radheef.info
ރަދީފު


ރައި
ނ )ސ ގ ( (1) ވާންކަމުގެ އިދިކޮޅު (2) ހިފެހެއްޓުމުގެ އިދިކޮޅު (3) ދޫވެފައި ހުންނަ ތަން
ތެވެލި
ނ )ޏ ސ ( އިރުހަނދު އަރައިގެން އަންނައިރު ނުވަތަ އޮއްސެންދާއިރު އުދަރެހުން ފެށިގެން ރިހިކުލައިގެ ނުވަތަ ރަންކުލައިގެ ދޫލައެއްހެން ފެންގަނޑުމަތީގައި ފެތުރިފައިއޮންނަ އަލި
ތޮންގާ
ނ )ގ ( ދޯނިފަހަރުގެ ހުންގާނު އެޅުވުމަށް މާދާގެ ބަދަލުގައި ރޯނުން ފުރައިފައި ހުންނަ ކުސަގަނޑު
ތޮޅުވުން
މ (1) އަރައިރުން ކުރުވުން (2) ދެކޮޅުވެރި ކުރުވުން
ލައިނުގަނެގެން އުޅުން
މ އަވަސް އަރައިގަނެގެން އުޅުން
ލަވަބައި
ނ ވަކިކަމަކަށް ހަދައިފައި ހުންނަ ލަވަތައް މިސާލު: )ހ( ނައްކާރާ ޖަހާއިރު ޖަހާލަވަތައް )ށ( ދަންބެރުގެ ތިންލަވަ )ނ( ވަޖިދުވާ ތާރައިގެ ލަވަތައް
ލާންސްކޯޕްރަލް
ނ ސިފައިންގެ އޮފިސަރުންގެ މަޤާމުތައް ފެށޭ ދަރަޖަ މި މަޤާމުގައި ހުންނަ މީހެއްގެ ޔުނިފޯމުގެ އަތަށް އެއްފަށް އަރައިފައި ހުންނާނެއެވެ
ލާފެންކުރުން
މ (1) ކުލަ އަޅައިގެން ތަޅައިފައި ހުންނަލާ ލާޖަހަން ބޭނުން އެއްޗެއްގައި ހޫނުކޮށްފައި ޖަހަމުން ފަތުރައި އޮމާންކޮށް އޮފު އެރުވުން. (2) އެއްޗެއްގައި ލާހިންގައި އޮފުއެރުވުމަށްފަހު ތަފާތު ކުލަކުލައިން ތައްޔާރު ކޮށްފައިވާ ލާ ހޫނުކޮށް އޭގެ ހިމަފަށްތައް ބޭނުން ވަރަކަށް ދަމައިފައި އެ އެއްޗެއްގައި އަތުރައި ލަކުޑި ވަޅިއަކުން އެފަށްތަކުގައި ކުރެހުން އުފައްދައި ކެޔޮފަތުން އޮފު އެރުވުން
ލުހެލުން
މ އުފުރައިލުން
ލުއްސައިލުން
މ އުފުރައިލުން
ލޫދާލުން
މ )ޏ ސ ( (1) އިރައިލުން (2) ވީދައިލުން
ލޭބޯފަނި
ނ ވައިގައި ތެތްކަންކުޑަ ވަކިމިންވަރަކަށް ފިނި ސަރަޙައްދުގެ ވިނަ އާއި ތިރިގަސްތަކުގެ ތެރޭގައި އުޅޭ ފަންޏެއްެ. މިފަނި ހަރަކާތްތެރިވަނީ އޭގެ ދެކޮޅުޖައްސާ ހިންދެމޭގޮތަށް ފިރުކިގެންނެވެ. މިފަނި އިންސާނުންގެ ހަމުގައިޖެހުމުން ލޭބޮއި ހަދައެވެ. މިފަނި އިންސާނާގެ ހަށިގަނޑުން ނައްޓުވައިލަން އެންމެ ފަސޭހަގޮތެއް ކަމަށް އެނގިފައިވަނީ ގަދަކޮށް ގިރައިފައި ހުންނަ ލޮނުތިއްކެއް ޖައްސައިގެން ނުވަތަ ސައިބޯނި ލައިގެންނެވެ
ލޭފޮޅު
ނ ލޭ އަރައިފައި ހުންނަ ފޮޅު
ލޮނާހުރުން
މ މޫދުގެ ލޮނުން ތެމިގެން ފެންނުވަރައި ހުރުން
ލޮލުންފުސްކެހުން
މ ލޮލުގެ ކަޅުކަޅި މައްޗަށް އަރައިފައި ހުންނަ އަނދިރިކަން ބޭސްފަރުވާ ކޮށްގެން ފިލުވުން
ގަހުވަ
ނ (1) ބުންމުގުރައިގެން ހަދާ އެއްޗެއް (2) ކޮފީ
ގަރާލުން
މ )ޏ ( ގިރައިލުން
ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ގަތްބަސް
ނ ރައިވަރުގެ ފަހުބަހުގެ ކުރީބަސް
ގަޑަގަޑަ އަޅައިފައި ދިއުން
މ މާ އަވަސް އަރައިގެން ބާރަށް ދިއުން
ގަޓު
ނ ޓެނިސްރެކެޓާއި ބެޑްމިންޓަން ރެކެޓުފަދަ އެއްޗެހީގައި ފުރައިފައި ހުންނަ ނަރު