަތަ އިލޮށިން މައިގަނޑެއް ހަދައި އޭގައި ކަރުދާސް ތަތްކޮށް ވަޔަށް އެއްލުމަށް ހަދާ އެއްޗެއް. (2) ދިވެހި ރުކުގެ ރާ ބޭލުމަށް ހަދައިފައި ހުންނަ އެއްޗެއް. މި ހަދައިފައި ހުންނާނީ އުނބު ރީތިކޮށް މަށައި އެކަތި އަނެކައްޗާ ގުޅުވައިގެންނެވެ (3) މާމުޔާއި ހަކުރުފަދަ ތަކެތި ވާ ކަނި
ގެނބިގަތުން
މ (1) ފެންގަނޑެއްގެ ތެރެއަށް ގަސްތުގައި ފެތިގަތުން (2) މަޖާޒު: ކަމެއްގެ ތެރެއަށް ގަޔާވެގެން ވަދެގަތުން މިސާލު: އޭނާ އިނީ އެފޮތުގެ ތެރެއަށް ގެނބިގެންނެވެ
ގެނައުން
މ (1) ދުރުގައި ހުރި އެއްޗެއް ކައިރިކުރުން. (2) ދުރުގައި ހުރި މީހަކަށް އެންގުމުން އޭނާ އައުން
ގެރި
ނ (1) ހަތަރެސްފައި ޖެހި ޖަނަވާރެއް. މިއީ ކިރުލިބޭ ކެއުމަށް އޭގެ މަސް ބޭނުންކުރާ ޖަނަވާރެކެވެ ދަނޑުހެއްދުމުގައި ފަސްގަނޑު ޖެހުމަށާއި ގާޑިޔާދެމުމަށް ފިރިހެންގެރި ބޭނުންކުރެއެވެ (2) އޮޑިދޯނިފަހަރު އަރި ކޮށްފައި ޖައްސާތިންފައިޖެހި ގަސްގަނޑު (3) )ޏ ސ ( ނުތާހިރު (4) ނއ )ޏ ސ ( ބޮޑަށް ފައްކާވެފައިވާ މިސާލު: ގެރިފަޅޯ
ގޮށްވިރުވުން
މ (1) ހަށިގަނޑުގެ ނާރެއްގައި ނުވަތަ މަސްގަނޑުގެ ތެރޭގައި އުފެދޭ ކުދި ހަރުތަންތަންކޮޅު ފަރުވާދީގެން ރަނގަޅުކުރުން (2) ފުށް އުއްސައިގެން ފޮނިއެއްޗެހި ހަދާއިރު އޭގައި ހުންނަ ފުށްގުޅަގުޅަ އަތުން ފިއްތައިގެން ގުޅަގުޅަޔަށް ނުހުންނާނޭގޮތް ހެދުން
ގޮށްފިލުން
މ ގޮށްެނެތުން މިސާލު: މިހާރު އޭނާގެ ބޮލުގެ އިސްތަށިގަނޑުން ގޮށްފިލައިފިއެވެ
ގޮނޑިޖެހުން
މ (1) އިށީނދެ އުޅުމަށްޓަކައި ބޭނުންކުރާ ޒާތްޒާތުގެ ގޮނޑި އުފެއްދުން (2) ގެރިބަކަރިން ކިރުފެލާއިރު އޭގެކިރުގައި ތެޅުން (3) ތަނެއްގައި ގޮނޑި އެތުރުން
ގޮނެއްދިނިއްޔާވައްޓެއް
ގބ )މުސްކުޅިބަހެއް( (1) މީހަކު ހަދިޔާއެއް ދީފިނަމަ އޭގެ ބަދަލުގައި ދޭންވާނީ އެއަށްވުރެ ރަނގަޅު އެއްޗެއްކަން އަންގައި ދިނުމުގެ ގޮތުން ބުނެއުޅޭބަހެއް. (2) މީހަކު ހެޔޮކަމެއް ކޮށްދީފިނަމަ އެއަށްވުރެ ބޮޑު ހެޔޮކަމެއް ކޮށްދޭންވާނެކަން އަންގައިދިނުމުގެ ގޮތުން ބުނެއުޅޭބަހެއް
ގޮއިޖެހުން
މ ރަށެއްގައި ނުވަތަ ހިންނައެއްގައި ދަނޑުވެރިކަމެއް ކޮށްފައި އޮއްވައި އެދަނޑުން ގޮވާން ކެނޑުމުގެ ކުރިން "ގޮއިވެރިޔަކު" އައިސްދަނޑުގައި ފާހަގައެއްޖެހުން އޭގެފަހުން ދަނޑުން ގޮވާން ކަނޑައި ހަދާނީ ގޮއިވެރިޔަކަށް ގޮއިބަޔަށްދޭންވާ ބައިދީފައެވެ
ގޮވާންކެނޑުން
މ އޮއްޓަރު ގޮވާން ދޮންވީމާ އޭގެކުރާކެނޑުން
ސަރަންފީގޮނޑި
ނ އޮށޯވެވޭ ގޮތަށް ހުންނަ ގޮނޑިއެއް މި ގޮނޑީގެ އަތްގަނޑު ހުންނާނީ ދެފަށްކޮށެވެ އަތްގަނޑުގެ ދަށްފަރާތް ހުޅުވައި ލައްޕައި ހެދޭގޮތަށެވެ އެދެއަތްގަނޑު ހުޅުވައިލައިފައި އޭގެ މަތީގައި ފައިބާއްވައިގެން އޮށޯވެ ހެދެއެވެ
ސަތަން
ނ ސަތޭކަވަޅު. މިސާލު: އޭކަން ދަހަން ސަތަން
ސަޑު
ނ (1) ފުނާއަޅާއިރު ކުރިމައްޗަށް ވާގޮތަށް އިސްތަށިގަނޑުން ލައްވައިފައި ހުންނަ ބަނޑި. (2) ހަވާ ސީދަލަށް ހިފެހެއްޓުމަށްޓަކައި އޭގައި ހަރުކުރާ ހުންގާނެއް ކަހަލަ އެއްޗެއް ރުކުފަތިންނާއި އިލޮށިންވެސް މި ހަދައިފައި ހުރެއެވެ