radheef.info
ރަދީފު


ރަސް
ނއ (1) ރަސްގެފާނަށް ނުވަތަ ރަސްކަމަށް ނިސްބަތްވާ (2) މޮޅު މިސާލު: ރަސްއައިން (3) އެންމެބޮޑު މިސާލު: ރަސްމަގު (4) އެންމެ ލޯބިވާ މިސާލު: މަގޭ ރަސްދަރިފުޅު (5) ނ ފަސްއޮށްކުޅޭއިރު ވިދިވިދިގެން ހަތްލަނޑުދިނީމާ ނުވަތަ ހުސްފުށަތުން ލާއިރު އޮށްބައި އެކަށް ހިފުނީމާ ކިޔާނަން
ސިޓީލުން
މ (1) ކަމަކަށް އެދި އެކަމާބެހޭ އިދާރާއަށް ސިޓީއެއް ހުށައެޅުން (2) ރަސްމީ ފަރާތަކަށް ޝަކުވާއެއް ހުށައެޅުމަށް ސިޓީއެއް ފޮނުވުން
ސިޔާދަތު
ނ (1) މާތްކަން (2) ވެރިކަން (3) ރަސްކަން (4) ސަރުކާރު (5) ޤައުމެއްގެ މިނިވަންކަން
ސުވާމީންގެ
ނ (1) ބޮޑު ސުވާމީންގެ (2) މާތްރަސްކަލާނގެ
ޑޭމު
ނ ދެމެމުން އަންނަ ފެންގަނޑު ހުއްޓުވުމަށް ލައިފައިވާ ހުރަސް
ޑޯލާރަސްކަލުން
ނ ރަސްކަލަކަށް ޖިޒީދެއްވާ ރަސްކަލުން
ޒިޔާރަތް
ނ (1) ނަބީ ރަސޫލު ބޭކަލުންނާއި ވަލީވެރިންނާއި ރަސްރަސް ކަލުންގެ ބިސްތާނު (2) މީހަކާ ބައްދަލުކުރާ ބައްދަލު ކުރުން (3) ތަނަކަށްދާ ދިއުން
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި
ޒުލްޤަރުނައިނި
ނ ކީރިތި ޤުރްއާނުގައި ނަންގަނެވިފައިވާ ނަބީބޭކަލަކާގާތް ޢަދްލުވެރި ރަސްކަލެއްގެ ނަންފުޅު
ޖަހާހަނގުބޭކަލުން
މ އިހުގައި ކިލެގެ ބޭކަލުންގެ ތެރެއިން ރަދުން ހޮއްވަވާ ޚާއްޞަ ބޭފުޅުން ކޮޅެއް މިބޭފުޅުންނަކީ ރަދުން މަޝްވަރާ ކުރެއްވުމަށާއި ރަސްމީ އިއްޒަތްތަކުގައި ބައިވެރިވެ ވަޑައިގަތުން ފަދަ ކަންތައްތަކަށް ޚާއްޞަކުރެވޭ ބައެކެވެ
ޖަޑިބު
ނ ރަދުން ރަސްމީ ގޮތުގައި ތަންތަނަށް ވަޑައިގަންނަވާއިރު ކުރީ ގައި އަމާންދިދަ ހިފައިގެން ހުންނަމީހާ
ޙުޒާމު
ނ ރަސްކަމަސް ކޮލިލާ ދުވަހު ރަދުން ރަސްމީ ހެދުންކޮޅު ތުރުކުރައްވާއިރު އަބާކޮޅުންގެ އެތެރޭން ކަމަރުކޮޅުގެ ބަދަލުގައި ބަންނަވާ ފޮތިކޮޅި
ޚާނީހަނޑޫ
ނ ކޯރާ ހަނޑުލަށްވުރެ މޮޅުހަނޑުލެއް މިއީ އިހުގައި ރަސްކަލުންގެ ފަރިއްކޮޅަށް ކައްކައި އުޅުނު ހަނޑުލެކެވެ
ޚާލިޤު
ނ ވަނިވިހައިތާ ވާތަކެތި ހައްދަވާ ރަސްކަލާނގެ
ޚިލާފަތު
ނ (1) މުސްލިމުންގެ ރަސްކަން (2) ރަސްކަމާއި ވެރިކަމުގެ ވާރުތަވެރިކަން
ޚޯންފޯސް
ނ ރަސްރަސްކަލުންނަށް ފަރީއްކޮޅު ތައްޔާރުކުރާއިރު މަލާފަތްކޮޅު ބަނދެފައި އޭގެމަތީގައި އަޅައިފައި އޮންނަ ފޮތިގަނޑެއް
ޢަރުޝި
ނ (1) މާތް ރަސްކަލާނގެ އަރުޝި ފުޅު (2) ތަޚުތު
ޤައުމީ ބަސް
ނ (1) އެބައެއްގެ މާދަރީބަސް (2) އެޤައުމެއްގެ ރަސްމީބަސް ކަމުގައި ހަމަޖައްސައިފައިވާ ބަސް
ޝާހީ
ނއ (1) މާތް (2) ރަސްމަތިފުށުގެ
ޝާހީޢާއިލާ
ނ (1) ރަސްމަތިފުށް (2) ފަސްދަރިކޮޅު
ﷲއަށްޓަކައި
ގބ (1) މާތްރަސްކަލާނގެ ރަސްކަންފުޅަށްޓަކައި (2) ދަރުމައަށް