radheef.info
ރަދީފު


ބަނޑު
ނ (1) ކާއެއްޗެހި އަނގައިގެ ތެރެއިން ގޮސް އެޅޭތަން (2) އިންސާނުންގެ މޭކަށިގަނޑުން ފެށިގެން ފޫޅާދެމެދު (3) މަސްމަހާމެހީގެ ގޮހޮރު (4) ބަނޑުހަނޑޫ (5) އޮޑި ދޯނިފަހަރު ބަންނަ ވަޑިންނަށް ދުވަހު މުސާރައިގެ ގޮތުން ދީއުޅުނު ހަނޑޫ (6) ރަހިމު (7) ބޯޓު ފަހަރުން މުދާ ބާލާށާއި ބޯޓު ފަހަރަށް މުދާ އަރުވަން ބޭނުންކުރާ އުޅަނދު (8) ހޮޅިލާ ނަގާރާޅުގެ އެތެރެ މިސާލު: ރާޅުގެ ބަނޑު (9) ބިމުގެ އަޑި މިސާލު: ބިމުގެބަނޑު )01( އެއްލައިފައި ހުންނަ ގުޑީގެ ނަނުގައި ލައިފައި އޮންނަގޮނި (11) ރިއަލު އޮޑި ދޯނިފަހަރު ދުއްވައިފައި ދާއިރު ވައިއެޅިގެން ރިޔަލުގައި އޮންނަގޮނި (21) ދަމައިފައި އޮންނަ ނަރެއްފަދަ އެއްޗެއްގެ މެދުތެރޭން ތިރިއަށް ގޮނިވެފައި އޮންނަބައި )31( ތެޅިގަލުން ރާނާއިރު ދެގާބަރި ދޭތެރެއިން ހުސްކޮށް އޮންނަތަން )41( ދޫނިސޫފާ ސޫތްޕާއި ގެރިބަކަރި ޖަނަވާރާއި މަސްމަހާމެހީގެ ހަޖަމުކުރާބައި
ބަނޑުންލޯއަޑުކިޔުން
މ މަޖާޒު: ބަނޑު ފުފޭ ވަރަށް ކައި ބަނޑުފުރައިލުމަށް ބުނެއުޅޭ ބަހެއް
ބަނޑުފުރިއެރުން
މ މަޖާޒު: ދުވާމީރު ވަހަކުން ލިބޭ އަރާމަކާއި ހިތްހަމަޖެހުމެއް ބަޔާން ކުރުމުގެ ގޮތުން ބުނެއުޅޭ ބަހެއް
ބަންގަޅިސް
ނ ކުޑަކުދިންގެ ބަހުރުވައިގައި ކަނޑައި ވައްޓައިލުން މިބަސް ބޭނުން ކުރަނީ ކުޑަކުދިން ކުޅޭ ކުޅިވަރެއްގައެވެ
ބަންޑާރަ ޙަސަނަށް މޫދުހިތަކަށް ލިބުން
(މިސާލުބަހެއް) އެހެން މީހަކަށް ބާރެއް ނުވަތަ ނުފޫޒެއް ނުފޯރުވޭގޮތަށް އެއްޗަކާއިމެދު ނުވަތަ ތަނަކާމެދު ފެންނަގޮތަކަށް ޢަމަލުކުރުމުގެ ބާރާއި އިޚްތިޔާރު މީހަކަށް ލިބުމުން އެކަމަށް ނިސްބަތްކޮށް ބުނެއުޅޭ ބަހެއް. މިއީމަލާމާތުގެ ގޮތުން ބުނެއުޅޭ ބަހެކެވެ.
ބަރަނި
ނ (1) އެއްކޮޅު ނިއުޅޭނޭހެން އުއި ނުވަތަ ފަށުވި ނުވަތަ ނައިލޯނުފަދަ އެއްޗެއްގެ ރޮދިން އޮޅައިފައި ހުންނަ ބޮނޑި. މީގެ ދެވައްތަރެއް ހުރެއެވެ. އެއީ ބޮނޑި ބަރަންޏާއި ދަނޑި ބަރަންޏެވެ (2) ރޮދި
ބަރު
ނއ (1) ލުއިގެ އިދިކޮޅު (2) ވަޒަނުން އިތުރު (3) ބައެއްގަޑި ހިނގާއިރު އެލިފައި ހުރެގެން ދެފަރާތަށް ހެލިހެލި ހުންނަ އެތި (4) ނ ކަރުދާސް ވަޔާ ހިނގައިދާނެތީ އޭގެ މަތީ ބަހައްޓާން ގެންގުޅޭ ތަކެތި (5) ނ ސަންޑޯކުރާ ބަރު އުފުލަން ގެންގުޅޭ އެކި ވަރުގެ އާލާތް (6) ނއ މަސައްކަތް ބޮޑު
ބަރުނާމާޓަރު
ނ ޖައްވުގެ ފިއްތުން/އޮބުން ބަލަން ގެންގުޅޭ އާލާތް
ބަރުއުފުލުން
މ (1) ބަރުއެއްޗެހި އުފުލުން (2) ސަންޑޯ ކުރުމަށް އުފުލަން ގެންގުޅޭ އެކިވަރުގެ އާލާތް އުފުލުން
ބަރުވެލި
ނ ކަކުނީގެ ފާޑަށް ދަތްގަނޑާއި ފައިތައް ހުންނަ ބިމުގައި ކޭއްތެމުން ދުވެއުޅޭ ދިރޭ އެއްޗެއް މިއީ އޭގެ ފޫޅުގަނޑު ނިވާކުރުމަށް އެކިބާވަތް ބާވަތުގެ ތޮށިގަނޑުގަނޑަށް އެރިގެން އުޅޭ އެއްޗެކެވެ
ބަބުނަ
ނ ފޭރާންކުރާއިރު ދުޅަނަގާން ގެންގުޅޭ ފަލަލާއެއް މިއީ ހަލާ ދަނޑިޔާ ޖެހިގެން މަގަތަށް އޮންނަ ދަނޑިއެކެވެ
ބަބުރުކަލޯ
ނ އިހުގައި ކިޔާ އުޅޭ ޚިޔާލީ ފުރޭތައެއް މިއީ ކިއްސަށްދެތްވާ އެއްބަޑު އެއްބަފާ އެއްޗެއް ކަމަށްވެސް ބުނެއުޅެއެވެ
ބަބުރުތިންހަމަ
ނ ރާއްޖޭގައި ކުޅޭ އާދައިގެ ތިންހަމަ މިކުޅިވަރުގައި ހަމަޔަށް އެޅުނު ކަމަށްވަނީ ތިން ފުއް ދިމާވީމައެވެ
ބަޅަވަޅި
ނ )ސ ( މިއީ އުނބުތެރެކަހައި އުނބުކަހާވަޅި ސާފުކުރުމަށް ގެންގުޅޭވަޅިއެކެވެ
ބަޅުވަޅި
ނ ރައިވެރިން ގެންގުޅޭވަޅިއެއް މިއީ ބަޅު ބޯވަޅީގެ ތިލައިގެސިފައިގައި ތިލައޮންނަ މުއްގަނޑު ގުދުވަޅިއެކެވެ
ބަޅެއްގެ ނަގޫ ސަންފާ އޮނަކަށް ލައިފައި އޮތަސް ތެދެއް ނުވާނެއެވެ
(މުސްކުޅިބަހެއް) ނުބައި އާދަތައްހިފި އަޚުލާގު ނުބައިވެފައި ހުރިމީހަކަށް ނަޞޭހަތެއް ދިނަސް، ކިތައްމެ ނަމޫނާއެއް ދެއްކިއަސް އެއާދަތަކަކާ ވަތްކެއް ނުވެވޭނެއޭ ބުނުމަށް ބުނެއުޅޭ ބަހެއް.
ބަކަ
ނ (1) އަތްފައިން ފެންގަނޑެއްގައި ތަޅައިގަތީމާ ފެންގަނޑަށް އެވާގޮތް (2) ޤަވައިދަކާއި ބޭނުމެއްނެތި ތަނެއްގައި އުޅެގަންނަ އުޅެގަތުން މިސާލު: ރީތިކޮށް ތަންމަތި އަޅައިފައި ހުރި އެނދެއްގައި އޮށޯވެ ފުރޮޅިގަންނަ ގަތުމުން ތަންމަތި ރޫޅޭރޫޅުން
ބަކަރި
ނ ބަނޑުއަޅާވިހާ ޖަނަވާރެއް މިއީ ހަތަރު މޮށްގަނޑުޖެހި ޖަނަވާރެކެވެ މީގެ ކެހެރިތައް ހުންނާނީ ކުރުކޮށް ފަންކޮށެވެ މިއީ އޭގެކިރާއި މަހުގެ ބޭނުމުގައި ކާންދީ ބޮޑުކޮށްގެން ގެންގުޅޭ ޖަނަވާރެކެވެ މިޖަނަވާރުގެ ފިރިހެން ޖިންސުވަކިކުރަން ބޭނުންނަމަ ކިޔައިއުޅެނީ "ގިތެޔޮ" މިހެންނެވެ
ބަކަރިބައިކުރުން
މ ހަތަރުބިތަށް ބޮލި އަތުރައިގެން ކުޅޭ ހިކްމަތްތެރި ކުޅިވަރެއް މީގައި ކޮންމެ ބިތެއްގައި ނުވަފުއް ބަހައްޓައިގެން ޖުމުލައިން މަދުކޮށް ގިނަކޮށް ހަދައެވެ
ބަކަމޫނު
ނ ފަޅުތަންތަނާއި ޖަންގަލިތަކުގައި ދިރިއުޅޭ ރޭގަނޑު ޝިކާރަކުރަން ނުކުންނަ މޫނާއި ލޯބޮޑު ދޫންޏެއް މިއީ ސުރުމުއްޗާ ވައްތަރު އެއްޗެކެވެ