radheef.info
ރަދީފު


ތެ
އ )ސ ( (1) ތިޔަ (2) )މ ( ސުވާލުގެ އަކުރެއް ތަ
ޗިސް
ނ (1) ފިތިގެންވާ ފިސް (2) ދިޔާއެއްޗެއް ކުއްލިޔަކަށް ނުކުންނަ ނުކުތުން މިސާލު: އޭނާގެ ލޮލުން ޗިސް ލައިފައި ކަރުނަ އަތުވެއްޖެއެވެ (3) ތަތްކަމެއް ނުވަތަ ތެތްކަމެއް ހުރި މުރަނަކަމެއް ނެތް އެއްޗެއްވާ ކުދިކުދި
ޗިސްކުރުން
މ (1) ފިސްކުރުން (2) ތަތްކަމެއް ނުވަތަ ތެތްކަމެއް ހުރި އެއްޗެއް ކުދިކުދި ކުރުން
ޗިސްޗިސްވުން
މ ޗިސްވުން މިބަސް ގަދަކުރުމަށް ބޭނުންކުރާ ގޮތެއް
ޗިޕުސް
ނ (1) މަސްފައްލަވައިގެ ތެރޭގައި ހުންނަބުރިމަސް (2) މަސްކުނޑި (3) ކުދިކޮށްފައިވާ ކުދިކުދި އެތޮކޮޅުތަކެއް
ޗިޗަންޑާ
ނ ވެލެއްގައި އަޅާފެހިކަންގަދަ ހިތިވަހެއް ހުންނަ ތަރުކާރީގެ ބާވަތެއް މީގެ ތަފާތު ބާވަތްތައް ހުރެއެވެ މީގެ އެއް ވައްތަރު ހުންނަނީ ވަރަށް ދިގުކޮށެވެ
ޗުސް
އ (1) އެތެރޭގައި ހުރި އޮލައެއްޗެއް ކުއްލިއަކަށް ނުކުންނަ ގޮތާމެދު ބުނެއުޅޭ ގޮތެއް (2) އެތެރޭގައި ހުރެފައި ކުއްލިއަކަށް ބޭރަށް ނުކުންނަ ގޮތާމެދު ބުނެއުޅޭ ގޮތެއް
ޗެންޗޭނު
ނ ސަރަހައްދު ވަކިކުރުމަށް ނުވަތަ އެސަރަހައްދުގައި އުޅޭ މީހުން ރައްކާތެރިކުރުމަށް އެތަނެއްގެ ކައިރި ފަށުގައި އެއްޗެހި ކޮޅަށް ޖަހައި އޭގައި ވާ ނުވަތަ ނަރު ދަމައިފައި ނުވަތަ ކެހައަޅައި ފައި ހުންނަތަން
ޗޮންޗޮންއިލޮޅި
ނ އިލޮޅީގެ ބާވަތެއް
ޗޮރޮއް
ނ )ޏ ( އެއްޗެހި ތޮރުފުމަށް ބޭނުންކުރާ އާލަތެއް މިއީ މުށްގަނޑެއް ލައިފައި އޮންނަ ކައްޓެކެވެ މިކަށީގައި ފޮނުމަތާ އެއްގޮތަށް ދަރުޖަހައިފައިވެސް ހުރެއެވެ
ޗޯކު
ނ (1) ބޯޑުގައި ލިޔުމަށް ހަދައިފައި ހުންނަމަށި ފޯލި މި އެކި ކުލަކުލައިގައި ހުރެއެވެ (2) އިލެކްޓްރިކް ހޮޅި ބުރީގެ ތެރޭގައި ހުންނަ ވަކި ޚާއްޞަ އެއްޗެއް (3) ޕެޓްރޯލު އިންޖީނުގެ ސިލިންޑަރު ގެ ތެރެއަށް ވަޔާއެކު ޕެޓުރޯލު އާވި ފޮނުވައިދޭ ބަޔަށްވައިވަނުން ވަގުތީ ގޮތުން ބަންދުކޮށްދޭއެތި
ޙައިރާންމާކު
ނ ލިޔެކިޔުމުގައި ބޭނުންކުރާ ނިޝާނެއް. މިނިޝާން ޖަހަނީ ޙައިރާންވާ ކަހަލަ ވާހަކައެއް ނުވަތަ ރުޅިވެރިކަމެއް ނުވަތަ ހިތާމައެއް ނުވަތަ އަމުރެއް ނުވަތަ މަލާމާތެއް ނުވަތަ އިސްތިޙުސާނެއް އެކުލެވޭ ބަސްބަހާއި ޖުމުލައިގެ ފަހަތުގައެވެ
ޙައްދުޖެހުން
މ ދީނުގައި ޙައްދު ކަނޑައެޅިގެންވާ ކުށެއްކުރިކަން ސާބިތުވެއްޖެނަމަ ކުރެވޭ ޙުކުން ތަންފީޒުކުރުމަށް ދުއްރައިން ތެޅުން
ޙައްޤު
ނ (1) ތެދު (2) އެމީހަކަށް ލިބެންޖެހޭ ޖެހުން (3) މީހެއްގެ މިލްކު (4) އަދްލު
ޙަވާރީން
ނ (1) ޢީސާޢަލައިހިއްސަލާމުގެ ޞަޙާބީން އެބޭކަލުންގެ އަދަދެއްކަމުގައި ބުނެވެނީ ބާރައެވެ (2) މީހަކަށް ވަފާތެރިކަމާއެކު ޚިދްމަތްކުރާ މީހުން
ޙަފުލާ
ނ (1) އުފާވެރި މުނާސަބަތެއް ފާހަގަކުރުމަށް މީހުންތަކެއް އެއްތަނަކަށް އެއްވާއެއްވުން (2) އުފާވެރި މުނާސަބަތެއް ފާހަގަކުރުމަށް މީހުންތަކެއް އެއްވެފައި ވާތަން (3) އުފާވެރި މުނާސަބަތެއްގައިކުރާ ޖަލްސާ
ޙަލްޤާ
ނ ކަރުތެރެ
ޙަޤީޤަތް
ނ (1) ކަންހުރިގޮތް (2) ތެދު (3) އޮޅުވައިލުމެއްނެތް
ޙިކްމަތްތެރި
ނއ (1) ކަންފަހިކުރާން ދަންނަ (2) މަކަރުވެރި (3) ހީލަތްތެރި (4) ބުއްދިވެރި
ޙިކްމަތްތެރިން
ނ (1) ކަންފަހިކުރާން ދަންނަ މީހުން (2) މަކަރުވެރީން (3) ހީލަތްތެރީން (4) ބުއްދިވެރީން
ޙިކްމަތްތެރިކަން
ނއނ (1) ކަންފަހިކުރާން ދަންނަކަން (2) މަކަރުވެރިކަން (3) ހީލަތްތެރިކަން (4) ބުއްދިވެރިކަން