radheef.info
ރަދީފު


އިހު
ނ (1) ވޭތުވެދިޔަ ޒާމާން (2) މިހާރުގެކުރި
މާލޯފާނު
ނ (1) ލޯމާފާނު (2) ރަދުންގެ އަމުރުފުޅުތަކާއި ތާރީޚީ ވާހަކަތައް ލިއުމަށް ލޮއިން ނުވަތަ އެނޫންވެސް ވިރިކެކޭ މަޢުދަނަކުން ހަދައިފައިހުންނަ ހަނިދިގު ފޮތިތަކެއް
މާގަނޑު
ނ (1) ރާނބާގަސް ކަނދޮޅުގަސް ފަދަގަސް ގަހުގައި އަންނަ މައު. (2) އިހުޒަމާނުގައި ބައެއް މީހުން ލައިއެޅުނު ހަރުވާޅުގެ ދާގަނޑުގެ ކޮޅުގައި ނުވަތަ މުންޑުގެމަތިން އައްސާ ރޮދިގަނޑުގެ ކޮޅުގައި ފަށުވިން ނުވަތަ އުއިން ނުވަތަ އެފަދަ އެހެން އެއްޗަކުން ވައްކޮށް ނުވަތަ އެހެންވެސް ސިފައަކަށް ހަދާހަރުކޮށްފައި އޮންނަ އެތި. (3) ފެން ވެރުމަށްޓަކައި ފެން އިސްކުރުދޫކޮށްލުމުން ފެންދޭ އެއްޗެހިން ފެންފައިބާގޮތަށް ފެން އަންނާނެހެން ހަދައި މަތީގައި ހަރުކޮށްފައި ހުންނަ އެއްޗެއް. (4) ގާއޮޑިލަވަ ލަނގިރި ދަނޑިޖެހުން ފަދަ ކުޅިވަރު ކުޅޭއިރު ގެންގުޅޭ ދަނޑީގެ ކޮޅުގައްޔާއި ދުންކުނި އަނބުރާ ދަނޑީގެ ކޮޅުގާ ފޮތިން ނުވަތަ އުއިން ނުވަތަ ކަރުދާހުން ވައްކޮށް ނުވަތަ އެހެންވެސް ސިފައަކަށް ހަދައި ހަރުކޮށްފައި އޮންނައެތި (5) މޫދުމާގަނޑު (6) ބައެއްމީހުން ރީއްޗަކަށް ބައިސްކަލުގެ ފުރޮޅުގެ ބޫސް ދަގަނޑަށް މަހާލައިގެން ބޭނުންކުރާ އެއްޗެއް މިހަދައިފައި އޮންނާނީ ވައްކޮށް ދެތިންކުލަ އެކުލެވޭ ގޮތަށެވެ
މާގަމަ
ނ )ޏ.ސ.( (1) އިހުގައި އަންހެނުންނަށް ކިޔާނަމެއް (2) މާބަންޑު އަންހެނާ
މާޖަހާއެތި
ނ ޒީނަތްތެރި ކުރުމުގެ ގޮތުން މާޖަހަންހަދައިފައި ހުންނަ އެތި. މި ތަފާތު އެއްޗެހިން ތަފާތުގޮތްގޮތަށް ހަދައިފައިހުރެއެވެ
މިސުރުތާރަ
ނ އިހުގައި ޖަހައިއުޅުނު ތާރައިގެ ބާވަތެއް
މިސްކިތުފަންސަންގު
ނ އިހުގެ ފަންޑިތަވެރިން ބޭނުންކުރާ އެއްޗެއް. މިއީ މިސްކިތު ފުރާޅުން ފީ އިލޮށިކޮޅަކާއި ވަކަރު ނުވަތަ ދަނޑިބޮއިގެން އެޅިފައިހުންނަ ގެރެވި ކޮޅަކާ ފީފަންކޮޅަކާއި ފީވަކަރުކޮޅަކާ ގަލުން ހުންނަ ހިސާބުން ފެހިކޮޅަކާއެވެ
މިސްކިތުފަކީރުން
ނ އިހުގައި ހުކުރުމިސްކިތު ބަލަހައްޓަން ސަރުކާރުން ލައްވައިފައިވާ ބައެއް
މިސްކިތްދާރަ
ނ މިސްކިތުތެރޭގައި އުޅޭކަމަށް އިހުގައި ބުނެއުޅޭ ޚިޔާލީ ދެތްވެއް
މުރާބުގޭމުދިންބޭކަލުން
ނ ފަސްމުދިންބޭކަލުން މިއީ އިހުގައި ހުކުރު މިސްކިތު ކިޔެވެނީންގެ ތެރެއިން ހޮވައިފައި ތިބޭބައެކެވެ
މުންނާރުމަސް
ނ އިހުގައި މާލޭގެ މަސްވެރިން މުންނާރަށް ދީއުޅުނު މަސް
މުރީދުކަން
ނ ޒިކުރު މާލޫދާއި ބޮޑުލަވަ ކިޔުމާއި ތާރަޖެހުންފަދަ ބައެއްކަންތަކުގެ އެދުރުކަން )މިއީ އިހުގައި ރަދުން ދެއްވާ ހުއްދަޔަށް ލިބޭކަމެކެވެ
މުއްލާ
ނ (1) ޝިޔަޢީންގެ ދަންނަމީހާ (2) އިހުގައި މާލޭގައި އުޅުނު ވޯރާ ޖަމާޢަތުގެ ވެރިމީހާ (3) މަޖާޒު: އެކިއެކި ކަންތައްތައް ކުރާ ޕާޓީގެ ވެރިއަކަށް ހުންނަ މީހާ
މުދި
ނ (1) އަނގޮޓީގެ ގޮތުގައި އަތުގައި އަޅާ އެއްޗެއް (2) ކަންފަތުގައި ލާން ވަކިގޮތަކަށް ހަދާފައި ހުންނަ އެއްޗެއް (3) ކުޑަކުދިންގެ ކަރުގައި އަޅާ ހަތްމުދީގައި ހުންނަ ބޮޅު (4) ކުކުޅުގެ ފައިގައި އަޅުވާ ބޮޅު ނުވަތަ ޖަސްތުކޮޅު (5) )އ ( ގޮބޮޅީގެ ތަފާތުގެ ދަށުގައި އޮންނަ ދުލި (6) އިހުޒަމާނުގައި ސިއްކަ ޖައްސަވަން ގެންގުޅުއްވާ އަނގޮޓިފުޅު (7) މަޖާޒު: ފުރަގަސް ފަރާތު ދޮރުގެ ކައިރިފަށް
މުދިންބޭކަލުން
ނ ހުކުރު ދުވަހު މުންނާރުން ބަންގިގޮވުމާއި ހުކުރު ހަދީސް ކިއުމާއި ރަދުންގެ ސުއްޖާދުކޮޅު ހުކުރު މިސްކިތަށް ގެންދިއުމާއި ފޮތް ހިފައިގެން މިސްކިތަށް ދިއުމާއި މިފަދަ ކަންތައްތައް ކުރުމަށް އިހުގައި ސަރުކާރުން ލައްވާފައިތިބޭ ބައެއް މީގެ ފަސްބޭކަލުން ތިއްބަވައެވެ
މުދިންކާޅުބުނިގޮތް
މިސާލު: އިހުއޮތްގޮތް. )ހިނގަހިނގާއޮތް ކަމެއް މާނަކޮށްފައި ބޭވުމަށްފަހު އެކަން އޮބި ނޯވެގެން ދޫކޮށްލާ ދޫކޮށްލުން
މުދިމު
ނ (1) މިސްކިތް ބެލެހެއްޓުމާއި ފަސްވަގުތު ބަންގި ގޮވައި އިސްވެ ނަމާދުކޮށް އުޅުމަށް ދައުލަތުން ވަޒީފާ ދެއްވާފައިވާ މީހާ (2) އިހުގައި ބޭރު ދަތުރުކުރާ ސަރުކާރުގެ އުޅަނދުތަކުގައި ބަންގިގޮވައި އިސްވެ ނަމާދުކޮށް އަދި ކަށުކަމާކެމީގެ ކަންތައް ކުރުމަށް ދައުލަތުން ވަޒީފާ ދެއްވާފައިވާ މީހާ (3) އިހުގައި އަވަށް އަވަށުގެ ސަރުދާރުންގެ ދަށުން ކަންތައްތައް ކުރުވަން ސަރުކާރުން ލައްވައިފައިވާ މީހާ
މުލާ
ނ އިހުގައި ބައެއް އަންހެނުން ބޭރަށްދާއިރު ބޮޑު ބުރުގާހެން ބޭނުންކުރާ ފޮތިގަނޑެއް
މުގުރުން
މ (1) ހަރުތަކެތި ހިމުންކުރުން. (2) ދަނޑިފަދަތަކެތި ބިނދުން. (3) )ޏ.ސ.( މުށި ބިއްލޫރިފަދަ ތަކެތިން ހަދާފައިހުންނަ އެއްޗެހި ތެޅުން
މުސްކުޅިމުދާ
ނ ނުބަހައިހުންނަ ތަރިކަމުދާ
މުސްކުޅިގޮތް
ނ (1) ދުވަސްވީގޮތް (2) އިހުގެގޮތް