radheef.info
ރަދީފު


މާ
ނ (1) ގަސްގަހާ ގެއްސާއި ވެޔޮވެލާވެލި ފޯދުމަށް ދައްކާ ޢަލާމާތް. (2) އެއިން މޭވާ ނުވަތަ އޮށް ނުކުންނަ ފިޔަތަކަކުން އެކުލެވިގެންވާ ކުލަ ރީތި އެއްޗެއް. (3) ނަކަތެއްގެ ނަން. )ހުޅަނގު މޫސުމުގެ ދިހަވަނަ ނަކަތް( (4) ބޮޑު )ނ.އ.( މިސާލު: މާކަނޑު. (5) އަޅައިބެލުމުގެ ގޮތުން ބޭނުންކުރާ ބަހެއް. މިސާލު: )ހ( މާކުޑަ. )ށ( މާބޮޑު. (6) ނަމަވުމުގެ މާނައިގައި ބޭނުންކުރެވޭ ބަހެއް. މިސާލު: )ހ( އޭނާ ދިޔައިމާ އަހަރެން ދާނަމެވެ )ށ( އޭނާ އައިމާ އަހަރެން އަންނާނަމެވެ
ޙިއްޞާ
ނ (1) މުދަލުން ނުވަތަ ފައިސާއިން ނުވަތަ އެނޫންވެސް އެއްޗަކުން ނުވަތަ ކަމަކުން މީހަކަށް ލިބެންޖެހޭ ބައެއް. (2) ބައި. (3) އަމިއްލަވާ ނުވަތަ ބައިވެރިވާ ނުވަތަ ޒިންމާވާ މިންވަރު
ޙިލްމު
ނ ރުޅިމަޑުކަމާއި ކެތްތެރިކަން
ޙުރުމަތް
ނ (1) ގަދަރާ ޢިއްޒަތް (2) މާތްކަމާ މަތިވެރިކަން (3) ކަމޭހިތާ ކަމޭހިތުން
ޚަރަދުބަރަދު
ނ (1) ހޭދަކުރާތަކެތި (2) ޚަރަދު (3) ދީނީގޮތުން ބަލަހައްޓަން ޖެހިފައިވާ ބަޔަކަށް ނުވަތަ މީހަކަށް ކެއިންބުއިމާއި އެހެނިހެން ކަންތަކަށް ކުރަންޖެހޭ ހޭދަ
ޚަބަރުދަބަރު
ނ ޚަބަރާއި ޚަބަރާބެހޭ މަޢުލޫމާތު
ޚިލާފަތު
ނ (1) މުސްލިމުންގެ ރަސްކަން (2) ރަސްކަމާއި ވެރިކަމުގެ ވާރުތަވެރިކަން
ޚިޔާނާތް
ނ (1) ތިމާގެ ހަވާލުގައިހުރި އަނެކެއްގެ އެއްޗެއްގައި ޖެހޭޖެހުން (2) ކަމަކަށް ނުވަތަ އެއްޗަކަށް ތެދުވެރި ނުވާ ނުވުން
ޚިޔާނާތްތެރިން
ނ އަމާނާތްތެރިކަންނެތް މީހުން
ޚިޔާނާތްތެރިކަން
ނއނ (1) ތެދުވެރިނުވާކަން (2) އަމާނާތްތެރިނުވާކަން (3) ޙައްޤަށް ރައްކާތެރިނުވާކަން
ޚިޔާނާތްތެރިވުން
މ (1) ކަމަކަށް ނުވަތަ އެއްޗަކަށް ތެދުވެރިނުވުން (2) އަމާނާތްތެރިނުވުން (3) ޙައްޤަށް ރައްކާތެރިނުވުން
ޚިޔާލީފޮލާ
މަޖާޒު: ތިމާގެ މިންވަރަށްވުރެ މައްޗަށް ޚިޔާލުގައިރާވާ ރޭވުން
ޚުދު
ނއ (1) ތިމާ އަމިއްލައަށް (2) ތިމާކަން ގަދަރުކުރުމަށް ބުނާބަހެއް (3) ނިސްބަތްކުރާ ފަރާތް ގަދަކުރުމަށް ބުނާ ބަހެއް މިސާލު: )ހ( އެކަން ކުރީ ޚުދު އަހަންނެވެ )ށ( އެތަން ހުޅުއްވައި ދެއްވީ ޚުދް ކީރިތި މަހާރަދުންނެވެ
ޚުޠުބާ
ނ ބައެއްނަމާދު ނުވަތަ ދީނީ ބައެއް މުނާސަބަތާ ގުޅިގެން އިއްވޭ ދީނީ ނަޞޭޙަތް މިސާލު: )ހ( ހުކުރު ޚުޠުބާ )ށ( ޢީދު ޚުޠުބާ )ނ( ކާވެނީގެ ޚުޠުބާ
ޞަނާޢީ
ނއ (1) މަސައްކަތްތެރިކަމާ ބެހޭ (2) މަސައްކަތްތެރި
ޝަރަހަ
ނ އެއްޗެއްގެ މާނަ ސާފުކޮށް އޮޅުން ފިލުވައިދޭ ދިނުން
ޝަރަހަކުރުން
މ އެއްޗެއްގެ މާނަ ސާފުކޮށް އޮޅުން ފިލާގޮތަށް ބަޔާން ކުރުން
ޝަރަފު
ނ (1) ޢިއްޒަތް (2) މާތްކަން (3) މަތިވެރިކަން
ޝަރަފުވެރިކަން
ނއނ (1) ޢިއްޒަތްތެރިކަން (2) މާތްކަން (3) މަތިވެރިކަން
ޝަރަފުވެރިވުން
މ (1) ޢިއްޒަތްތެރިވުން (2) މާތްވުން (3) މަތިވެރިވުން
ޝަރަފުވެރިމެހުމާނު
ނ އިއްޒަތްތެރި މެހެމާނު