radheef.info
ރަދީފު


ބަ
އ އައްބަ
މާފު
ނ (1) އަނެކަކު ބުނާ ބަހެއްގެ ނުވަތަ ކުރާ ކަމެއްގެ ސަބަބުން ތިމާގެ ހިތުގައި އުފެދުނު ނުރުހުން ފުހެލާ ފުހެލުން (2) އަދަބެއްގައި ހުއްޓާ މިނިވަންކުރުމުން އޭނާގެ އަދަބުން މިންޖުވާ މިންޖުވުން (3) ދައްކަންޖެހިފައި އޮތް ފައިސާއެއް ނުދެއްކިޔަސް އެންމެ ރަގަޅުކަމަށް ހަމަޖެހޭ ހަމަޖެހުން (4) ކުށެއްކުރުމުން އަދަބަކާ ހަމައަށް ނުގެންގޮސް ދޫކޮށްލުމުން އެކުށަށް ލިބެންވާ އަދަބުން ސަލާމަތްވާ ސަލާމަތްވުން
މާފުކުރުން
މ (1) އަނެކަކު ބުނާބަހެއް. ނުވަތަ ކުރިކަމެއްގެ ސަބަބުން ތިމާގެ ހިތުގައި އުފެދުނު ނުރުހުމެއް ފެހެލުން. (2) އަދަބެއްގައި ހުއްޓާ މިނިވަންކޮށް އަދަބުން ސަލާމަތްކުރުން. (3) ދައްކަން ޖެހިފައިއޮތް ފައިސާއެއް ނުދެއްކިއަސް އެންމެރަގަޅު ކަމަށް ހަމަޖެއްސުން. (4) ކުރެވުނު ކުށަކަށް އަދަބަކާ ހަމައަށް ނުގެންގޮސް ސަލާމަތްކަން ދިނުން
މާފުސް
ނ ލޮލުގެ ބައްޔެއް. މިއީ ކަޅުކަޅީގެ ވަށައިގެން އަރަމުންދާ ފުހެކެވެ. މިފުސް މުޅި ކަޅުކަޅިއަށް އަރާ ބެދެމުން ލޯމުޅިން އަނދިރިވެދެއެވެ
މާފެއްޔާ
ނ )ގ ( މަންމަގެ ބައްޕަ
މާފޮޅުވާ އިބާރާތް
ނ (1) ފަށުއި ބަސްތައް ބޭނުންކޮށްގެން ލިޔެފައި ހުންނަ ލިޔުން (2) ފަށުއި ބަސްތައް ބޭނުންކޮށްގެން ދައްކާ ވާހަކަ
މާދަރީބަސް
ނ (1) ތަނެއްގެ އަހުލުވެރިން ވާހަކަ ދައްކާ އުޅޭބަސް (2) ކާބަފައިންގެ ޒަމާނުއްސުރެ ވާހަކަ ދައްކަމުން އަންނަބަސް
މާދާ
ނ އޮޑިދޯނި ފަހަރުގައި ހުންގާނު އެޅުވުމަށް ހުންގާނާއި މައްޔަލުގައި ލޮއިން ހަދައި ހަރުކޮށްފައި ހުންނަ ބައި
މާދެއްކުން
މ ފަންޑިތައިގެ ގޮތުން މާބަހައްޓައިގެން ކިޔެވެލި ކިޔަވައިފައި ކަނޑަށް މާތައް އުކައިލުން
މާތް
ނއ (1) މަތިވެރި (2) ބަރަކާތްތެރި (3) އަޚްލާޤު ރަގަޅު
މާތްބަސް
ނ ދިވެހިބަހުގެ އަދަބު ނިޔާކުރާގޮތުން މާތްކޮށް ވާހަކަދައްކަން ބޭނުންކުރާ ބަހުރުވައެއް
މާތްކަން
ނއނ (1) މަތިވެރިކަން (2) ބަރަކާތްތެރިކަން (3) އަޚްލާޤު ރަގަޅުކަން
މާތްވުން
މ (1) މަތިވެރިވުން (2) ބަރަކާތްތެރިވުން (3) އަޚްލާޤު ރަގަޅުވުން
މާލަން
ގިނަބަޔަކު ޖަލްސާއެއް ކުރުމަށް ބައްދަލުވުމަށް ނުވަތަ ޝޯވް އެއް ބެލުމަށް ނުވަތަ ޕާރޓީއެއް ބޭއްވުމަށް ބޭނުންކުރާ ބޮޑު ކޮޓަރިއެއް ނުވަތަ ޢިމާރާތެއް
މާލަމު
ނ )ބދ ( މީހުނާ ބައްދަލުކުރާ ޚާއްޞަތަން މިސާލު: ބޮޑުކޮޓަރި
މާލީސްކުރުން
މ (1) ފެންވެރުމުގެ ބަދަލުގައި ތުވާލިފަދަ އެއްޗެއް ތެންމައިގެން ހަށިގަނޑު ސާފުކޮށްލުން (2) ހޫނުފެނުން ނުވަތަ ލޮނު ހޫނުކޮށްގެން ބޮނޑިތާންކުރުން (3) ފަރުވާއެއްގެ ގޮތުން ގައިގާ އެއްޗެއް އެޅުން
)ފިނިބަލި( މާލީޚޫލިޔާ
ނ (1) ބާވަތެއްގެ މޮޔަވުމެއް (2) ސިކުނޑިޔަށް ލިބޭ އުނިކަމެއް (3) މޭތެޅޭބަލި
މާލެބެލީބޭނޑި
ނ )ޏ ( އަލަށް މާލެއަންނަ މީހުންގެ އަތުން މާލެބަލާފާ އާދައެއްގެ ގޮތުން ނަގާ ބޮނޑިގަނޑު
މާލެދާންކެލެއަށް
)މުސްކުޅިބަހެއް( ދާންވީ ތަނަކަށް ކުރުމަގެއް އޮއްވާ ދިގުމަގަކުންދިއުން
މާގަނޑު
ނ (1) ރާނބާގަސް ކަނދޮޅުގަސް ފަދަގަސް ގަހުގައި އަންނަ މައު. (2) އިހުޒަމާނުގައި ބައެއް މީހުން ލައިއެޅުނު ހަރުވާޅުގެ ދާގަނޑުގެ ކޮޅުގައި ނުވަތަ މުންޑުގެމަތިން އައްސާ ރޮދިގަނޑުގެ ކޮޅުގައި ފަށުވިން ނުވަތަ އުއިން ނުވަތަ އެފަދަ އެހެން އެއްޗަކުން ވައްކޮށް ނުވަތަ އެހެންވެސް ސިފައަކަށް ހަދާހަރުކޮށްފައި އޮންނަ އެތި. (3) ފެން ވެރުމަށްޓަކައި ފެން އިސްކުރުދޫކޮށްލުމުން ފެންދޭ އެއްޗެހިން ފެންފައިބާގޮތަށް ފެން އަންނާނެހެން ހަދައި މަތީގައި ހަރުކޮށްފައި ހުންނަ އެއްޗެއް. (4) ގާއޮޑިލަވަ ލަނގިރި ދަނޑިޖެހުން ފަދަ ކުޅިވަރު ކުޅޭއިރު ގެންގުޅޭ ދަނޑީގެ ކޮޅުގައްޔާއި ދުންކުނި އަނބުރާ ދަނޑީގެ ކޮޅުގާ ފޮތިން ނުވަތަ އުއިން ނުވަތަ ކަރުދާހުން ވައްކޮށް ނުވަތަ އެހެންވެސް ސިފައަކަށް ހަދައި ހަރުކޮށްފައި އޮންނައެތި (5) މޫދުމާގަނޑު (6) ބައެއްމީހުން ރީއްޗަކަށް ބައިސްކަލުގެ ފުރޮޅުގެ ބޫސް ދަގަނޑަށް މަހާލައިގެން ބޭނުންކުރާ އެއްޗެއް މިހަދައިފައި އޮންނާނީ ވައްކޮށް ދެތިންކުލަ އެކުލެވޭ ގޮތަށެވެ
މާގަމަ
ނ )ޏ.ސ.( (1) އިހުގައި އަންހެނުންނަށް ކިޔާނަމެއް (2) މާބަންޑު އަންހެނާ