radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ރަތް
ނ (1) ވިއްސާރަ ދުނީގެ ކުލަތަކުގެ ތެރެއިން އެންމެ ތިރިޔަށް ހުންނަ ކުލަ (2) ސާފުލޭގައި ހުންނަ ކުލަ (3) ބެރެބެދިމަލުގައި ހުންނަ ކުލަ މިބަސް ނަން އިތުރަކަށްވެސް ބޭނުންކުރެއެވެ
ރަތްރުމާ
ނ ކުރީގައި ގެންގުޅުނު ރަތްކުލައިގައި ހުންނަ ފަލިޔާކާޓްރުމާ މިއީ އިހުގައި އަންހެނުން ބޮލުގައި އަޅައި އުޅުނު ޚާއްޞަ ރުމާލެކެވެ މިރުމާ ބޮކްސާ ބަނުމަށާއި ތާރަޖަހާއިރު ކަރުގައި އައްސަން ބޭނުންކޮށް އުޅުނެވެ
ރަތްބޭސް
ނ ބޭހުގެބާވަތެވެ މިބޭސްހުންނާނީ ރަތްކުލައިގައެވެ މިބޭސްބޭނުންކުރަނީ ފެންފޮދެއްގައި ގިރައިގެންނެވެ މިބޭސް ކެނޑޭތަންތަނގައާއި މެށޭތަންތާނގައި ފާރުހިއްކުމަށްޓަކައި އުނގުޅައެވެ
ރަތްބޯ
ނ )ސ ( ހިކާގެ ބާވަތެއް މިހިކައިގެ ބޮލުން ފެށިގެން ނަގުލާ ހަމައަށް މަހުގެ ދެފަރާތުގައި ކަޅުރަތް ކުލައިގެ ދެރޮނގު ހުރެއެވެ މަހުގެ ކުލައަކީ މަޑުފިޔާތޮށި ކުލައެވެ ލޮލުގެ ކައިރި ހުންނަނީ ރީނދޫ ކުލައިގައެވެ ވަދުމަސްވެރިކަން ކުރާއިރު މިހިކާ އެމަށްވެސް ބޭނުންކޮށް އުޅެއެވެ
ރަތްފުރެއްދެއަލި
ނ ފުރެއްދެއަލައިގެ ތެރޭގައި ހިމެނޭ ބާވަތެއް މިއަލަގަހުގެ ފަތުގެ ތަނޑާއި ނާރުތައް ހުންނާނީ ރަތްކުލައެއްގައެވެ އަލަގަނޑުގެ ބޭރާއި އެތެރޭގައި ރަތްކުލައެއް ހުންނާނެއެވެ މީގެ ގިނައަލައިގައި ކަހާގޮތް ހުރެއެވެ
ރަތްތޮށި
ނ ފިހެގެންކާތަކެތި ބޭރުއަންދާނުލާ އެންމެމޮޅަށް ފިހާއިރު ބޭރަށްއަރައިފައިހުންނަ ކުލަ
ރަތްތޮށިކުރުން
މ ފިހާތަކެތި އަންދާނުލައި ބޭރަށް ރަތްކުލަ އަރާވަރަށް ފިހުން
ރަތްތޮށިވުން
މ ފިހާތަކެތި ނާންދާބޭރުރަތްވުން
ރަތްލާޖެހި
ނއ މަޖާޒު: (1) އެންމެންދަންނަ. (2) މަޝްހޫރު. މިބަސްބޭނުންކުރަނީ މީހުންނާ ނިސްބަތްކޮށެވެ
ރަސޫލު
ނ މާތް ﷲ އެބޭކަލަކަށް ޝަރީޢަތެއް ބާވާލައްވައި އެޝަރީޢަތެއް މީސްތަކުންނަށް ފޯރުވައި ދެއްވުމަށް އަންގަވައިފައިވާ މާތް އިންސާނާ
ރަސޫލުން
ނ ރަސޫލު ބޭކަލުން
ރަސޫލުބޭކަލުން
ނ މާތް ﷲ ގެ ހަޟުރަތުން ޝަރީއަތަކާއި ފޮތެއް ބާވައިލެއްވި ބޭކަލުން
ރަސްހުވަނދު
ނ ދިވެހިބޭހަށް ބޭނުންކުރާ ބާވަތެއް އާންމުގޮތެއްގައި މިބޭނުންކުރަނީ ލޮލު ބޭހަށެވެ މިހުންނަނީ ކަޅުރަތް ކުލައެއްގައެވެ މީގައި މީރުވަހެއް ހުރެއެވެ
ރަސްކަން
ނ (1) ރަސްކަލަކު ހުންނަވައިގެން ހިންގާ ވެރިކަން (2) މަޖާޒު: ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތް ހިތަކަށް އުޅޭ އުޅުން (3) ބަލަހައްޓާނެ މީހަކު ނެތިދާ ވަގުތުކޮޅު ކުއްޖަކު ނުވަތަ ކުޑަކުދީން ތަކެއް ހިތްހިތަކަށް އުޅޭ އުޅުން މިސާލު: އަހަރެން ގެއަށް އައިއިރު ކުދިން ކޮޅު ކޮޓަރި ތެރޭގައި ރަސްކަން ކުރަނީއެވެ
ރަސްކަންކުރުން
މ (1) ރަސްކަލަކު ހުންނަވައިގެން ހިންގާ ވެރިކަން ހިންގުން މަޖާޒު: (2) ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތްހިތަކަށް އުޅުން (3) ބަލަހައްޓާނެ މީހަކުނެތި ދާވަގުތުކޮޅު ކުއްޖަކު ނުވަތަ ކުޑަކުދިންތަކެއް ހިތްހިތަކަށް އުޅުން
ރަސްފަރި
ނ (1) ރަސްކަމަށް ކޮލިލާ ދުވަހު އައްޑަނަ ކޮއްޓާ ދަނޑި ކޮއްޓާ ދެކޮށީން ދެއެދުރު ބޭކަލުން ނުވަތަ އެފަދަ އެހެން ދެމީހަކު ނުކުމެ ގުޅަކުޅޭ ފަސްގަނޑުގައި އަޅާފަރިއެއް (2) ކ އަތޮޅުގެ ފަޅުރަށެއް
ރަސްގުއްލަ
ނ ފޮނިކާއެއްޗެއް. މިއީ ރޯ ކިރަށް ހަކުރާ ގިތެލާ އަޅައިގެން މަޑު ގިނީގައި ކައްކަމުންގޮސް ފެންހިނދި ގުޅަވެށޭވަރަށް ކެކުނީމާ ބޭނުން ސައިޒަކަށް ގުޅަވަށައި ހަކުރު ފަންޏަށްލައިފައި ހުންނަ އެއްޗެކެވެ މިހުންނާނީ ސާފު ހުދު ކުލައިގައެވެ
ރަޑަ
ނ (1) ހަޑި (2) މުޑުދާރު ކއ (3) ތަހުޒީބާ ތާހިރުކަމާ ޚިލާފަށް ކުރާ ކަންތައް (4) ތިމާއަށް މަލާމަތް ލިބޭފަދަ ކަންތައް
ރާ
ނ (1) ރާކުރުމުން ރުކުގެ އެތުން ލިބޭ މީރު ބުއިމެއް މިއިން ދިވެހި ހަކުރުހަދައެވެ (2) ބަނގުރާ
ރާހީބޭސް
ނ ބައެއް ބޭސްވެރީން އެކިއެކި ރާއްސަށް ޚާއްސަކޮށް ގެންގުޅޭ ބޭސް