radheef.info
ރަދީފު


ބަ
އ އައްބަ
ހިއްކިބަތް
ނ ހިއްކައިފައި ހުންނަބަތް
ހިއްކިކެޔޮ
ނ ތޮށިމަށައި ފަޅިކޮށް ފޮނުފޮޅުވައިގެން ނުވަތަ ފޮނު ނުފޮޅުވައި ހިއްކައިފައި ހުންނަ ބަބުކެޔޮ
ހިއްލުން
މ (1) ނެގުން. (2) އުފުލުން. މިސާލު: )ހ( މިގާ ހިއްލާލަދީބަލަ! )ށ( ހެދުން ނުހިއްލާ! (3) ނޭވަޔަށް އުނދަގޫވުން. (4) ރިޔާނަގައިގެން ދުއްވާ އެއްޗެހި ވަޔަށް ނެގުން. (5) ވޮލީ ކުޅޭއިރު ސޮޓްޖެހުމަށް ބޯޅަ އުފުއްލައި ދިނުން. (6) ހުޅުވުން (7) މަޖާޒު: ކޮޅުވުން
ހިއްސާދާރު
ނ މުދަލުގެ ނުވަތަ ފައިސާގެ ނުވަތަ އެނޫންވެސް އެއްޗެއް ނުވަތަ ކަމެއްގެ ބައިވެރިޔާ
ހިއްޕި
ނ (1) އަންހެނުންގެ އުރަމަތި ހިފެހެއްޓުމަށްޓަކާ ބޭނުން ކުރާއެއްޗެއް. (2) ކިރުހިއްޕި. (3) ހިއްޕުން މިބަހުގެ ނިމިނިމުނުކަން
ހިއްޕީން
ނ އެއްވެސް ގަވައިދެއް އުޞޫލެއްނެތި އުޅޭބައެއް )މިމީހުން އާންމު ގޮތެއްގައި މަސްތުވާ ތަކެތި ބޭނުންކުރެއެވެ
ހިއްޗަށްވަޑައިގަތުން
މ (1) ރަމަޟާންމަހު 22، 24، 26، 28 މިދުވަސް ދުވަހު ހަވީރު ނުވަތަ މިދުވަސް ދުވަހާއި ވިދިގެން އަންނަ ރޭރޭ ކުރާރަސްމީ ކަންތައް އަދާ ކުރެއްވުމަށް ރަދުން ނުވަތަ ހަތްކޮޅު ނަގާ ބޭފުޅުން އެދުވަހަށް ޚާއްޞަ ވެގެންވާ ޒިޔާރަތެއްގެ ދޮށަށް ރަސްމީގޮތުގައި ވަޑައިގަތުން (2) "ހިތި" ބަލާ!
ހިއްޗަށްދިއުން
މ )ސ ( ބަޔަކުމީހުން ކާއެއްޗެހި ހަދައިގެން އަތިރިމައްޗަށް ރޯދަވީއްލާން ދިއުން
ހިވިކަނދު
ނ )ބދ ( ދަށްބަނޑު
ހިމަހޯއްދުން
ނއ (1) ހިމަތޮޅި ކަމާއި އެކުލެވިގެންވާ ރީތިސިފަހުރި )މިބަސް ބުނެއުޅޭނީ އަންހެންކުދީންނާ މެދުގައެވެ ( (2) ލޫޅާފަތި
ހިމަނައިލުން
މ (1) ޢަދަދު ބަލައިލުން (2) ގުނައިލުން (3) ބައިވެރިކޮށްލުން
ހިމަބިހި
ނ ހުންއައިސްފައި ގައިގެ ހަމުން ނުލާހިކު ގިނައިން ކުދިކުދި ބިހިތަކެއް ނަގާ ބައްޔެއް މިއީ ވަރަށް ފަސޭހައިން އެކަކުގައިން އަނެކަކު ގަޔަށް އަރާ ބައްޔެކެވެ މިބަލި ގިނައިން ޖެހެނީ ކުޑަކުދީންނަށެވެ
ހިމަބޯދު
ނ ބޯދީގެ އާއިލާގެ ބާވަތެއް މިއީ އެހެނިހެން ބޯދީގެ ބާވަތްތަކަށްވުރެ ހިމަ އެއްޗެކެވެ މީގެ ބަނޑުދޮށް ފަރާތުން ކަރުތާފަތާ ދިމާ ތިރީގައި ހުންނަ ކޮތަރިބައި ބޮލުގެ ދިގުމިނުގެ ދެބައިކުޅަ އެއްބައިހާ ދިގެވެ މަހުގެ ކުލައަކީ މަޑު ފިޔާތޮށި ކުލައެވެ މަހުގެ ތުނބުން ފެށިގެން ލޯހުރަސްކޮށް މަހުގެ ކަރުތާފަތްގަނޑުގެ ކޮޅަށް ގަދަމުށި ކުލައިގެ ރޮނގެއް ދެމިފައި ހުރެއެވެ
ހިމަފުށް
ނ (1) އޮލަފުށް (2) ހިއްތަލަފުށް ހަދާއިރު އެންމެ ހިމުންކޮށް ނަގާބައި
ހިމަގޮހޮރު
ނ އިންސާނުންނާއި ޙައިވާނުންގެ ބަނޑު ތެރޭގައި ސަނގަލާ ޖެހިފައި އޮންނަ ގޮހޮރު
ހިމެނުން
މ (1) އަދަދުބެލުން (2) އަދަދުކުރުން (3) ބައިވެރިކުރުން މިސާލު: އެވަފުދުގައި އިތުރު މެންބަރަކު ހިމަނަން ޖެހެއެވެ
ހިމޭން
ނއ (1) މަޑުމައިތިރި (2) އަޑުބަޑުމަޑު
ހިމޭންކަން
ނއނ (1) މަޑުމައތިރިކަން (2) އަޑުބަޑުމަޑުކަން
ހިމޭންކުރުން
މ (1) މަޑުމައިތިރިކުރުން (2) އަޑުބަޑު މަޑުކުރުން
ހިމޭންވުން
މ (1) މަޑުމައިތިރިވުން (2) އަޑުބަޑު މަޑުވުން