radheef.info
ރަދީފު


ޓ
ނ ތާނައިގެ ވިހިވަނަ އަކުރު
ރިތްދަނޑި
ނ (1) ރިތް (2) ކުނބާއި ކުނބުކަފީގައި ރިތާއި ފަރުމާނާއި ދައްސޫރަ ފަދަތަކެތި ބަހައްޓަން ދެކުނބުގައި ބަނދެފައި ހުންނަ ކަނިގަނޑު
ރިތްދަނޑިބައިން
ނ )ހ ( ރިތްތައް އެއްކޮށް އައްސާލުމަށްޓަކާ އޮޑިދޯނިފަހަރުގެ ހަފޮޅު ތޮރުފައިފައި ޖަހައިފައި އޮންނަ މާރުގަނޑު
ރިތްގަނޑު ބިނދުން
މ މަޖާޒު: ހިތާވާމީހާ ގާތަށް ފޮނުވާން ގެންގުޅުނު ސިއްރުވެރިޔާއަށް ކޮންމެވެސްކަމެއް ޖެހިގެން އެކަމަށް ހުއްޓުން އެރުން
ރިލޭރޭސް
ނ ޓީމުތަކުގެ މެދުގައި ބޭއްވޭ ދުވުމުގެ ރޭހެއް މީރޭހުގައި އެމީހަކު ދުވާނީ އެކަކު އަތުން އަނެކަކު އަތަށް ބަދަލުވާ ދަނޑި ބުރިއެއް ހިފައިގެން އެމީހަކަށް ކަނޑައެޅިފައިވާ ތަންކޮޅެއްގައެވެ
ރިސެޕްޝަން
ނ (1) ޚިދްމަތްދޭ ތަންތާނގައި މަޢުލޫމާތު ދިނުމަށް ބެހެއްޓިފައި ހުންނަ ކައުންޓަރ (2) މުނާސަބަތު ފާހަގަ ކުރުމަށް ބާއްވާ ސައި ނުވަތަ ކެއުން
ރިޒާވު
ނ (1) މުސްތަޤްބަލްގެ ބޭނުމަށް ބަހައްޓާ ތަކެތި (2) އެކިއެކި މުބާރާތްތަކާއި ކުޅިވަރު ތަކުގައި މީހެއްގެ ބަދަލުގައި ނުކުންނަން ހުންނަ މީހާ
ރިޒާވުކުރުން
މ (1) މުސްތަގުބަލުގެ ބޭނުމަކަށްޓަކައި އެއްޗެއް ރައްކާކޮށްފައި ބެހެއްޓުން (2) ޖާގައެއް ޚާއްޞަކުރުން
ރިޔާބަނުން
މ (1) ފަރުމާނުގައި އަޅާފައިވާ ރިޔާ ފަރުމާނަށް ކަހާލާ ފަރުމާނާއެކު އައްސައިލުން. (2) ރިޔާ ކުޑަކުރުމަށްޓަކައި ރިޔަލުން ބައެއް ފަރުމާނާއެކު އެއްސުން
ރިޔާސަތު ބެލެހެއްޓުން
މ ބައްދަލުވުމެއް ނުވަތަ ޖަލްސާއެއް ނުވަތަ ކޮމިޓީއެއް ހިނގަމުންދާއިރު އިސްމީހެއްގެ ގޮތުގައި އެބައްދަލުވުން ކުރިއަށް ގެންދިއުން
ރީނދޫބޭސް
ނ ބޭހުގެ ބާވެތެއް މިބޭސް ހުންނާނީ ރީނދޫ ކުލައިގައެވެ މިބޭސް ބޭނުންކުރަނީ ފެންފޮދެއްގައި ގިރައިގެންނެވެ މިބޭސް ކެނޑޭ ތަންތާނގައާއި މެށޭތަންތާގައި ފާރުހިއްކުމަށްޓަކައި އުނގުޅައެވެ
ރީސް
ނ އަލިމަސް ކަށްޓަކަށް ބިއްލޫރިގަނޑެއް ކަފާއިރު ނުވަތަ ފަށުއި ފޮތިގަނޑެއް ވީދާލާއިރު އެއިވޭފަދަ އަޑުއަޑު
ރީޗު
ނ (1) ނަގިލި ވައްޓާލީމާ ޗޭނަށް ދަތިނުވެ ފައިބައިގެން ދާނޭހެން ޖަހާ ސަނގަލާ (2) ސާރިދޯޅު
ރީޗުއެޅުން
މ ނަގިލި ވައްޓާލީމާ ޗޭނަށްދަތިނުވެ ފައިބައިގެން ދާނޭހެން ސަނގަލާ ޖެހުން
ރުއްކުރި
ނ ކަނޑާލާފައި ނުވަތަ ވެއްޓިފައި އޮންނަ ރުކެއްގެ ކުރިގަނޑު ނޮޅާ ސާފުކުރީމާ ހުދުކޮށް މަޑުކޮށް އޮންނަބައި މިއީކައި އުޅޭ އެއްޗެކެވެ
ރުއްގަލުބޭސް
ނ އެތެރެހައްޓަށާއި ކަށްޓަށް ހާނީއްކަ ވީމައާ ކަށިމުގުރުނީމާ ހަދާ ދިވެހި ބޭސް
ރުވާކެނޑުން
މ (1) މިޔަވާލިވަށަން ވަކަނެގުމަށްޓަކައި ރުވާގަހުން ދަނޑިކެނޑުން (2) މަޖާޒު: އެކަނި ވާހަކަ ދެއްކުން
ރޫލެޓް ފިލާގަނޑު
ނ ރޫލެޓްކުޅެން ގެންގުޅޭ ފިލާގަނޑު
ރެންޗު
ނ ބޯލްޓާއިނަޓު ބާރުކޮށް ދޫކުރުމަށް ބޭނުންކުރާ އާލަތެއް
ރެންޗުފޮށި
ނ (1) ރެންޗުލާ ފޮށި (2) ރެންޗު ސެޓު
ރެކުން
މ (1) ސަލާމަތްވެގަތުން (2) ތިމާއާ ދިމާއަށް އަންނަ އެތި ފަހަރަކުން ރައްކާވެގަތުން (3) ކަމަކާއި ޙަވާލުވެގެން ހުރެމެ އެކަމުގެ މަސްއޫލިއްޔަތު ކޮނޑުގައި ނޭޅުން (4) ހަލަނީން ފުރޭނުން (5) އެއްވެފައި ހުރި ދެވަރެއްގެ އޮށްޓަރު ބަތްޕޮޅިއަށް އަޅައިގެން ހަލާ ވަކިކުރުން