radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ފަށުރިއްސެއު
ނ (1) ވިހާރަކަ މަރުވެ އޭގެ އޮފު ކެނޑިގެން ދިއުމުން އެއަށް ކިޔާ ނަން މިއީ ބޭހަށް ބެނުންކޮށް އުޅޭ ދޮން ރީނދޫ ކުލައިގެ އެއްޗެކެވެ (2) ރިއްސެޔޮ
ފަށުއިރުމާ
ނ ފަށުއިން ވިޔެފައި ހުންނަ ރުމާ
ފަށުއިއެޅިލިބާސް
ނ ދިވެހި އަންހެނުން އިހުގައި ލިބާސްލައި އުޅުނު އުޔާއި ފަށުއިން ވިޔެފައި ހުންނަ ލިބާސް ކަނޑާ ފޮތީގެ ބާވަތެއް
ފަށުއިފޮތި
ނ ފަށުއިން ވިޔެފައި ހުންނަ ފޮތި
ފަށްނެގުން
މ ގަލާއި ލަކުޑި ފަދަ ތަކެތި ހިމުންކޮށް އިންދުމަށްޓަކައި ނުވަތަ ޒީނަތްތެރި ކުރުމަށްޓަކައި ތޫނު ހަތިޔާރަކުން އޭގެކައިރިން ހިމަދިގުކޮށް ކަނޑައިނެގުން
ފަށްއެޅިގަމީސް
ނ ރާއްޖޭގެ ސިފައިންނަށް ޚާއްޞަ ކުރެވިފައި އޮތް ގަމީހެއް )މިއީ ހުދު ގަމީހެކެވެ ( މިގަމީސް ހުންނަނީ ގިރުވާނުގެ ކައިރި ފަށުގައްޔާއި ގޮށްފަތީގެ ކައިރިފަށުގެ ބައެއްގައި ކަޅުފޮތިން ހިމަފަށެއް އަޅާފައެވެ
ފަށްއެޅުން
މ (1) ކަރުގައި ފަށް އެޅުން (2) ހެދުމުގައި ތަފާތު ކުލަޔަކުން ހަނި ފޮތިފަށެއް ހަރުކުރުން (3) ފޮތި ބޯވަޅުފަދަ ތަކެތީގެ ކައިރިފަށުގައި ހަނިހަނިކޮށް ފޮތިފަށެއް އެޅުން
ފަށްދެމުން
މ ތަނެއްގައި ނުވަތަ އެއްޗެއްގައި ތަފާތު ކުލަޔަކުން ފަށެއް ފެވުން
ފަށްގޭލި
ނ )ބދ ( މޮޔަކަން
ފަށްޖެހުން
މ ފަށްފަށަށް ލެނބުން. މިސާލު: ފޭރާން ރިޔާ ކުނާފަދަ ތަކެތި ފަށްޖެހުން
ފަނޑިޔާރު
ނ (1) ދެޚަޞްމެއްގެ ދެމެދުގައި ހިނގާ ކަންތައްތައް ބަލައި ނިންމާ މީހާ (2) ކަމަކާމެދު އިންސާފު ކުރާމީހާ (3) ޤާޟީ (4) ޙާކިމު (5) ނިޔާކަނޑައަޅާ މީހާ
ފަނޑިޔާރުކަން
ނ (1) ފަނޑިޔާރެއްގެ މަސައްކަތް (2) ފަނޑިޔާރެއްގެ ވަޒީފާ
ފަނޑިޔާރުއޮޑި
ނ މާލޭގައި އޮޑިއޮޑި މަތިން ތޮށިލައި އުޅުނު ދުވަސްވަރު އެކަމުގައި ބޭނުންކުރި އޮޑިއެއްގެ ނަން. މިސާލު: ބަންޑާރައޮޑި އަތިރީގޭ އޮޑި ސައްޔިދު ކިލެގެފާނު އޮޑި
ފަނައި
ނ )ޏ ( ހިޔަމަ
ފަނާލުން
މ އޮޑިދޯނިފަހަރު ތަންތާގައި ހައްޔަރުކުރުމަށްޓަކައި ފަނާ މޫދަށްލުން
ފަނި
ނ (1) ފޮނި ރަހަލާވަރަށް ފެނުގެ ތެރެއަށް ހަކުރު އަޅައިގެން ގިރާ ނުވަތަ ކައްކާ ބުއިމެއް. ތަފާތު ބާވަތްތައް އެއްކޮށްގެންވެސް މިތައްޔާރުކުރެވެއެވެ. މިސާލު: އިސްބަގުލު ފަނި ސާގުފަނި ފުފުލުފަނި (2) ދިރޭސޫތްޕެއް މީގެ ތަފާތު ވައްތަރުތައް އެކިއެކި ވަރުވަރަށް ހުރެއެވެ މިސާލު: ކިލާފަނި އެކިއެކި ބަލިބަލީގެ ފަނި (3) )ޏ ސ ( ރާފޮނި
ފަނިކޮނުން
މ (1) މަސްބޭނުމަށް އެންގަނޑުގެ ގޮތުގައި ބުޅީގައި އެޅުމަށް ބޭނުންކުރާ ފަންޏެއް ކޮނެގެން ނެގުން. މިފަނި ނަގާނީ ދިޔަވަރު ހިކިފައި އޮންނައިރު ގޮނޑުދޮށުން ނުވަތަ ފަޅުމަތީގައި ހިކިފައި ހުންނަ ތަންތަނުންނެވެ (2) ފަނި އޭގެ ހަރުކޮނުން
ފަނިއެޅުން
މ (1) ބައެއްކަހަލަ އެއްޗެހި ނުބައިވެގެންގޮސް އޭގެ ތެރޭގައި ފަނި އުފެދުން (2) ބައެއް ކަހަލަ ގަސްގަހަށްޖެހޭ ބައްޔެއްގެ ސަބަބުން ފަނި އުފެދުން (3) މަޖާޒު: ބައެއްގެ ތެރޭގައި ނުބައެއް އުފެދުން
ފަނިދިނުން
މ (1) މީހަކަށް ނުވަތަ ބަޔަކަށް ފިނި ފޮނި ބުއިމެއް ދިނުން. (2) ބައެއް ކަހަލަ މަސައްކަތް ކުރާއިރު އެމަސައްކަތްކުރާ ބަޔަކަށް ހިތްވަރު ދިނުމުގެ ގޮތުން ފޮނިބުއިމެއް ގެންގޮސް ދިނުން (3) ދަޢުވަތުދީގެން އަންނަ ބަޔަކަށް މަރުހަބާ ކިޔުމުގެ ގޮތުން ފޮނިބުއިމެއް ދިނުން
ފަނިގިރުން
މ ފަނިތައްޔާރުކުރުން