radheef.info
ރަދީފު


ހަކަ
ނ (1) ތާކުންތާކުނުޖެހޭ ވާހަކަ. (2) )ސ.( ހާޑުހައްފަދަ ކޮންމެ އެއްޗެއް. (3) )އ.ކ.( ވަރަށް ތަންކޮޅެއް
ފަރިތަކަން
ނއނ (1) ފަސޭހަކަމާއެކު ކަންކަން ކޮށްލެވޭގޮތް ހުންނަކަން (2) ކަމެއް ރަނގަޅަށް ދަންނަކަން (3) ތަނެއް ރަނގަޅަށް ދަންނަކަން (4) ދެކެ ރަޙުމަތްތެރިވެފައިވާކަން (5) "ފަރިތަ" މިބަހުގެ ނަންއިތުރުގެނަން
ފަރިތަވުން
މ (1) ފަސޭހަކަމާއެކު ކަންކަން ކޮށްލެވުން (2) ތަނެއް ރަނގަޅަށް ދަތުން (3) ކަމެއް ރަނގަޅަށް ދަތުން (4) ދެކެ ރަޙްމަތްތެރިވެފައިވުން
ފަބިއައްޔީގައިޖެހުން
ނ މިސާލު: ވާހަކައެއް ދައްކާއިރު ތިމާ ނުވަތަ އަނެކަކު އާދަވެގެން ކުރާ ކަމެއްގެ ވާހަކަ ބުނެވުނީމާ ބުނާ ބަހެއް
ފައިކިޔުން
މ ސުންޕާކަމަށް ބުނުން މިސާލު: ތިޔަގޯއްޗަކީ ފައި ކިޔާފައި އޮންނަ ގޯއްޗެކެވެ ތިޔަތާކު މީހަކަށް ނުއުޅެވޭނެއެވެ
ފަތުރައިލުން
ނ (1) ހާމަކޮށްލުން. (2) މަޢުލޫމާތު ޢާއްމުކޮށްލުން. (3) ތަރަފާލު ކުނާ ސާންތި ފަދަ އެއްޗެއް ތަނެއްގައި އަޅައިލުން. (4) ފޮތި ފަދަ އެއްޗެއް ތަނެއްގައި ނިއުޅައިލައިފައި ބަހައްޓައިލުން ނުވަތަ ތަނެއްގައި ބާއްވާލައި ނިއުޅައިލުން (5) ރޭޑިޔޯގެ ޒަރީޢާއިން ދުރަށް އަޑުފޮނުވައިލުން (6) ފުންޏަކަށް ހުންނަ އެއްޗެއް ދުރަށް ބެހިގެން ދާނޭގޮތް ހަދައިލުން (7) ފަތުގައި ބޭސްހާކައިލުން (8) ނޫސްޖަހައިލުން (9) ތުންތުންމަތިން ވާހަކަ ނަގުލު ކޮށްލުން )01( ބައެއްކަހަލަ ކަންތަކާއި ބައެއްކަހަލަ ތަކެތި ގިނަވާނެގޮތް ހަދައިލުން
ފަތްކޮޅު
ނ (1) ވަކިފެންވަރެއްގެ މަޤާމުތަކަށް އިސްކުރައްވާ ފަރާތްތަކަށް ވަޒީފާ ދެއްވިކަން އެންގެވުމުގެ ގޮތުން ދައުލަތުން ދެއްވާ ލިއުން. މިސާލު: އަތޮޅުވެރިކަމުގެ ފަތްކޮޅު. ވަޒީރުކަމުގެ ފަތްކޮޅު ސަފީރުކަމުގެ ފަތްކޮޅު (2) ޤައުމެއްގެ އިސްވެރިޔަކު އެދަރަޖައިގެ ވެރިޔަކަށް ނުވަތަ އެއަށްވުރެ ދަށުގެ މީހަކަށް ފޮނުއްވާ ރަސްމީ އެންގެވުން (3) ގަސްގަހުގެ ފަތުގެ މިންވަރެއް (4) މަޖާޒު: ބޮލުގައި މަދުން ހުންނަ އިސްތަށި
ފަލަހަ
ނ )ޏ ( ކައްކާ އެއްޗެއްސަށް އަޅާ މައިގަނޑު ބާވަތް މިސާލު: ކަށިކޭލުމެޓާ ހިލާއިރު އަޅާކަށިކެޔޮ ތަރުކާރީ ރިހަކައްކާއިރު އަޅާ ތަރުކާރީ
ފަލީތާލުން
މ (1) ފަލީތާ ހަރުކުރުން ނުވަތަ ގުޅުން (2) މަޖާޒު: ކަމެއް ކުރުމަށްޓަކައި މީހަކާ ނުވަތަ ބަޔަކު މީހުންނާ ގުޅައިގެން އެކަމެއްވޭތޯ ބަލަން އެތަނަކަށް ގިނަގިނައިން ގޮސް އުޅުން (3) ކަމެއް ނުބައި ކުރުމަށް މީހެއްގެ ގާތުގައި ވާހަކަތަކެއް ދައްކައިފައި ނުދެނުހުރި ކަމަށް ހަދައިގެން ހުރުން
ފަސްވަނަ
ނއ (1) ފަހަކަށްވާ (2) ފަސްވަނައަށްވާ
ފަސްމައިގަނޑުވިޔަ
ނ ހިސާބު ހެދުމުގައި ބޭނުންކުރާ ގޮތަކަށް ކިޔާނަމެއް. މިސާލު: ހަތަރު މީހަކަށް ހަތަރު ދުވަހަކުން ދުއިސައްތަ ރުފިޔާ ލިބޭނަމަ ފަސްމީހަކަށް ދެދުވަހުން ލިބޭނީ ކިހާވަރެއްތޯ ބަލަން ކުރާ ހިސާބު
ފަސްމާވަގު
ނ (1) ފުލޯކު ވާހަކައިގައި ކިޔާ ފަސްމާމުލުންގެ ފަސްވަގުންގެ ތެރެއިން އެކަކު (2) ބޮޑުވަގު (3) މަޖާޒު: ނުލަފާކަން އިންތިހާޔަށް ގޮސްފައިވާ މީހާ
ފަސްމާމުލުންގެ ފަސްވަގު
ނ ފުލޯކު ވާހަކައިގައި ކިޔާ ވަގުންގެ ޕާޓީއެއް މިއީ ފަސްމީހުންނެވެ
ފަސްމުގޫދިނުން
މ މަޖާޒު: ކަމެއް ކުރާއިރު އެކަމެއް ކުރުމުގެ ހުރިހާ ބާރެއް ވަކި މީހަކަށް ދިނުން
ފާހަގަކުރުން
މ (1) ވަކިތަނެއް ވަކިކޮށް ދެނެގަތުމަށްޓަކައި ނިޝާނެއް ޖެހުން (2) ތަންތާނގެ އިން ވަކިކުރުމަށް އެއްޗެހި ޖެހުން (3) ވަކިތަނެއް ދެނެގަތުމަށްޓަކައި ފޮތެއް ފަދަ އެއްޗަކަށް އެތިކޮޅެއްލުން (4) ވަކި ބޭނުމަކަށްޓަކައި ވަކިކަމަކަށް ނުވަތަ އެއްޗަކަށް ނުވަތަ މީހަކަށް ސަމާލުކަންދީ ހިތުގައި ބޭއްވުން (5) ވަކި ކަމެއްގެ ނުވަތަ ވަކި ދުވަހެއްގެ ހަނދާން ދިރުވުން
ފާރިސީ
ނ (1) ފާރިސްކަރައިގެ މީހުން ވާހަކަދައްކައިއުޅޭ ބަހުގެ ނަން (2) )ނއ ( ފާރިސްކަރަޔަށް ނިސްބަތްވާ
ފާތިޙާޔަށްނަންގަތުން
މ ފާތިޙާ ދުވަހު ފާތިޙާޔަށް ކެއްކޭގޮތް ނުވީމާ ސައިފޮދެއް ދީގެން ނަމަވެސް މީހަކުލައްވައި ފާތިޙާ ކިޔަވައިފައި ދެން ފާތިޙާޔަށް ކެއްކޭ ދުވަހަކަށް ފަސްކުރުން
ފުޅާ
ނ (1) އެއްޗެއްގެ ހުރަސްމިން. (2) ހަނީގެ އިދިކޮޅު. (3) ފުރޮޅު ފަދަ އެއްޗެހީގައި ހުންނަ އޮރިކަން. (4) މަޖާޒު: ތަނަވަސް މިސާލު: މިއީ ވަރަށް ފުޅާ )ތަނަވަސް( ދާއިރާއެއްގައި ވާހަކަ ދެކެވިދާނެ މައިގަނޑު ނަމެކެވެ
ފެންފަރިއްކޮޅު
ނ އިހުގައި ބޭފުޅުންނަށް މާތްކޮށް ހިތުމުގެ ގޮތުން ވާހަކަ ދައްކާއިރު ފެންފޮދުގެ ބަދަލުގައި ބުނެއުޅޭ ބަހެއް
ފޮޑަރު
ނ (1) ކުޑަކުދިންނަށް ކިޔައިދީ އުޅޭ ވާހަކައެއްގައި އަންނަ ދޫންޏެއް (2) ކަންނެތްމީހާ
ދެންނެވުން
މ (1) އެންމެމާތްކޮށް މުޚާޠަބުކޮށް ވާހަކަ ދައްކަންޖެހޭ ފަރާތެއްގައި އެއްޗެއް ބުނުން )ނ ( (2) ގިނަފަރާތްތަކަކަށް ކަމެއް އެންގުމުގެ ގޮތުން ފޮނުވާ ނުވަތަ ބަހައްޓާލިޔުމަކަށް ކިޔާނަމެއް (3) ސަރުކާރުގެ އޮފީސްތަކުން ޗާޕުކުރައްވައިފައި ނެރުއްވާ އެންގުމެއް