radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ފާޅަގަނޑު
ނ (1) ކުނި ނަގަން ފާޅައިން ހަދާފައި ހުންނަ އެތި (2) ކުޑަކުދީން ބާއްވަން ފާޅައިން ހަދައިފައި ހުންނަ އެތި
ފާޅު ކޮށްދިނުން
މ (1) ކުރިން އެނގިފައި ނުވާ ކަމެއް ޢާންމުކޮށްލައި ދިނުން (2) އެހެން މީހުންނަށް އެނގޭ ގޮތް ހަދައިދިނުން (3) ހާމަވާނެ ގޮތް ހެދުން (4) ތަނެއް ނުވަތަ އެއްޗެއް ފެންނަ ގޮތް ހެދުން
ފާޅުކުރުން
މ (1) ކުރިން އެނގިފައިނުވާ ކަމެއް ޢާއްމު ކުރުން (2) އެހެން މީހުންނަށް އެނގޭ ގޮތް ހެދުން (3) ކަޝްފު ކުރުން (4) ހާމަކުރުން
ފާކުރުން
މ (1) ވަކިވަރަކަށް ދޮންވެފައި ހުންނަމޭވާ ފައްކާވެގެން މަޑުވާނެ ގޮތް ހެދުން (2) ބަނބުކެޔޮ ވަޅުލައިގެން މަޑުވާގޮތް ހެދުން (3) ކެކުރި ފިތައިގެން މަޑުވާގޮތް ހެދުން (4) ދަނޑި ފަދަ އެއްޗެހި މޫދު އަޅައިގެން ތޮށި މަޑުކުރުން (5) އޮޅުގައި ނުވަތަ މޫދުގައި އަޅައިގެން ބޮނބި މަޑުކުރުން (6) މަޖާޒު: ތިމާކުރަންޖެހޭ ކަމެއް ބޮލުން ނައްޓައިލައިގެން އަނެކެއްގެ ބޮލުގައި އެޅުވުން (7) އުނދަގުލެއް ޖެއްސުން
ފާކެޔޮ
ނ ދޮންވެ ފައްކާ ވެގެންގޮސް މަޑުވެފައި ހުންނަ ބަނބުކެޔޮ
ފާއްދައިލުން
މ (1) އަލިކަމެއް ފާޅުވުން (2) ނިވަލެއްގެ ތެރެއިން ހާމަވުން (3) ދިޔާ އެއްޗެއްގެ ތެރޭގައި ހުންނަ އޮލަ ހިމުން ބައި އަޑިއަށް ފޮނުވައިލުން (4) )ހ ( އެއްޗެއްގެ ތެރޭގައި ހުންނަ ރަނގަޅު ނުވަތަ ކުދި ބޮޑު ވަކި ކޮށްލުން (5) ނީރާލުން
ފާފަވެރިން
މ (1) އުރެދޭ މީހުން (2) ދީނުގައި މަނާކުރައްވައިފައިވާ ކުށްކުރާ މީހުން
ފާފުކަޖެހުން
މ )ޏ ( ފާހަގަޖެހުން
ފާދަ
ނ (1) އުފުލި (2) )ޏ ސ ( ކަނދި ނުވަދަ ފަނި ފަދަ ތަކެއްޗަށް އެޅުމަށް ފުށުން ހަދައިފައި ހުންނަ ފޯލި
ފާތިހާރުއް
ނ (1) އިހު ޒަމާނުގައި މީހުން މަރުވީމާ އެމީހުންގެ ޢާއިލާގެ ފަރާތުން އެމީހާ ވަޅުލި މިސްކިތުގެ ނަމަށް ނިސްބަތްކޮށް އެމިސްކިތަށް ހަދިޔާ ކުރާ ރުއް (2) ކަށަވަތުރުއް
ފާތިޙާ
ނ މަރުވެފައި ތިބޭ މީހުންނަށް ރަޙުމަތް ލެއްވުމަށް އެދި ކުރާ ހެޔޮދުޢާ
ފާތިޙާކިޔެވުން
މ މަރުވެފައިވާ މީހުންނަށް ރަޙުމަތްލެއްވުންއެދި ހެޔޮ ދުޢާކުރުން
ފާތިޙާފަރީއްކޮޅު
ނ ވަލީވެރިންނަށް ފާތިޙާ ކިޔެވުމަށްޓަކައި ތައްޔާރުކޮށްފައި ހުންނަ ފަރީއްކޮޅު
ފާތިޙާދުވަސް
ނ މީހުން މަރުވެގެން ވަޅުލާދުވަސް ނުވަތަ މަރުވިދުވަސް
ފާތިޙާތަށީގެފެންޖެހުން
މ އިހުގައި ފާތިޙާ ކިޔަވާއިރު "ޔަރުޙަމުއްﷲހުއްމަ" ދުޢާ ކިޔަން އަތްނެގީމާ ފާތިޙާޔަށް އަޅާފައި ހުންނަ ތަށީގައި ބަތްހުރިނަމަ އެބަތް އަވަހަށް ހުސްކޮށްލައިފައި އެތަށި ނުދޮވެ އެތައްޓަށް ފެންފޮދެއް އަޅައިފައި ބޮޑުއަށި ތަންދޮށަށާއި ގޯތިތެރެޔަށް އުކައިލުން މިހެން ހަދާނީ ތިން ފަހަރުއެވެ
ފާތެލި
ނ ފަޗިސް ނުވަތަ ގޮޓި ކުޅޭއިރު ފޮތިގަނޑުގައި ހުންނަ ގޮޅިއެއް މި ގޮޅިޔަކީ ގެޔާ އެންމެ ކައިރިޔަށް ހުންނަ އެމީހެއްގެ ކަނޑުން މެދުއޮޅިއެވެ
ފާލަން
ނ (1) ފުރާ ދުއްވާ އެއްޗެހި ގާތްކޮށް މީހުން އަރާ ފޭބުމަށާއި މުދައު އަރުވައި ބޭލުމަށް ގޮނޑުދޮށުގައި ތަނބުޖަހައިގެން ނުވަތަ ގަލާއި ވެލި އަޅައި ހިއްކައިގެން ހަދައިފައި އޮންނަތަން (2) ދެތަނެއް ގުޅުވުމަށް ކޯރުކޯރާއި ފެންފެންގަނޑު ފަދަ ތަންތަން ހުރަސްކޮށް މީހުން ހިނގުމަށާއި އެއްޗެހި ދުއްވުމަށް ތަނބުޖަހައިގެންނާއި ހިއްކައިގެން ނުވަތަ ފަތިތަކެއް ހަނިދިގުކޮށް ގަތައި އެލުވައިގެން ހަދައިފައި ހުންނަ މަގު
ފުރޯވަޅު
ނ ރުއް ލަކުޑި ފަދަ އެއްޗެހީގައި ފުރޮއިންޖެހީމާ އެއެތި ގަނޑުން ކެނޑިފައި ހުންނަ ތަންތަން
ފުރޯދަނޑިދޫނި
ނ ތިނޯސް ދޫންޏަށްވުރެ ބޮޑުކޮށް ހަމަ އެސިފަޔަށް ހުންނަ ދޫންޏެއް
ފުރޯޖެހުން
މ (1) ރުއްގަސް ކަނޑާއިރު އާރުލާތޯ ބެލުމަށް ގަހުގައި ނުވަތަ ރުކުގައި ފުރޮއިންޖަހައި ކަނޑާނެގުން (2) ވަކަރު ޖެހުން