radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ދަމާލުން
މ (1) ހިފައިވާންކޮށްލުން (2) ވަސްއެތެރެއަށް ގެންދިއުން މިސާލު: ނެވާ އެތެރެއަށް ދަމައިލުން (3) ދިޔާ އެއްޗެއް ކުއްލިއަކަށް ބޮއިލުން (4) އެއްޗެއްގައި ތުންޖަހައި އެތެރެއަށް ދާނެގޮތްހެދުން މިސާލު: ދުންގަނޑު ދަމައިލުން (5) ހަށިގަނޑުގެ ގުނަވަނެއް އޭގެ ހަމަމިނަށް ތެދުކޮށްލުން މިސާލު: ހިންދަމައިލުން (6) ގާތަށް ލަފައިލުން (7) ދެމުން މިބަސްލުއިކޮށް ބުނާގޮތް
ދަމުނަމާދު
ނ ތަހައްޖުދުނަމާދު
ދަމުރޭ
ނ (1) ދަމަށްދާމީހާއަށް ދާންޖެހޭރޭ (2) ފޯރީރޭ
ދަމުކުޅި
ނ ކުޅުދުއްފުށީމީހުން ކުޅޭ ކުޅިވަރެއް. މިއީ ތަފާތު ވައްތަރު ވައްތަރުގެ މާލިހެދުން އަޅައިގެން ނަށައިފައިކުޅޭ ކުޅިވަރެކެވެ. މިކުޅިވަރު ކުޅެނީ ޙައްޖުމަހުގެ ތޭރަ ސާދަ ފަނަރަ މިތިންރޭގައެވެ މިކުޅިވަރަށް " ދަނމުހިނގުން" މިހެންވެސް ކިޔައެވެ
ދަމުކޭން
ނ ބޮޑުމާލޫދު ކިޔައިއުޅުނު ޒަމާނުގައި މާލޫދުކިޔާ މީހުންނަށް ކައްކައިއުޅުނު ކޭމެއް ރާއްޖޭގައި އެކިހިސާބުގައި މިކޭން ކައިއުޅުނީ އެކިގަޑީގައެވެ އުތުރުގައި މިކޭންކަނީ މެންދުރުއެވެ މާލެއާއި މެދުރާއްޖެތެރޭގެ ބައެއް އަތޮޅުގައި ދަންވަރުއެވެ ދެކުނުގެ ބައެއް އަތޮޅުތަކުގައި ފަތިސް ނަމާދަށް ފަހުގައެވެ
ދަފަރާކުރުން
މ (1) އުނދަގުލެއް ފިލުވުން (2) ކަމަކުން ރައްކާތެރިކުރުން (3) ޖެހިގެން އުޅޭ ދަތިކަމެއް ފިލުވައިލުން
ދަފަރާވުން
މ (1) އުނދަގުލެއް ފިލުން (2) ކަމަކުން ރައްކާތެރިވުން (3) ޖެހިގެންއުޅޭ ދަތިކަމެއް ފިލުން
ދަފާ
ނ (1) ސަލާމަތް (2) މިންޖު (3) އެއްކިބާ
ދަދުނެގުން
މ ދަދުޖެހުން
ދަތިގަނޑު
ނ )ހ ( ބޮލުގައި ޖަހާ ދައްޗާއި ބުރުގާގައި ޖަހާ ދައްޗަށް ބައެއްމީހުން ކިޔާގޮތެއް
ދަތުރުކުރުން
މ (1) ތިމާހުރިތަންނޫން އެހެން ތަނަކަށް ކަނޑުމަގުން ނުވަތަ އެއްގަމުމަގުން އައިސްގޮސްވުން (2) މީހަކު ނުވަތަ އެއްޗެއް އެއްތަނުން އަނެއް ތަނަށް ދިއުން މިސާލު: )ހ( އަލިދަތުރުކުރުން )ށ( އަޑުދަތުރުކުރުން (3) މަޖާޒު: ހިނގަމުން ނުވަތަ ދައުރުވަމުން ދިއުން މިސާލު: )ހ( ދުނިޔެ ދަތުރުކުރަމުންދާއިރު )ށ( ޚިޔާލު ދަތުރުކުރުން
ދަތުރުޖެހުން
މ (1) ބަންޑާރަ ދަތުރަކުދާން ޖެހުން (2) މަޖާޒު: މަރުގާތްވުން
ދަތުވާ
ނ ލޮތާރި ނުވަތަ ނަގިލިނަގަން ފަސޭހަކުރުމަށް އެތަކެތީގެ ދަތުގައިޖަހާވާ ދަތުވާ ޖަހާނީ ގާހުންނަ ތަންތަނަށް ލޮތާރި ނުވަތަ ނަގިލިލާއިރުއެވެ މިކަންކުރާ ގޮތަކީ ވަލެއްގެ އެއްކޮޅު ލޮތާރި ނުވަތަ ނަގިލީގެ ދަތުގައި ބައްދައިފައި އަނެއްކޮޅުގައި ފެންމައްޗަށް އަރާކަހަލަ ލަކުޑިގަނޑެއް ނުވަތަ ބޮޔެއް ހަރުކޮށްފައި ދޫކޮށްލަނީއެވެ
ދަތުމިރި
ނ (1) ދަތްތައް ސާފުނުކުރުމުގެ ސަބަބުން ދަތުބުޑުގައި ހެދޭ ހަރު ތޮށިފަށް (2) ދަތުގައިޖަހާ ފޮރި
ދަތްކުނޑިވިކުން
މ ރުޅިއައިސްގެން ދެދަތްޕިލާ ޖައްސައި ބާރުކުރުން
ދަތްކެނޑުން
މ ހަނުގައި ޖައްސައިގެން ދަތްތަކުގެ ކޮޅު އެއްވަރުކުރުން
ދަތްކޮޅު
ނ (1) ދޮރުފަދަ ތަކެތި ޖަހާއިރު އޮޅީގެ ތެރެއަށް ވެއްދުމަށް ކަނިން ކަނޑައިފައި ހުންނަތަން (2) ކޮރުވަޅަށް ފެއްތުމަށްޓަކައި މެއްލައިގެ ކޮޅުން ކަނޑައިފައި ހުންނަތަން (3) ދަތަށް ގިނަކޮށްބުނާގޮތް
ދަތްކޮޅުދާވަރުވުން
މ މަޖާޒު: މާބޮޑަށް ރުޅި އައުމުން ބުނެ އުޅޭ ބަހެއް
ދަތްވިދުރި
ނ ދަތަށްޖެހޭ ބައްޔެއް މިބަލި ޖެހުނީމާ ހިރުގަނޑު ގިރި ދޮސްގަނެ ދަތުގައި ރިއްސައި ދަތްތައްމުޅިން ހަލާކުވަނީއެވެ މިއީ ފަސޭހަކުރަން އުނދަގޫ ބައްޔެކެވެ
ދަތްގަނޑު
ނ (1) ޖައްރާފުގައި ފަސްނެގުމަށް ހުންނަ އެތި. (2) ތަންތަން ކޮނުމަށް ކުރޭނުގައި ހުންނަބައި. (3) ފަހާފޮށިން ފަހާއިރު ފޮތިގަނޑު ހިފެހެއްޓުމަށް ބޭނުންކުރާބައި. (4) ބަރަވެއްޔާއި ކަކުންޏާއި ނަގުލަންދާށި ފަދަތަކެތީގައި ހަނޑަހެއްގެ ސިފައިގައި ހުންނަދަތް