radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
ބަގިޔާ
ނ ކުރެހުމަކަށް ފެންނާނޭގޮތަށް ޖަހާ ހަރުރޮއްޖެއް މި އެންމެ ގިނައިން ބޭނުން ކުރަނީ ދިވެހި ލިބާހުގައި ބޯވަޅު އަޅާއިރުގައެވެ ބޯވަޅުގައި ބަގިޔާ ޖަހާތާނގައި އަޅަންގަތާ އެއްޗިއްސަށްވެސް ކިޔަނީ މިހެންނެވެ
ބަގީޗާ
ނ ބާވަތް ބާވަތުގެ ގަސްތައް ތަރުތީބެއްގެ މަތިން އިންދައި ބަލަހައްޓާ ތަންގަނޑު
ބަގީޗާ ހެއްދުން
މ ބާވަތް ބާވަތުގެ ގަސްތައް ތަރުތީބެއްގެ މަތިން ވަކިތަންގަނޑެއްގައި އިންދައިގެން ހެއްދުން
ބަގީޗާގަސް
ނ (1) ފަތްވެރުން މަދު ބިޔަނުވާ ރީތިގަސް. މިސާލު: ދޮންފަތް ބަގީޗާ ފަރުދާ ބަގީޗާ. (2) ރީއްޗަކަށް އިންދާ ބިޔަނުވާކަހަލަ މޭވާނާޅާ ގަސް
ބަސަރާއަށް ކަދުރު ވިއްކުން
މ (1) އެއްޗެއް ނުހަނު ގިނައިން ހުރި ތަނަކަށް ހަމަ އެކަހަލަ އެއްޗިހި ވިއްކަން ގެންދިއުން (2) މަޖާޒު: ކަމެއްގެ މާހިރަކަށް އެކަމެއްގެ ގޮތް ކިޔައި ދިނުން
ބަސަޅު
ނ ވަޅު ކުރަތްޕެއްގެ ސިފައިގައި ކުޑަކޮށްތިބޭ ފެހިކުލައިގެ ދިރޭ އެއްޗެއް މީގައި ވަރަށް ގަދަ ނުބައި ވަހެއް ދުވާނެއެވެ މިގިނައިން އުދުހެނީ އިރުއޮއްސޭ އިރުއެވެ
ބަސްހުއްޓުން
މ (1) ހާލުނެތިގެންގޮސް ވާހަކަ ނުދެއްކޭ ވަރުވުން (2) ބުނާނެ އެއްޗެއް ނޭނގިގެން އަނގައިން ނުބުނުން
ބަސްނަ
ފައިބޭއިން
ބަސްގިނަ
ނއ (1) އަނގަގަދަ (2) ގިނައިން ވާހަކަ ދައްކާ
ބަޑާދަނޑި
ނ )ސ ( ފަސޭހައިން އެއްއަޑާއެކު ބިންދާލެވޭ ކަހަލަ ދަނޑި އާންމުކޮށް މިނަން ކިޔަނީ ދިއްގާގަހުގެ އާރުނުލާ ބާވަތުގެ ދަނޑިއަށެވެ
ބަޑި
ނ (1) ބަޑިބޭހުގެ ބާރުން ވަޒަން ފޮނުވައިލާގޮތަށް ނުވަތަ ލޭޒަރުގެ އަލި ފޮނުވައިލާގޮތަށް ހަދައިފައި ހުންނަ ހަތިޔާރެއް. (2) އިސްފިރޭނެއްގެ ބާރުން ނުވަތަ ވައިގެބާރުން މަޑަ ނުވަތަ ވަޒަން ނުކުމެގެންދާގޮތަށް ހަދާފައި ހުންނައާލާތެއް (3) ތަވީދުލުމަށް އެތެރޭގައި ހޮއި އޮންނަގޮތަށް ވިރިކެކޭ އެއްޗެހިން ހަދައިފައި ހުންނަ އުރަ (4) އެތެރެއަށް ވައި ވަދެގެން ފުފިފައި ހުންނަ ދުލި (5) ފެނުގެ ތެރޭގައި ފޮތީގެ ތެރެއަށް ވައިވައްދައިގެން އުފެދޭ ބޮކި (6) ހަށިގަނޑުގެ ދޮރުދޮރުން ނުކުންނަ ބަލިމަޑުކަމެއް (7) ދިރޭ އެއްޗެއް ފެންގަނޑެއްގެ ތެރޭގައި އުޅޭ އުޅުމުގައި ހަދައިލާގޮތަކުން އިވޭ އަޑު (8) ބައެއް ބާވަތުގެ ރޯފަތް އަނދަމުންދާއިރު އެއިން އިވޭ އަޑު (9) ގުޅަ ތެލުލާއިރު ގުޅަ ފަޅައިގެންދާ އަޑު )01( ތަންތަނަށް ގިރިސްޖަހަން ގެންގުޅޭ އާލާތެއް (11) ގޭސް އުނދުން ރޯކުރުމަށް އަލިފާން ކެނޑޭގޮތަށް ހަދައިފައި އޮންނަ އާލަތެއް
ބަޑިފިހިގަނޑު
ނ ބޮޑުބަޑީގެ އެތެރެ ސާފުކުރަން ގެންގުޅޭ ބުރުސް އިހުގައި މިހަދައިފައި އޮންނަނީ ވަކައިންނެވެ
ބަޑިތަކުރުވިހޭރޭ އަލަފަތްއައިހެން
)މިސާލުބަހެއް( ނުލިބިގެން އުޅުނު އެއްޗެއް ކުއްލިއަކަށް މާގިނައިން ލިބުނީމާ ބުނެއުޅޭ މިސާލުބަހެއް
ބަޓަރުބިސްކޯދު
ނ ގިނައިން ބަޓަރު އަޅައިގެން ފިހެފައި ހުންނަ ބިސްކޯދެއް
ބަޔާނާ
ނ (1) ވިޔަފާރިއެއް ކުރެވުނު ކަމުގެ ހެއްކަކަށް ގަންނަމީހާ ވިއްކާމީހާޔަށް އަގުން ދޭބައެއް (2) ފިރިހެނަކު އަންހެނަކަށް އިންމަތިންދޭ އެއްޗެއް
ބަޔާނާ ދިނުން
މ (1) ވިޔަފާރި ކަނޑައަޅައިފައިވާ އަގުން ބައެއްދިނުން (2) އިންނަމަތިން އަންހެނަކަށް އެއްޗެއްދިނުން
ބަޔާނާކުރުން
މ (1) އިންނާންކަމަށް ނުވަތަ ވިއްކާން ކަމަށް ވަޢުދުކުރުވުން (2) އަންހެނަކަށް ޚަރަދުދީގެން ތިމާގެ މައްޗަށް ބޭންދުން
ބަޖިޔާ
ނ ތިނެސްކަން ހުންނަ ލޮނު ހެދިކާ އެއްޗެއް މިހަދަނީ ގޮދަން ފުށުން ރޮށިދަމައި ކުޑަކޮށް އަލިފާނުގެ ހޫނުން ހިއްކާލައި ރޮށިހަތަރު ބަޔަށްބައިކޮށް މިއިން ކޮންމެ ބަޔަކުން ތިންކަނަށް ވާގޮތަށް ގޮށްޓެއް ތައްޔާރުކޮށް އެގޮށްޓަށް ގިލެތުގައި ރޯފިލުވައިފައި ހުރިމަހުން މަސްއަޅައި ބަންދުކުރުމަށް ފަހު ތެލުލައިގެންނެވެ މިފިހެފައިވެސް ހުރެއެވެ
ބަޙުރުކިޔެވުން
މ ކިޔަވާގެއަޅައި މާމެލާމެލީން އަންބަލަންލައި ކަނޑަށް ލޭދައްކާނޭ ތަކެތި ފާލަމުގައި ބަނދެގެން ބަޙުރުދުޢާ އާއިއެކު ކިޔެވެލި ކިޔެވުން. ކިޔާނިމުނީމާ ލޭދައްކާއިރު މާވެސްދައްކާނެއެވެ. ލޭދައްކާ ތަކެއްޗަކީ ހާލާއި ވެލަޔާއި ކަހަނބާއި ގެރިބަކަރިފަދަ ތަކެއްޗެވެ މިއިން އެއްޗެއްގައި ލޭ ނެތްނަމަ ލޭ ދައްކާނީ އިނގިލި ކަނޑައިލައިގެންނެވެ
ބާނިގަނޑު
ނ ގިނައިން ބާނި އުފެދިފައި ހުންނަ ތަންތަން