radheef.info
ރަދީފު


ބަ
އ އައްބަ
މިލިމީޓަރު
ނ މީޓަރެއްގެ އެއްހާސް ބައިކުޅަ އެއްބައި
މިލިގްރާމް
ނ ގްރާމެއްގެ ސަތޭކަބައިކުޅައ އެއްބައި
މިލު
ނ މެޝިނުގެ ބޭނުންކޮށްގެން ބައެއްކަހަލަ އެއްޗެހި އުފެއްދުމުގެ މަސައްކަތް ހިންގާ ޢިމާރާތް ނުވަތަ ޢިމާރާތްތައް
މިލުން
މ (1) ހޫނު މޫސުމުގެ ސަބަބުން ގަސްގަހުގެ ފަތާއި މަލަން އަންނަ މޯޅިކަން (2) މަޖާޒު: ހިތަށްކުރާ އަސަރެއްގެ ސަބަބުން މޫނުމަތީގެ ތާޒާކަން ކެނޑުން (3) އެކަކު އަނެކަކާ އެކުލެވުން
މިލްކުންކެނޑުން
މ (1) ތިމާގެ އަމިއްލަ ތަކެތި ނުވަތަ އެތަކެތިން ބައެއް ދޫކޮށްލުން (2) ތިމާގެ އަމިއްލަ ތަކެތި އެކުގައި ދޫކޮށްލުން
މިސާލު
ނ އެއްފަދަކުރުމުގެ ގޮތުން ބޭނުންކުރެވޭ ބަސްބަސް މިސާލު: ހަނދެއްފަދަމޫނެއް
މިސާލުބަސް
ނ ހިނގައިފައި އޮތް ކަމަކަށް ނިސްބަތްކޮށް ބުނެއުޅޭ ބަސްބަސް މިސާލު: ކަނދިކަމަނާގެ މަސްތެއް ލުން ކަޅިފުށީކަލޭގެ ޖެހި ކޮކަޑި
މިސާލުޖެހުން
މ ކަމަކާ ނުވަތަ އެއްޗަކާ އެއްފަދަކޮށް ބަހެއް ބުނުން
މިސުރުބޯކިބާ
ނ ގެރިކިރު ހުސްކުރި ދަޅުގައި އިންޗިއެއްހައި ބޯމިނުގައި އަޅާ ފޮނިބޯކިބަލެއް
މިސުރުޕަތްޕެން
ނ ޅަފިޔޮއްލައިގެން ކައްކާ ކުޅި ބަތްޕެން
މިސްކިތުވަކަރަށްވުން
މ މަޖާޒު: މަތީ ދަރަޖައިގެ ބޭފުޅަކު ކާވެނި ބައްލަވައިގެންފައި ވަރިކުރައްވާ އަންހެނަކު ނުވަތަ އެފަދަ ފިރިކަލަކު އަވަހާރަވެފައިވާ އަންހެނަކު ކުރީގެ ފިރިކަލުންނަށްވުރެ ދެރަމީހަކާ އިންނަން ނުކެރިފައި އިންނައިނުން
މިސްކިތުވަކަރު
ނ (1) މިސްކިތެއް ރޫޅައިލައިގެން ނަގާވަކަރު (2) މަޖާޒު: މަތީ ދަރަޖައިގެ ބޭފުޅަކު ކާވެނި ބައްލަވައިގެންފައި ވަރިކުރެއްވީމާ ނުވަތަ އެފަދަ ފިރިކަލަކު އަވަހާރަވީމާ އެއަށްވުރެ ދެރަމީހަކާ އިންނަން ނުކެރިފައި ތިބޭ އަންހެނުން
މިސްކިތުފަކީރުން
ނ އިހުގައި ހުކުރުމިސްކިތު ބަލަހައްޓަން ސަރުކާރުން ލައްވައިފައިވާ ބައެއް
މިސްގާލު
ނ (1) ދޮޅު ދިރުހަމުގެ ބަރުދަން )ހައަނާދޮޅުމަދޮށީގެ ބަރުދަން( (2) ކުޑަމިންވަރެއް
މިޔަށަމި
ނ ބޭސްވެރިންގެ އިޞްޠިލާހުގައި "ހަމަމިޔަށްމެ" ބުނާބަސް
މިޔަރު
ނ ކަނޑުފަޅުގައި ދިރިއުޅޭ މަހެއް. މީގެ އަނގަހުންނަނީ ނިތްގަނޑުގެ ދަށްފަރާތުގައެވެ. އަނގައިގައި ތޫނު ދަތްތަކެއް ހުރެއެވެ. ކޮތަރީގެ ބަދަލުގައި ހުންނަނީ އުރަހައެވެ. ކަންފަތް ހުންނަނީ އެހެން މަސްމަހާ ޚިލާފަށް އުރަހައެއްގެ ސިފައިގައި ބަނޑުދަށް ފަރާތުގައެވެ މީގެ ވަރަށް ގިނަ ބާވަތް ހުރެއެވެ
މިޔަރުދުއްޔަށްފެހުން
ނ ފަތިނުފެންނަގޮތަށް ފެހުން މިގޮތަށް ފެހޭނީ ބަތާނަލައިގެންފަހާ ނަމައެވެ
މިޔަރެން
ނ ހިމަ ދިގުކޮށް ހުންނަ އެމެއް މީގެ އަނގަ ހުންނާނީ މިޔަރުގެ އަނގަ ހުންނަހެން ބޮލުގެ ދަށް ފަރާތުން ބަނޑުދޮށަށް ވާހެންނެވެ މިއެމުގެ ދެފަރާތުގައި ރިހިކުލައެއްގެ ފުޅާ ރޮނގެއް ހުންނާނެއެވެ މިއީ ކަނޑު މަހުގެ މަސްވެރިކަމަށް އެންމެ ރަނގަޅު އެއްބާވަތެއްގެ އެމެކެވެ
މިޔަވާލި
ނ ބުޅިހަރުކުރުމަށް ނަނު ނުވަތަ ކަންވާރުގެ ކުރީކޮޅަށް އިތުރުކުރާ ހިމަބައެއް
މިޔަމަތިވުން
މ މަޖާޒު: އެއްޗެއް އަތުޖެހޭގޮތްވުން މިބަސް ގިނައިން ބުނެ އުޅެނީ އެއްޗަކަށް ގެއްލުމެއް ދެވޭނެ ގޮތެއްގެ މަތިން އަތުޖެހުމަށެވެ