radheef.info
ރަދީފު


ހަދަ
ނ )ސ ( ފުފޭ
އޮޅު
ނ (1) ބޭރުރަށްރަށުގައި އޮޑިދޯނި ފަހަރަށް ވަދެވޭނޭހެން ހުންނަ ފުންތަންތަން. (2) ފަޅުތެރޭގައި އުނިޔަވައްދާން ފުންކޮށްފައި ހުންނަ ވަޅު. (3) ބޮނބިފައުކުރާން އެއްގަމުގައި ހަދައިފައިހުންނަ ތަންތަން. (4) އަލަ އިންދުމަށްޓަކާ އަޑިކޮށް ހަދައިފައި ހުންނަބިން. (5) ދެއެއްޗެއްކައިރި ކުރުމަށްޓަކައި ބާރުލާން ދަނޑިގަނޑެއްލައްވައިގެން އަނބުރައި ބާރުކޮށްފައި ހުންނަ ރޯނުގަނޑު ނުވަތަ މާރުގަނޑު (6) ވަގުކަމާއި ސިހުންފިލައި ގާތްވެފައިވުން
އޮޅުންސުވާލި
ނ (1) ބޭހުގެ ބާވަތެއް މިއީ ވަކިފޫފާޑަށް އެޔަށްވުރެ ތަންކޮޅެއް ދިގުކޮށް ދަށްފަށަށް އޮޅިފައި ހުންނަ ތޮޅިއެއް (2) އޮޅުން ސުވާލީގެ ސިފައިގައި ފުށުންހަދައި ތެލުލައިފައި ހުންނަފޮނިކާއެއްޗެއް
އޮޑާ
ނ ވަޑާންކުރާން ގެންގުޅޭ އާލަތެއް. މިއީ އުދަލިހެން ދަނޑިއިންދަން ހަދައިފައި ހުންނަ އެއްޗެކެވެ. މީގެ ތިލަ ހުންނާނީ އުދަލި ތިލައަށްވުރެ ހިމަ ދިގުކޮށް ބޯކޮށް އެތެރެއަށް ގޮނިކޮށް އަދި މިޔަވެސް އަޅާފައެވެ. އޮޑައަކަށްވާނީ މިތިލައިގައި ދަނޑި އިންދީމާއެވެ
އޮޑިހަނު
ނ ބޭސްފަދަ އެއްޗެހި ގޭނުމަށްޓަކައި ކުރަދާއި ލާއިން އޮޑިބުރަށް ހަދައިފައި ހުންނަ ހަނެއް މިހަނު ވަށްކޮށްވެސް ހުރެއެވެ
އޮޑިފަހަރު
ނ ރިޔާނަގަން ހަދައިފައި ހުންނަ ފުރާދުއްވާ އެއްޗެތި
އޮޑިތާންކަލޭގެރައިވަރު
ނ (1) އޮޑިތާންކަލޭގެ ހަދައިފައިހުރި ކަމަށްބުނާ ރައިވަރު މަޖާޒު: (2) ބަނޑުވައް އަކުރުވެސް އަދި ނިމޭ އަކުރުވެސް އެއްގޮތްނުކޮށް ހަދާފައި ހުންނަ ރައިވަރާއި ޅެން
އޯޑި
ނ )ޏ ( ބޮޑެތިއުނބުން ހަދައިފައިހުންނަ ނާށިގަނޑު
ވަށިގަނޑު
ނ (1) ކަރުދާސް ފަދަ ތަކެތި އަޅާން ލިޔާމޭޒު ކައިރީގައި ބަހައްޓާ ވަށި (2) ހަނޑޫ ކަނޑާ ވަނެއްގެ ސިފައިގައި ތިރިކޮށް އެއްތެލުން ހަދައިގެން އިށީންނަން ގެންގުޅޭ އެއްޗެއް (3) ބާވެފައި ހުންނަ ވަށި
ވަނޮޅު
ނ އޮޑިދޯނިފަހަރުގައި ކުނބުޖަހަން ހަދައިފައި ހުންނަ ތަން
ވަން
ނ (1) އެއްޗެތި އަޅައިގެން ތަޅާން ލަކުޑީން ނުވަތަ މައުދަނުން ހަދައިފައި ހުންނަ އެއްޗެއް މިސާލު: ހަނޑޫ ކަނޑާ ވަން ހަވާދު ތަޅާވަން (2) ހަނޑުލާއި ކާށި ހުންޏާ އެއްކޮށް ފުޑައިގެން ހަނޑޫ ކަނޑާ ވަނެއްގެ ސިފައިގައި ހަދައިގެން ތެލުލާ ހެދިކާ އެއްޗެއް (3) ގުޅަ ހަދާއިރު މަސްއަޅާން ވަންބުރިއެއްގެ ސިފައިގައި ފުށުން ހަދައިފައި ހުންނަ އެއްޗެއް (4) "ވަނުން" މިބަހުގެ ނިމިނިމުނުކަން (5) ބދ އުރުން
ވަރުވާއުނބު
ނ ވިރިކެކޭ ތަކެތި އަލިފާނުން ވިރުވާން ހަދައިފައި ހުންނަ އުނބު
ވަޅިފަންކޮށުން
މ ރޯފަނުން ބާވަތްބާވަތުގެ ތަކެތި ތަފާތު ރީތި ގޮތް ގޮތަށް ހަދައި އެލުވުން މިއީ މެހްމާނުންނަށް މާތްކޮށް ހިތައި ޢިއްޒަތް ދިނުމުގެ ގޮތުން ތަންތަން ޒީނަތްތެރި ކުރުމަށް ކުރާކަމެކެވެ
ވަޅުބެހެއްޓުން
މ (1) ގަލުން ކީހާކޮށައިގެން ވަޅެއް ހަދައި ފެންގަނޑުގެ ތެރެއަށް ފެއްތުން (2) ފިލައިން ނުވަތަ ޓިނުފަދަ އެއްޗަކުން ފީފާއެއްގެ ސިފައިގައި ހަދައި ފެންގަނޑުގެ ތެރެއަށް ފެއްތުން (3) ކުދިގަލުން ސިމެންތި އެއްކޮށްގެން ނުވަތަ އުވަޔާއި ސިމެންތިޔާ މިދެބައި އެއްކޮށްގެން ތާނގީ ބުރިއެއްގެ ސިފައިގައި ރާނައި ދެފަރާތުގައި އުވަ ނުވަތަ ސިމެންތިއާއި އުވަ އެއްކޮށްގެން ޖަހައި ފެންގަނޑުގެ ތެރެއަށް ފެއްތުން
ވަޅުގަނޑުވަރު
ނ ބިމުއަޑީގައި ހަދައިފައި ހުންނަ ސިއްރިއްޔާތުގެ ގެކޮޅު މިއީ އިހުގައި ބައެއް ރަސްދަރިކަނބަލުން ފަދަ ބޭފުޅުން އުޅުއްވަން ބިމުއަޑީގައި ހެއްދެވިކަމަށް ބުނެވޭ ޚާއްޞަ ތަންތަނަށް ދީފައިވާ ނަމެކެވެ
ވަކަދަނޑި
ނ (1) އެކިވަރުގެ ނަނު ނުވަތަ ވާ އަޅާން ވަކަނަގަން ގަސްގަހުން ކަނޑާދަނޑި. މިކަމަށް ބޮޑަށް ބޭނުންކުރާނީ ދިއްގާގަހުގެ ދަނޑިއެވެ. (2) މުރަނަކަންނެތް ގޮތްގޮތަށް ލަބާ ހަދަން ފަސޭހަ ރޯދަނޑި
ވަކި
ނ (1) ގޮވާމުގެ އޮއްޓަރު (2) ބައެއްގަސްގަހުގައި އަޅާ ކުދި ތަކެތި (3) މިނިކާ ނުވަތަ އަތްފައިން ޝިކާރަކުރާ ޖަނަވާރުގެ ނިޔަފަތި (4) އޮށްވަޅު ކުޅޭއިރު ހިލާވަޅުގެ ކުރީވަޅުގައި އޮންނަފުށް (5) ގުޅުން ކެނޑިގެން ނުވަތަ މެދުކެނޑިގެންވާ ދުރު (6) އެއްޗެހިތަކެއްގެ ތެރެއިން ކޮންމެވެސް އެއްޗެއް އެހެނިހެން އެއްޗިއްސާ ކުރެވޭ ތަފާތު (7) އެކަހެރި (8) )މކ( މިޔަރުގެ ފީކަރުގައި ބައްދާން ގެންގުޅޭ ރޯނުންހަދައިފައި އޮންނަމަޅި
ވައިހޮޅި
ނ (1) ވައިވައްދާ ނެރެވޭގޮތަށް ބޭނުންކުރާން ހަދައިފައި ހުންނަ ހޮޅި. (2) އިރުވައިގައި މަޑި ގުޑި ފަދައިން އިލޮށިން ނުވަތަ އޮނުން ހަދައި ކަރުދާސްތަތްކޮށްގެން އެއްލާ އެއްޗެއް މިއޮންނާނީ އެކިފަލަ މިނުގައި ހޮޅިބުރިއެއް ހެންނެވެ ދެކޮޅު ނުބެދިއެވެ މިޔަށް ބެރު އޮނިވެސް ކިޔައެވެ
ވައިރު
ނ (1) އިލެކްޓްރިކް ކަރަންޓް ދަތުރު ކުރުމަށާއި މުވާޞަލާތުގެ ވަޞީލަތްތަކަށް ބޭނުންކުރާ ހިމަނަރު (2) މަޢުދަނަކުން ހަދައިފައިވާ ހިމަނަރު (3) ވަލެއްގެ ގޮތަށް ދަގަނޑު ނަރުން އަޅައިފައި ހުންނަ އެއްޗެހި
ވައިބަލާ ފަތްގަނޑު
ނ ވައިހިނގާގޮތް ބެލުމަށް ނިވާކަނޑުގައި މައްޗަށް އުފުލައިގެން ބޭނުންކުރާ ބުރަފައްޗެއް ނުވަތަ ވަށާ އެނބުރޭނެހެން ހަދައިފައި ހުންނަ ދަފަތެއް
ވައިބުރަފަތި
ނ ވައިން އެނބުރޭގޮތަށް ހަދައިފައި ހުންނަ ބުރަފަތި