radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ފަނިޔާރަން
ނ ހަނޑޫ ނުވަތަ ގޮދަން ފުށުގައި ހުނި ހަކުރު ފަތަފޮޅިއާއި ވައްތަރުގޮތަކަށް ތުން އަނބުރައިފައި ހަދާ އެއްޗެއް މީގެ ތެރެއަށް އަޅައިފައި ހުންނާނީ ތާޑުކިޔާ ފޮނިއެއްޗެކެވެ
ފަނީބޭސް
ނ ފަނިވުމުން ފަނިން ސަލާތަތްވުމަށް ބޭނުންކުރާ ބޭސް. މިބޭސް ގުޅަބޭހުގެ ގޮތުގައްޔާއި ދިޔާ ބޭހުގެ ގޮތުގައި ހުރެއެވެ
ފަނީސަރުބަތު
ނ ފަނިވީމާދޭ ފޮނިރަހަލާ ދިޔާ ބޭހެއް
ފަނެހުޅާ
ނ )ގ ( (1) ތޮށަލި ވިޔަން ތައްޔާރުކުރާ ފަން (2) ފަންހުޅު
ފަނޯއްލަ
ނ )ބދ ( ވެރިކަމުގެ ސިޔާސަތު
ފަނޯތްގޮވުން
މ ފަންކުޅޭއިރު އިދިކޮޅުބައިގެ މީހަކަށް އަތުނުވެގޮސް ފަނަކަށް ހުންނަމީހާ ގައިގައި ނުވަތަ ބަހައްޓައިފައި ހުރި އެތީގައި އަތްލައިފައި "ފަނޯތް" މިހެން ގޮވާލުން މިހެންވުމުން ފަނޯތް ގޮވި ބަޔަކަށް ޕޮއިންޓެއް ލިބުނީއެވެ
ފަން
ނ (1) ރުކޭ ކިޔާ ގަސްގަހުގެ ފަތް. (2) ކުޅޭ ކުޅިވަރެއް. )ފަންކުޅުން ބަލާ!( (3) ނއ. އިސްތަށިގަނޑަށް ދެވޭ ސިފައެއް. މިސިފަދެވެނީ ބުޅިކަމެއް ރާޅުބާންޏެއް ނެތް އިސްތަށިގަނޑަށެވެ މިސާލު: ފަންބޮލެއް ފަން އިސްތަށިގަނޑެއް
ފަންހިބަރު
ނ ކަނޑުގައި އުޅޭ ހިބަރުގެ ބާވަތެއް މީގެ ބުރަކަށިމަތީގައްޔާއި ބަނޑުދަށް ފަރާތުގައި ދެކޮތަރިބައި ހުރެއެވެ ބުރަކަށިމަތީގެ ކުލައަކީ ކަޅު ނޫ ކުލައެވެ ބަނޑުދޮށް ފަރާތް ހުންނަނީ ހުދުކުލައެއްގައެވެ ދެއަރިމަތީގައި ފަނޑުނޫ ކުލައިގެ ލައްތަކެއް ރޮނގަކަށް ވާގޮތަށް މަހުގެ ހުރަހަށް ހުރެއެވެ
ފަންރިޔާ
ނ ފަނުން ވިޔެފައި އޮންނަ ހަތަރެސްކަން ރިޔާ
ފަންކަނަކީރު
ނ )މ ( ހިޔަމަ
ފަންކަމަމާ
ނ )އ ( ފިޔަލީ ކުރަފި
ފަންކާކިނާރި
ނ ކަސަބުން ވިޔެފައި ހުންނަ ކިނާރިއެއް. މިހުންނާނީ ވަށްބުރެއްގެ ދެފަޅިކޮށް އެއްފަޅިހެން ހުންނަ ފުއްޕުންތަކަކުން އެކުލެވިގެންވާ ފަންކާތަކެއް ހެންނެވެ. ކަސަބު ބޯވަޅު އެޅިދުވަސްވަރު ވައް ބަގިޔާގެ ބަދަލުގައި މީގެ ފަށެއް ތިރީ ކައިރީގައި ޖައްސައިގެން އަޅާ އުޅުނެވެ
ފަންކާތުނޑަށްގެތުން
މ )ސ ( ދިވެހި ލިބާހުގެ ބޯވަޅުގައި އަޅާ ރޮދިގަނޑުގަތާ ގޮތަކަށް ކިޔާނަމެއް
ފަންކުޅުން
މ ދިވެހި އަންހެނުން ކުޅޭ ކުޅިވަރެއް މިއީ ކުޅޭ މީހުން ދެބަޔަށް ބަހައިލައިގެން ގިނަ ބަޔަކު ކުޅޭ ކުޅިވަރެކެވެ މިކުޅިވަރު ކުޅޭއިރު ކޮންމެ ކޮޅެއްގައިވެސް ފަނަކަށް ބަހައްޓާ މީހެއްގެ ގައިގާ ނުވަތަ އެއްޗެއްގައި އަތްލައިފައި "ފަނޯއި" މިހެން ގޮވުމުން ލަނޑެއް ދެވުނީއެވެ
ފަންވަރުލުން
މ ވަޅި ފުރޯފަދަ އެއްޗެހި ފެނުޖަހައިގެން މިޔައަށް ހަރުކަން ގެނައުން
ފަންވަތަށްގޮވުން
މ އިހުގައި ބަޔަކު މީހުންނަށް ބަންޑާރަ މަސައްކަތު ގޮވުން
ފަންވަތުނަން
ނ މީހުންނަށް އާންމުކޮށް ކިޔައި އުޅޭނަން
ފަންވަތުޖެހުން
މ ސަރުކާރުން ނުވަތަ ރަށްރަށުގެ ވެރިންގެ ފަރާތުން އެކި ކަންކަމަށް ރައްޔިތުންގެ ތެރެއިން މީހުން ހޮވުން. މިއީ އިހުގައި އެކި ކަންކަމަށް ނުވަތަ އެކި ތަންތަނަށް ދާންޖެހޭ މީހުންގެ ލިސްޓުތައް ލިޔާއިރު އެއިން ލިސްޓެއްގައި މީހާގެ ނަން ލިއުމަށް ބުނެއުޅުނު ބަހެކެވެ
ފަންވަތް
މ (1) ފަނުގެ އޮށީގެ ދެފަރާތުގައި އިލޮށްޓާއި ގުޅިގެން ދެއަރިއަށް ވާގޮތަށް ހަނިދިގުކޮށް ކުރީކޮޅަށް ހަނިވަމުން ގޮސް ނިމިފައި ހުންނަ އެއްޗެއް (2) ލިސްޓު (3) ބައި (4) ފަންވަތުގައި ލިޔެފައި ފޮނުވާ ސިޓީ
ފަންވަތްފޮނުވުން
މ އެކަކު އަނެކަކަށް އަންގަންޖެހޭ ކަންތައްތައް ފަންވަތުގައި ލިޔެފައި ފޮނުވުން