radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
އަލަގަނޑުބަދަލި
ނ އަލަގަނޑެއްގެ އެތެރެކޮނެ ބޭސްއަޅައި ފޮޅިކޮށްގެން ހަދާ ބަދަލި
އަލާކެނޑުން
މ (1) ބޭނުން ފުދުން (2) "އަލާ" ބަލާ! (3) މަޖާޒު: މީހަކު ކަމެއްކުރަން އުޅެގެން އެކަމުން ދެރައެއް ލިބުނީމާ ބުނާގޮތެއް މިސާލު: މިހާރު ހުންނާނީ އަލާކެނޑިފައެވެ
އަލާއެދުރު
މ (1) ކަންތައްކުރާއިރު މަޖާއައުން (2) ޝަހުވާނީއެދުމުގައި ފޯރިއައުން
އަލިހަނޑޫބަނޑަށްދިނުން
މަޖާޒު: ތަކެތި ހުސްވެގެންގޮސް ބޭނުންނުކޮށް ރައްކައުކޮށްފައި ހުންނަ އެއްޗެހި ނަގައި ގެންގުޅޭންޖެހުން
އަލިހަވާސާ
ނއ (1) ނުހަނު ސާފުކޮށް އަލިކޮށް އޮންނަ ތަނަވަސް މިބަސް ބުނެއުޅެނީ ތަންތަނާ ނިސްބަތްކޮށްގެންނެވެ ނ (2) ފަންޑިތަ ހެދުމުގެ ތެރޭގައި ކިޔަވާ ދުޢާއެއްގެ ނަން
އަލިހޮޅި
ނ ބަޑިބޭހުން ހަދާ ކުޅިވަރުގެ އެއްޗެއް މިއީކަރުދާހުން ހޮޅިއެއްހަދައި އެތެރެއަށް ބަޑިބޭސް އަޅައިގެން އަތުން ހިފަހައްޓައިގެން ރޯކުރާވަރަށް އަލިގަދަ އެއްޗެކެވެ
އަލިނަރު
ނ ބަޑިބޭހު ކުޅިވަރުތެރޭގައި ގެންގުޅޭ ރޯކުރީމާ ރީތިހުދު އައްޔެއްވާ ހިމަނަރެއް މީގެ ދެބާވަތެއް ހުރެއެވެ އެއީ މާޖަހާނަރާއި މާނުޖަހާނަރެވެ މާޖަހާނަރު ހުންނާނީ ނަރުފަށެއްގެ އެއްބުރީގައި ބަޑިބޭސް ލާފައެވެ މާނުޖަހާ ނަރުހުންނާނީ ބާދަލާފަށެއް ހެންނެވެ
އަލިކުރުން
މ (1) ދިއްލުން (2) އަލިވާގޮތް ހެދުން (3) އަލިއެޅުވުން
އަލިމަނިކު
ނ ނިޔަމިކަމުގެފޮތެއް މިފޮތަށް އިނގިރޭސި ބަހުންކިޔަނީ "އަލްމަނަކް" އެވެ
އަލިމަސް
ނ ހުދުކުލައިގައި ހުންނަ ޖަވާހިރެއް ޖަވާހިރުގެ ތެރެއިން އެންމެ ހަރު އެންމެ ދަޅަގަދަ ބާވަތަކީމިއެވެ
އަލިމަސްކަށި
ނ ބިއްލޫރި ކަފާން ގެންގުޅޭ ކައްޓެއް ބިއްލޫރިކެފެނީ މީގެކޮޅުގައި ހުންނަ އަލިމަސް ކުލައިގެ ވަރަށް ހަރު އެތިކޮޅަކުންނެވެ
އަލިފާނާކުޅުން
މ ބޭނުމެއްނެތި އަލިފާން ގެންގުޅެ އެއްޗެތީގައި ރޯކޮށްހެދުން
އަލިފާނޯތް
ނ (1) ތާކު އަލިފާން ޖެހިގެން ނުވަތަ މީހަކަށް މީހަކު ހާނީއްކަކުރާތީ މީސްތަކުންނަށް އެންގުމަށްގޮވާ ގޮވުމެއް (2) ކުއްލިއަކަށް ޖެހޭނުރައްކަލެއްގައި މީހުންނަށް ގޮވާލާގޮވުމެއް
އަލިފާން
ނ (1) ގިނި. (2) އެންދުމުގެ ބާރުގަދަ މަޝްހޫރު އެއްޗެއް. (3) އެނދުމާ ފިހުމާ ރޯވުމުގެ ބާރު ހުންނަ އަލިކަމާ ހޫނުކަން އުފައްދާ މަޝްހޫރު މާއްދާ. (4) އެއްޗެއްގައި ރޯވުމުން އުފެދޭ އައްޔާއިހޫނު (5) އެއްޗެހީގައި ރޯވާ ބާރު
އަލިފާންރޮދި
ނ ގިންނޯށި މިއަށް ބައެއްމީހުން ގިނިރޮދިވެސް ކިއައެވެ
އަލިފާންބެރު
ނ އިހުގައި ތަންތާ އަލިފާން ރޯވީމާ އެކަން މީސްތަކުންނަށް އަންގާން ނާބުސްޚާނުން ޖަހާބެރު
އަލިފާންކެނޑުން
މ ދެއެއްޗެއް ޖެހުމުގެ ސަބަބުން އަލިފާން އުފެއްދުން
އަލިފާންއާވި
ނ ރޯވުމެއް ހޫނުވުމެއްނެތި ފިހުމާއި އެނދުމުގެ ބާރު ހުންނަ ދިޔާއެއްޗެއް. މިއީ ކައްސަނދުވާނި ބާރޯޒް އަދިވެސް މިބާވަތުގެ މަޢުދަނީ އެއްޗެހީން ނަގާއެއްޗެކެވެ
އަލިފާންއެޅުން
މ (1) ދެއެއްޗެއް ޖައްސައިގެން ނުވަތަ ބިއްލޫރި ގަނޑަކުން އިރުގެދަޅަ އެއްޗަކަށް އަޅުވައިގެން އަލިފާން ރޯވާގޮތްހެދުން (2) ހޫނު އުހައްދައިގެން އަލިފާން ރޯވާގޮތްހެދުން
އަލިފާންވުން
މ (1) އެއްޗެއް އަނދައިގެން އަލިފާނަށްވުން (2) މަޖާޒު: މާގަދައަށް ރުޅިއައުން