radheef.info
ރަދީފު


ރަން
ނ (1) ގަހަނާ ހަދާ އަގުހުރި މަޝްހޫރު މަޢުދަނެއް މީގައި ހުންނާނީ ރީނދޫ އޮފުކުލައެވެ (2) އިންނަން އުޅޭ ފިރިހެންމީހާ އަންހެންމީހާއަށް ޝަރުޢީ ގޮތުންދޭންޖެހޭ ފައިސާ ނުވަތަ މުދާ މީގެ މިންވަރު ކަނޑަ އަޅާނީ އަންހެންމީހާއެވެ
ފެންގުޑުގުޑުކާއްޔޯ
މ ކުޑަކުދިން ފެންވަރަން ނުދާން އުޅޭއިރު ހައްލާލަންވެގެން ދެ މީހުން ދެކިހިލިފައްޗަށް އަތްލައި ހިފައި އެލުވާލައިގެން ދާއިރު ކިޔާ އެއްޗެއް
ފޭރާންފަތާ
ނ )ސ ( ފޭރާންކުރަން އިންނަފިލާ
ފޮނިތޮށިހަވާދު
ނ ފޮނިތޮށި ކާފޫރުތޮޅި ކަރަންފޫ ތަޅައި ހިމުންކޮށްފައި ހުންނަ ކުނޑި
ފޮނިތޮށިކާފޫރުތޮޅިލުން
މ މަޖާޒު: އެކަކު ދައްކާ ވާހަކައެއް އަނެކަކުގާތުގައި ދައްކާ އިރު އެވާހަކަ ފޮނިކުރަން ބައެއް އިތުރު ކުރުން
ފޮރިންއެކްސްޗޭންޖް
ނ (1) ތަފާތު ޤައުމުތަކުގައި ތިބޭ މީހުންގެ މެދުގައި ބޭރުފައިސާއިން މުޢާމަލާތު ކުރުމުގެ ރޮނގަށް ކިޔާ ނަމެއް (2) ބޭރު ފައިސާއިން ކުރަންޖެހޭ މުޢާމަލާތު (3) ބޭރު ފައިސާ
ފޮޓޯސާފުކުރާބޭސް
ނ ފޮޓޯ ސާފުކުރަން ބޭނުންކުރާ ކެމިކަލްތައް އެތްކޮށްގެން ތައްޔާރުކުރާ ދިޔާފެނެއް
ފޮޓޯސާފުކުރުން
މ ފޮޓޯ ނެގެޓިވުން ކަރުދާހަށް ނެގުމަށްފަހު ސާފުކުރަން ތައްޔާރު ކޮށްފައި ހުންނަ ބޭސް އެއްޗަށްލައި ސާފުކޮށް ދޮންނަންވާ ގޮތުގެ މަތިން ދޮވުން
ފޯނުފޮށި
ނ ކުރީގައި ފޯނަކާއެކު ބޭނުންކުރި ފޮއްޓެއް މިފޮށީގައި ހުންނަ އަތުން އަނބުރާ ޗާބީއަކަށް އަނބުރަން ފެށުމުން އަނެއްކޮޅުގައި ހުންނަ ފޯނު ރަނގަބީލުވާނެއެވެ
ފޯރީގަޑި
ނ ފޯރިމަރަންޖެހޭ ވަގުތު
ދަށުރޮނގު
ނ ލިޔުންތަކުގެ ވަކިބަސްބަހަށް ނުވަތަ ވަކި އިބާރާތްތަކަށް ބާރުލުމުގެ ގޮތުން ފާހަގަކުރަން ތިރީގައި ދަމައިލާ ރޮނގުބުރި ނުވަތަ ރޮނގު
ދަރަނި
ނ (1) ފަހުންދޭން އަތުލާ އަތުލުން (2) ފަހުން އަދާކުރާގޮތަށް ދޭ ނުވަތަ ނަގާ އެއްޗެހި (3) މަޖާޒު: އަދާކުރަންޖެހިފައިވާ ޝުކުރު
ދަރަނިއަދާކުރުން
މ (1) ދޭންވެފައި އޮތް ދަރަންޏެއް ދީނިންމުން (2) ދަރަނި ޚަލާޞް ކުރުން
ދަރަނިވެރިވުން
މ (1) ދަރަންޏެއް ބޮލުގައި އެޅުން (2) މަޖާޒު: ޝުކުރުވެރިވާން ޖެހުން
ދަވާދުތެޔޮ
ނ ދަވާދު ދިޔާކުރަން ބޭނުންކުރާ ތެޔޮ
ދަތި
ނ (1) އުނދަގޫ. (2) ތުރާ. (3) ފަސޭހައިގެ އިދިކޮޅު. (4) ތަނަވަސްކަން. ނެތޭނެތުން. (5) ބައެއްކަހަލަ ދިރޭއެއްޗެހި ހިފަން ތައްޔާރުކޮށްފައި ހުންނަ ދަންތުރައެއް. (6) އެއްޗެހި ހަރުކޮށް ހިފެހެއްޓުމަށާއި އެއްޗެހީގައި ތިއްބުމަށް ހަދައިފައި ހުންނަ އާލަތެއް މިސާލު: )ހ( ބޮޑުދަތި )ށ( ކަޅުދަތި )ނ( ކުދިދަތި (7) މުންޑާއި ފޭލިފަދަތަކެތި އަނދެގެން ހިގައިފައިދާއިރު އަތްދުތަށްވާ ވާން (8) ހަނޑޫފަދަ ތަކެތި މުގުރަން ހަދައިފައި ހުންނަ އާލަތެއް މިސާލު: ހަނޑޫމުގުރާ ދަތި (9) ކުނިކެހުމަށާއި ފަސްގަނޑު އެއްވަރުކުރުމަށް ހަދައިފައިހުންނަ އެއްޗެއް މިސާލު: މަށަންދަތި )01( އެއްޗެހި ކޮށުމަށް ބޭނުންކުރާ އާލަތެއް މިސާލު: )ހ( ބޯކޮށާދަތި )ށ( ނިޔަފަތިކަނޑާ ދަތި )ނ( ގަސްކޮށާދަތި (11) ތާށި (21) ފޭރާމާއި މާފަދަ ތަކެތި ވިޔާއިރު ފަށްތައް ހިމުންކުރުމަށް ހަދައިފައި ހުންނަ އެއްޗެއް
ދަތުރުއޮޑި
ނ (1) ދަތުރުކުރަން ތައްޔާރުކޮށްފައި ހުންނަ އުޅަނދުފަހަރު (2) މީހުންނާއި މުދާ އުފުލާއޮޑި (3) ދަތުރުކުރަމުންދާ އޮޑި ނުވަތަ ދޯނި
ދަތްވިދުރި
ނ ދަތަށްޖެހޭ ބައްޔެއް މިބަލި ޖެހުނީމާ ހިރުގަނޑު ގިރި ދޮސްގަނެ ދަތުގައި ރިއްސައި ދަތްތައްމުޅިން ހަލާކުވަނީއެވެ މިއީ ފަސޭހަކުރަން އުނދަގޫ ބައްޔެކެވެ
ދާގަބާ
ނ (1) ހަވިއްތަ ވިހާރަ ވޭރުފަދަ ތަންތަނަށް ކިޔާނަމެއް (2) ބުދުދީނުގެ މީހުން އަޅުކަންކުރަން ހަދައިފައިހުންނަ ތަންތަން
ދިހަކެނޑުން
މ )ޏ ( މުޙައްރަންމަހާއި ސަފަރުމަހުގެ ފުރަތަމަ ދިހަ ދުވަސް ދޫކޮށްލުން
ދިރިހުއްޓައި ކަށްވަޅަށް ދިއުން
މ މަޖާޒު: ނުއުފުލޭވަރުގެ ބޮޑު ދަރަންޏެއް ބޮލުގައި އެޅުން ނުވަތަ އެނޫންވެސް މާބޮޑަށް ލަދުގަންނަންޖެހޭ ފަދަކަމެއް ދިމާވުމުން ބުނެއުޅޭ ބަހެއް