radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
ބަންދުފިލުން
މ (1) ހުއްޓިފައި ހުރިކަމެއް ނުވަތަ އެއްޗެއް ހިނގައިގަތުން (2) ބަންދުކަން ކެނޑުން
ބަންގިބެރު
ނ ރަދުން ހުކުރު ނަމާދަށް ނުވަތަ ޢީދުނަމާދަށް ވަޑައިގަންނަވާކަން އެންގުމުގެ ގޮތުން ޖަހައި އުޅުނު ބެރު
ބަންޑަލި
ނ އެއްބާވަތެއްގެ އެތައް އެއްޗެއް އެއްކޮށް ބަނދެފައި ނުވަތަ ބަންދުކޮށްފައި އޮންނަ ބޮނޑި
ބަންޑަލިކުރުން
މ އެތައް އެއްޗެއް އެއްކޮށް ބަނުން ނުވަތަ ބަންދުކުރުން
ބަންޑާރަ ޙަސަނަށް މޫދުހިތަކަށް ލިބުން
(މިސާލުބަހެއް) އެހެން މީހަކަށް ބާރެއް ނުވަތަ ނުފޫޒެއް ނުފޯރުވޭގޮތަށް އެއްޗަކާއިމެދު ނުވަތަ ތަނަކާމެދު ފެންނަގޮތަކަށް ޢަމަލުކުރުމުގެ ބާރާއި އިޚްތިޔާރު މީހަކަށް ލިބުމުން އެކަމަށް ނިސްބަތްކޮށް ބުނެއުޅޭ ބަހެއް. މިއީމަލާމާތުގެ ގޮތުން ބުނެއުޅޭ ބަހެކެވެ.
ބަންޑާރަގޯތި
ނ ގެދޮރު އެޅުމަށް ނުވަތަ ޢިމާރާތްކުރުމަށް ސަރުކާރުން ދޫކޮށްފައިވާ ބިން
ބަންޑުންވުން
މ (1) ބަނޑުފުށް ނުވަތަ އަނގަފުށް ވަތަށްވުން (2) އެއްޗެއްގެ ތެރޭގައި ހުންނަ އެއްޗެއް ވެރުން
ބަރަނި
ނ (1) އެއްކޮޅު ނިއުޅޭނޭހެން އުއި ނުވަތަ ފަށުވި ނުވަތަ ނައިލޯނުފަދަ އެއްޗެއްގެ ރޮދިން އޮޅައިފައި ހުންނަ ބޮނޑި. މީގެ ދެވައްތަރެއް ހުރެއެވެ. އެއީ ބޮނޑި ބަރަންޏާއި ދަނޑި ބަރަންޏެވެ (2) ރޮދި
ބަރަނިދަނޑި
ނ ބަރަނިއޮޅަން ދިގުގޮތަށް މެދުން ލޯވަޅެއް ތޮރުފާފައި ފޯލިކޮށް އޮންނަ އެތިކޮޅި ޕްލާސްޓިކުން ނުވަތަ ލަކުނޑިން މިހަދައިފައި ހުރެއެވެ
ބަރާ
ނ (1) ފުރާދުއްވާ ތަކެއްޗަށް މީހުން ނުވަތަ މުދާ ނުވަތަ މީހުންނާ މުދާ އަރުވައިގެންވާ ބަރާ. (2) ފުރާ ދުއްވާ ތަކެތި ދުއްވަން ހެޔޮވަރަށް ކުރާ ބަރު. (3) ރިޔާ ނެގީމާ ތެދަށް ނުހުރެވޭ ވަރުގެ ހިމަދިގު ދޯނިފަހަރު ތެދަށް ބެހެއްޓުމަށްޓަކައި އެދޯނިފަހަރުގެ މަތި ކިބަފަރާތަށް ދުއްވައިފައި އޮންނަ ދަނޑިއެއްގައި ލައިފައި އޮންނަ ކަނދު
ބަރާކުރުން
މ (1) ފުރާދުއްވާ ތަކެއްޗަށް މީހުން ނުވަތަ މުދާ ނުވަތަ މީހުންނާ މުދާ އަރުވައިގެން ބަރުކުރުން (2) ފުރާދުއްވާ ތަކެތި ދުއްވަން ހެޔޮވަރުވާ ވަރަށް ބަރު ކުރުން
ބަރާވުން
މ (1) ފުރާދުއްވާ ތަކެއްޗަށް މީހުން ނުވަތަ މުދާ ނުވަތަ މީހުންނާ މުދާ އެރުވުން (2) ފުރާ ދުއްވާ ތަކެތި ދުއްވަން ހެޔޮވަރަށް ބަރުކުރުން
ބަރި
ނ (1) ލާނދަލުގެ ވަށާ ކުރެތްވާއި ދިގުދަލުގެ ތިރީކުރެވީގައި ލައިފައި ހުންނަ ތިމަރަބަރު (2) ފައްތައިގެން މަސްބާނާއިރު ނަނު އަޑިޔަށް ފޮނުވުމަށް ލާބާރު (3) މަތިމައްޗަށް ނުވަތަ ފަތިފައްޗަށް ބަހައްޓައިފައިވާ ބެހެއްޓުން (4) )ގ ( ގަނޑުގަނޑަށް ހުންނަ ފިރުޢައުނު މުދާ
ބަރިއްޔަ
ނ (1) ކުށުން ނުވަތަ ތުހުމަތުން ވާ ސަލާމަތް (2) މިންޖު
ބަރިއްޔަވުން
މ (1) ތުހުމަތުން ނުވަތަ ކުށުން ސަލާމަތްވުން (2) މިންޖުވުން
ބަރިދިއްވުން
މ )ސ ( (1) ކުޑަކުއްޖަކު ކަމަކާމެދު ދެރަވެގެން ނުވަތަ ހިތުގައި ޖެހިގެން ރޮއިގަތުމަށް ތުންފަތް ހަރަކާތް ކުރުން (2) ބަރިއެޅުން
ބަރިޖެހުން
މ އެއްޗެހިތަކެއް މަތި މައްޗަށް ނުވަތަ ފަތި ފައްޗަށް ބަހައްޓަމުން ގެންދިއުން
ބައިއެޅުން
މ އެއްޗެއްބަހާއިރު މީހަކަށް ނުވަތަ ކަމަކަށް ބައެއް ޚާއްސަ ކުރުން
ބައިތިއްބުން
މ (1) ބަޔަކު ތަނެއްގައި އިށީނދެ ނުވަތަ އޮށޯވެ ނުވަތަ ކޮޅަށްތިބޭނެގޮތް ހެދުން (2) ތަނެއްގައި ވަގުތީގޮތުން ބަޔަކަށް އުޅޭވޭ ގޮތަށް ހަމަޖައްސައި އެތަނަކަށް އެމީހުންގެންދިއުން (3) ތަޙްޤީޤަށްޓަކައި ރަށެއްގައި ނުވަތަ ތަނެއްގައި އެހެންތަނަކަށް ނުދެވޭ ގޮތަށް ވަގުތީ ގޮތުން ބަންދުކުރުން
ބައިތުބާޒީ
ދެމީހެއްގެ ނުވަތަ ދެބައެއްގެ ދެމެދުގައި ވާދައަށް ޅެންބައިތު ކިއާކިއުން. އެކަން ކުރާ ގޮތަކީ އެއްކޮޅުން އެކަކު ޅެންބައިތެއް ކިއުމުން އެބައިތު ހުއްޓުނު އަކުރަކުން އަނެއްކޮޅުން އަނެކަކު ޅެންބައިތެއް ފަށައިގެން ކިޔަނީއެވެ