radheef.info
ރަދީފު


ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ކައިކޯޅި
ނ )ޏ ސ ( ބޮޑުވައި އިނގިއްޔާއި ޝަހާދަތް އިނގިއްޔާއި ދުރުކޮށް ދަމާލީމާ ޝަހާދަތް އިނގިލީގެ ކޮޅުން ކުޑަވައި އިނގިލީގެ ކޮޅާއި ދެމެދުގެމިން
ކައިވަތުއިލޮށިނެގުން
މ ހުނަރުވެރިކަމުގެ ކުޅިވަރެއް. މިކުޅިވަރުގައި ކައިވަތެއްގެ ދިގުމިނުގެ ތިންއިލޮށިކޮޅު ކޮންމެ ދެއިލޮށިކޮޅު ދޭތެރޭ ކައިވަތެއްގެ ދުރުމިން ހުންނާނޭހެން ހަމަތާކު ބާއްވާފައި ފުރަތަމަ އިލޮށިކޮޅުގެ ދެކޮޅުގައި ދެފައިގެ ބޮޑުވާއިގިލިކުރި ޖައްސައިގެން އުޑަފައިން އިށީނދެ ދެއަތް ދެފައިގެ ދޯނގިދޮށުން ކުރިމައްޗަށްނެރެ މެދުގައިއޮތް އިލޮށިކޮޅުގެ ދެކޮޅުގައި ދެއަތުގެ ބޮޑުވައި އިނގިލި އެޅުމަށްފަހު ކުރިމަތީގައި އޮތްއިލޮށިކޮޅު އަނގައިން ނެގުން
ކައިވަތުދެކޮޅުއަގޫފުރަ
)މިސާލުބަހެއް( އާދަޔާޚިލާފަށް ދޭތެރެގާތްކޮށް ކަމެއްވާންފެށީމާ ދީއުޅޭމިސާލެއް މިސާލު: އޭނާ ކައިވަތު ދެކޮޅު އަނގޫފުރައިގައެވެ
ކައިވަތް
ނ (1) އަތުގެ އިނގިލިތައް ފޭކޮށްދަމާލީމާ ބޮޑުވައި އިނގިލީގެ ކޮޅުން ކުޑަވައި އިނގިލީގެ ކޮޅާއިދެމެދުގެ މިން (2) މުށެއްގެ ދެބައިކުޅަ އެއްބައި
ކައުޅު
ނ (1) ކާޅު (2) ރިޔަންކޮޅުގެ އެންމެ ފަހުބައި މިއީ ނަކަތްތެރީން ގެންގުޅޭ ނަމެކެވެ
ކައް
ނ ދިވެހިލިބާހާއި ޕިޖާމާ ފަހާއިރު ކިހިލިފަތްދަށަށްވާ ދިމާގައި އަރިޔާއި އަތާ ގުޅުވައިފައި އޮންނަ ހަތަރެސްކަން ފޮތިކޮޅު
ކައްވާދު
ނ (1) ވަޑާމުގެ މަސައްކަތުގައި ދެލަކުޑިގަނޑު ފައްތަރުކުރަން ނުވަތަ އެއްޗެއް އެތަނަކަށް ފައްތަން ކަނޑައި އަޑިކުރާތަން. (2) ބައެއްކަހަލަ ކަރުދާހުމަސައްކަތާއި ފެހުމުގެ ތެރޭގައި ފާހަގަކުރުމަށް ވީ އަކުރެއްހެން ކަނޑާލާތަންކޮޅު
ކައްޓަފުޅި
ނ ފެނަށްދިރޭ ކުޑަ މަހެއް މިއީ ވަޅުވަޅާއި މަސްޓޭންކުތަކުގައި ގެންގުޅޭ މަހެކެވެ މިމަހުގެ އުރަހައިގެ ކޮޅުގައްޔާއި ނިގޫފަތުގެ ކޮޅުގައި ތޫނުކައްޓެއް ހުރެއެވެ ނިގޫފަތުގައި ހުދުކުލައިގެ ރޮނގެއްހުރެއެވެ މަހުގެ ކުލައަކީ އަޅިކުލައެވެ
ކައްޓާފައްލާ
ނ ދެކޮޅުގައި އުނދޯލި އެލުވައިފައި ހުންނަ ކައްޓާ
ކައްޓި
ނ ނަގިލިވައްޓާލީމާ ނަގިލީގެ ދަތް އަޑީގައި ހަރުލެއްވުމަށްޓަކައި ނަގިލީގެ ތަނޑުގެ ފަހަތުކޮޅުގައި ހުރަހަށް ހަރުކޮށްފައި އޮންނަދަގަނޑު
ކައްޗޭ
ނ (1) އިހުޒަމާނުގައި ހަނގުބޭކަލުން ބޮލުގައި އަޅާން ހަނިދިގުކޮށް ރާއްޖޭގައި ވިޔުނު ފޭރާމެއް. (2) މޫދުގައި އުޅޭ ހިމަދިގު ދެކޮޅުއެއްވަރު ދިރޭ އެއްޗެއް (3) މޫދުކައްޗޭ
ކައްޗޭބޯ
ނ ކައްޗޭއޮޅަން ލަކުޑިން ލިޔެފައި ހުންނަ އެއްޗެއް މީގެ މަތީކޮޅު ހުންނާނީ ވަށްކޮށެވެ މިހުންނާނީ ތަންތާނގައި ބެހެއްޓޭ ގޮތަށެވެ
ކަވާ
ނ ބަލިމަޑުކަމެއް ފިލުވުމަށްޓަކައި ހަށިގަނޑުގެ ބޭރު ހަން ކުރަފަތަކުން ތަންތަންކޮޅުން ކަނޑައި ކަވާފުޅި ހިއްޕައިގެން ލޭނެރޭ ނެރުން
ކަމަރާ
ނ (1) ފުރާދުއްވާ އެއްޗެހީގެ ކޮޅުފަސްކޮޅުގައި ފުރާޅު ހަމަޔަށް ހަދައިފައި ހުންނަގެ (2) އޮޑިދޯނި ފަހަރުގައި މީހުން ނިދުމަށާއި ހިޔާވުމަށް ހަތަރެސްކަން ފޮށިގަނޑެއްހެން ހަދައިފައި ހުންނަހިޔާ (3) )ބދ ( އުޅުނބު
ކަފަބުރު
ނ (1) ނޭފަތް ނުވަތަ ކަންފަތް ފަދަ ތަންތަން ސާފުކުރަން ކަފަކޮޅެއް އޮޅައިފައި އޮންނަ އިލޮށިކޮޅު ނުވަތަ ޕްލާސްޓިކްކޮޅު (2) މަޖާޒު: ތެމި ފޯވެފައި ހުރިމީހާ (3) )ސ ( ބުރަފަތިވިނަ
ކަފާޅަކެކުން
މ އުމުރުން ގާތްގަނޑަކަށް 81 މަސްނުފުރޭ ކުޑަކުދިންގެ ބޮލުގެމެދުގައި މަޑުކޮށް ހުންނަ ތަންކޮޅު އުފުލި އުފުލިފައި އަޑިވުން މިއީ ގިނަކުދިންނަށް ޠަބީޢީގޮތުން ވާކަމެކެވެ
ކަފާސް
ނ (1) ލިޔާ ދަވާދު އަޅާއިރު އޭގެ ތެރެއަށްލާފައި އޮންނަ ރޮދި ބޮނޑި ނުވަތަ ފޮތިކޮޅު. (2) ކަރުދާހާއި އަނބުރާފައި ހުންނަ ރޮދިފަދަ ތަކެތި ގެންގުޅެ ގެންގުޅެ ނުވަތަ ބޭނުންކުރެވޭ ގޮތުން ރޫޅޭގޮތް ވެގެންވާ ދެރަ (3) ރަބަރުތައްގަނޑު ޖަހަން ބޭނުންކުރާ ދެލިން ފޯކޮށްފައި އޮންނައެތި (4) މަޖާޒު: މަސައްކަތް ކޮށްކޮށް އެކަމެއް ނުވެވިގެން ހިތްވަރު ދެރަވެގެންވާ ވަރުބައްޔެއް
ކަފާސްގަނޑު
ނ (1) ލިޔާ ދަވާދުގައި އޮންނަ ރޮދި ބޮނޑި ނުވަތަ ފޮތިކޮޅު (2) )މ ( ކިސްމޭ
ކަފި
ނ (1) ކުނބުކަފި. (2) އެއްތަނޑަކަށް ހުންނަ އެއްޗެއްގެ ކުރި ވާ ދެއަފި (3) މަގެއްގެ ކޮޅު ދެއަތަށްވާދެބައި (4) ބޮލުމެދުން ކުރިމަތީން ފުރަގަހަށް ދެމުއްޔަށް ވާހެންވާއަޑިއެއް (5) )ސ ( ކަފު
ކަފިކަފިވުން
މ (1) އަފިއަތްޕަށްވުން (2) މަގެއްގެ ކޮޅުއެތައް މަގަކަށް ބައިވެގެންދިއުން