radheef.info
ރަދީފު


ޔާ
އ ނަމަވުމުގެ އަކުރު މިސާލު: )ހ( ދިނިއްޔާ )ށ( އައިއްޔާ
ރަށްވެރިން
ނ (1) ރަށުގެވެރިޔާ (2) ފަޅުރަށް ލިޔުއްވައިގެން އުޅޭމީހާ
ރަށްމާލޫދު
ނ ރަޖަބުމަހު 72 ވިލޭރޭގައި މާލޭގައި ކިޔާ އުޅުނު ރަސްމީ މައުލޫދު
ރަންރޮނގުރައިވެރިމަސް
ނ ރައިވެރިމަހުގެ ބާވަތެއް މިމަހުގެ ކުލައަކީ ވިދާ ފިޔާތޮށިކުލައެވެ މަހުގެ ދެފަރާތުގައި މަހުގެ ދިގަށްވާގޮތަށް ރަންކުލައިގެ ރޮނގުތަކެއް ފާޅުކޮށް ފެންނަން ހުރެއެވެ ކަރުތާފަތްމަތީ ރަތްކުލައިގެ ފުޅާ ރޮނގެއް ބޮލުގެ ހުރަހަށް ހުރެއެވެ
ރަންކަނިބުރުން
މ (1) ލޯމަތިން ރަންކަނިތަކެއް ފަދަ އެއްޗެހިތަކެއް ފެންނަގޮތްވުން (2) ބޮލަށް ބާރުކުރާގޮތަށް އެއްޗަކުން ޖެހުމުން ލޮލުގެ ކުރިމަތިން އަލިކޮޅުކޮޅު ފެނުން (3) މަޖާޒު: ރުޅި އައިސްފައިވާލެއް ބޮޑުކަން ބަޔާން ކުރުމުގެ ގޮތުން ބުނާ ބަހެއް
ރަންކޮޅު
ނ މަޖާޒު: ލޯބިން މީހުންނަށް ކިޔާނަމެވެ
ރަންވަން
ނއ ރަންކުލަޔާ އެކުލެވިގެންވާ
ރަންވަންލޯ
ނ ރަންކުލައިގެ ލޯ މިހަދަނީ ރަތުލޮޔާ ތުތިޔާޔާ އެއްކޮށްގެންނެވެ
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ރަންފުޅު
ނ (1) ބޮޑުމުސްކުޅި ބޭކަލުންނަށް ލިބޭ ދަރިންނަށް ކިޔާ ރަސްމީ ނަމެއް (2) މައިންބަފައިން ދަރިންދެކެ ލޯބިން ކިޔާނަމެއް
ރަންދަނޑި ދުއްވުން
މ މަޖާޒު: ބަނޑުދިޔާކޮށް އެތަންމިތަނަށް ބޮޑުކަމުދިޔުން
ރަންދަވާދު
ނ (1) ރަންކުލައިގެ ދަވާދު (2) މަޖާޒު: ބަނޑުދިޔާކޮށް އެތަން މިތަނަށް ދެވިފައި ހުންނަ ނަޖިސް
ރަންދި
ނ (1) ރަސްކަލަކަށް ކޮލިލާފަހުން ފުރަތަމަ ލިބިވަޑައި ގަންނަވާ އަންހެން ބޭފުޅަކަށް ކިޔާ ރަސްމީ ނަމެއް (2) ކަޅުބިލަމަހަށް ކިޔާ ވަނަމެއް
ރަންދިޔަ
ނ (1) އަންހެންކުއްޖަކާ ބޮޑަށް ހިތާވެގެން ލޯބިން ކިޔާ ވަނަމެއް ގިނައިން މިބަސް އިސްތިޢުމާލު ކޮށް އުޅެނީ ޅެމުގައެވެ (2) މަޖާޒު: ކަޅުބިލަމަސް
ރަންތާސްފޭލި
ނ ފޭލީގެ މެދުބައި ޖަރީކޮށް ވިޔާ ފޭލި
ރަންގުވެޔޮ
ނ ރަންގުއޮށް އަޅާ ވެޔޮ މިވެޔޮހެދެނީ ގަސްގަހުގައި ހަކި ހިއްޕައިގެންނެވެ އޭގައި އަޅާ އޮށް ފިތައިލީމާ ނިކުންނާނީ ރަންގުކުލައެވެ މިވެލުގެ ފަތް ވަރަށް ކުދިވާނެއެވެ މިއީ ވަލުގައި ވަރަށް ގަދަޔަށް ހެދޭ ވެލެކެވެ މިވެޔޮ ރުކަކަށް އަރައިފިއްޔާ ރުއް މަރުވެސް ވެދާނެއެވެ
ރަބަރު
ނ ރަބަރުގަހުގެ ކިރުން ތައްޔާރުކުރާ ދެމޭގޮތް ހުންނަ އެއްޗެއް މިއިން ވަރަށް ގިނަތަކެތި ހަދައި އުޅެއެވެ
ރަކިކޮށްޓުން
މ )ސ ( ހިތްކިޔާވަރުގެ އަންހެންކުދީންނާއި ފިރިހެން ކުދިން ވާހަކަ ދައްކާލީމާ ލަދުގަންނަގޮތްވުން
ރަކުޢަތް
ނ ޤިޔާމަކާއި ރުކޫޢަކާއި ދެސަޖިދަ ހިމެނޭގޮތަށް ނަމާދުގައި ކުރެވޭ ޙަރަކާތްތައް
ރައިވަރުބައި
ނ ރައިވަރުގެ ހަމަޔާ ގާތްގޮތަކަށް ބަސްތަކަކުން އެކުލަވާ ލައިފައިހުންނަ ޅެން ބަހުރުވައެއް މިސާލު: ބުރުނީރައިވަރުބައި މާކެޔޮޅުކަމު ރައިވަރު
ރައިވަރުފުރޭތަ
ނ (1) ރައިވަރު ހަދަން ދަސްކޮށްދޭ ކަމަށް ހީކުރާ ޚިޔާލީ ފުރޭތައެއް (2) ރައިވަރުގެ ޚިޔާލީ އެދުރު (3) މަޖާޒު: ގިނަރައިވަރު ދަންނަމީހާ