radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ދަނޑިދެމުން
މ މަޖާޒު: ފިރިހެނުންނާ އެޅުން
ދަނޑިގަނޑުގެދެކޮޅުއެނގުން
ގބ މަޖާޒު: ކަންކަމުގެ ހެޔޮނުބައި ވަކިކޮށް އެނގުން
ދަނޑިޔާދިއުން
މ އަތޮޅު އަތޮޅަށް ވާރުބޮލިނަގަން ދިއުން. މިކަމަށް ދަނޑިޔާދިއުމޭ ކިޔަނީ ސަރުކާރުން މިކަމަށް ފޮނުއްވާ ބަންޑާރަވެރިންނަށް ލާޖަހައިފައި އޮންނަ ދަނޑިޔެއް ދެއްވައިފައި ފޮނުއްވާތީއެވެ
ދަނޑު
ނ (1) އެއްވައްތަރެއްގެ ގަސްހައްދައިފައި ހުންނަ ތަންތަން މިސާލު: )ހ( ހަނޑޫދަނޑު )ށ( އަލަދަނޑު (2) ބައެއްކަހަލަ ކުޅިވަރުކުލޭ ބިން މިސާލު: )ހ( ބޯޅަދަނޑު )ށ( ހޮކީދަނޑު (3) މަޖާޒު: ކަމެއްގެ ދާއިރާ މިސާލު: އޭނާއަކީ ޅެންވެރިކަމުގެ ދަނޑުގައި ވަރަށް ކުރިއަރައިފައި ހުރި މީހެކެވެ
ދަނޑުބުޅި
ނ (1) )ޅ ( ދަނޑު އަލިކޮށްފައި ފަސްގަނޑު ޖަހަން އަޅާ މަށަންދައްޗެއް (2) މ ދަނޑު ކޮށައިގެން ދަނޑަށް ގޮވާންލުމަށްފަހު ދަނޑުގައި އަޅަން ގެންގުޅޭ ވައްތަރެއްގެ މަށަންދައްޗެއް
ދަނޑުބުޅިއެޅުން
މ (1) ދަނޑު އަލިކޮށްފައި ފަސްގަނޑު ޖަހަން އަޅާ މަށަންދަތި އެޅުން (2) ދަނޑަށް ގޮވާންލުމަށްފަހު ދަނޑުގައި އަޅަން ގެންގުޅޭ ވައްތަރެއްގެ މަށަންދައްޗެއް އެޅުން
ދަނަރާހި
ނ މަކަރަ ރާއްސާ ޖެހިގެން ކުރިއަށް އޮންނަ ރާހި
ދަން
ނ (1) ތިންގަޑިއިރުގެ ވަގުތު. (2) ދުވަހެއްގެ އަށްބައިކުޅަ އެއްބައި. މިސާލު: ދަމަކަށް އިރުއަރައިފިއެވެ. (3) ދިއުން މިބަހުގެ ވާކަން )ވާހަކަ ދައްކާ ފުރަތަމަ މީހާ ބުނާގޮތް( މިސާލު: އަހަރެން އެގެއަށްދަން (4) ރޭގަނޑާ ނިސްބަތްކޮށް މާލަސްވެއްޖެއޭ ބުނާގޮތް
ދަންބެހުން
މ ފޯރިއަށްދާންޖެހޭ ގަޑިގަޑިއަށް މީހުން ހަމަޖެއްސުން
ދަންބެރު
ނ އިހުގައި ރޭގަނޑު އެގާރަޖެހީމާ ޖަހާބެރު
ދަންބެރުބޭލުން
މ ދަންބެރު ޖަހާންވާވަގުތު ދަންބެރު ނުޖެހިއްޖެނަމަ ދަންބެރު ޖަހާން އޮންނަ ބެރާއި ދަނޑިގަނޑު ނާބުސްޚާނުން ބާލައިގެން ދެގެދޭތެރެއަށް ގެންދިއުން މިހެންހަދަނީ ދަންބެރުޖަހާ މީހާ ޖޫރިމަނާ ކުރުމަށެވެ ދަންބެރު ބާލައިފިނަމަ ބެރުލިބޭނީ ބޮޑުބޭކަލަކު މެދުވެރިކޮށް ރަދުންނަށް އަށްލާރިން ވެދުން ކޮށްގެންނެވެ
ދަންބެރުޖެހުން
މ އިހުގައި ރޭގަނޑުގެ އެގާރަ ޖަހާއިރު ނާބުސްޚާނުންޖަހާ ބެރެއް ޖެހުން
ދަންބެރެއްހާއިރު
ނ ރޭގަނޑުގެ އެގާރަޖަހާ އެހާކަންހާއިރު
ދަންމަރު
ނ (1) ތެޔޮއަޅައިގެން ރޯކުރާގޮތަށް ހަދައިފައި ހުންނަ އަލިކުރާ އެއްޗެއް މިއީ ފުލުގައި ދަނޑިއެއްލައިފައި އެއްތަނުން އަނެއްތަނަށް ގެންދެވޭ ގޮތަށް ހުންނަ އެއްޗެކެވެ (2) މަޖާޒު: ތަނެއް ނުވަތަ ބަޔަކު އިސްލާޙުކޮށް ތަރައްޤީ ކުރާމީހާ
ދަންމައިލުން
މ (1) ވަގުތު އިތުރު ކޮށްލުން (2) ހިނދު ދިގުކޮށްލުން (3) ޖެހިޖެހީނުން ހިރިނުލެވޭ ވަރުކޮށްލުން
ދަންމާނު
ނ (1) ދަންމާނު ފޫޅުގަނޑުގައި ޖަހައިފައި ހުންނަވާ (2) ރިޔަލުގެ އޮޑިމަތީކުރަތްވާއި ތަޅާކުރަތްވާ ބެދުނު ތާނގައި ބައްދައިފައި ހުންނަ ވާ
ދަންމާނުބުޅި
ނ ދަންމާނު އަޅުވަން ދޯނީގައި ޖަހައިފައި ހުންނަބުޅި
ދަންމާނުފޫޅުގަނޑު
ނ ރިޔަލުގެ އޮޑިމަތީ ކުރަތްވާއި ގުޅޭތާނގައި ދަންމާނުޖަހަން ހުންނަ މަޅިގަނޑު
ދަންފަޅި
ނ (1) އެއްކަމަކާ ބެހޭގޮތުން ބާްއްވާ ޖަލްސާތަކަކުން ޖަލްސާއެއް (2) ޝަރިއަތެއް ހިނގަމުންދާއިރު ބާއްވާ ކޮންމެ ބައްދަލުވުމެއް (3) ދުވާލަކު އިސްކޫލުގެ ކިޔެވުން އޮންނަ ގަޑިތައް (4) ފޯރިބަހައިގެން ތިބޭމީހުން ތިބެންޖެހޭ ގަޑިތައް (5) ދަން
ދަންތުރަ
ނ (1) އެއްގަމުގައިއުޅޭ ބައެއްކަހަލަ ދިރޭއެއްޗެހި ހިފުމަށްޓަކައި ޖަހާމަޅިއެއް މިމަޅިވަރަށް ގިނަގޮތްގޮތަށް ޖަހައެވެ (2) މަޖާޒު: މީހަކަށް ކެއްސެއް ދިނުމަށްޓަކައި ރާވާ ރޭވުން