radheef.info
ރަދީފު


ގާ
ނ (1) ކެލްސިޔަމް ކާބަނޭޓުން ކަނޑުގެ މާހައުލުގައި އުފެދިގެން ބޮޑުވާ ހަރުއެއްޗެއް. މިއީ އޭގެ އަމިއްލަ ޒާތުގައި އުފެދި ގިނަވާ އެއްޗެކެވެ (2) ރާތަލެއްގެ ހަތަރުބައިކުޅަ އެއްބައި (3) ބައެއްކަހަލަ ތަކެތި ހިކިގެންވާހަރު މިސާލު: އުވަތައް ހުރީ ގާވެފައެވެ (4) ގަސްގަހާ ގެހި ކުރިލަމުން ހެދޭގޮތް ހުއްޓޭ ހުއްޓުން މިސާލު: އެމިރުސްގަސް މިހާރު ގާވެއްޖެއެވެ (5) މަޖާޒު: ކުދިން އުމުރާ އެއްވަރަށް ބޮޑުނުވެ ވާހަރު މިސާލު: އެކުއްޖާއެހެރީ ގާވެފައެވެ (6) ހިތްކޮށި މިސާލު: އެއީ ވަރަށް ހިތްގާ ކުއްޖެކެވެ
ބޮލުކަށިހެފުން
މ (1) މީހަކަށް ބޮނޑިއެއްދޭން އަނެކަކު ގާތު ވާހަކަ ދެއްކުން (2) ކުޓުވުން
ބޮޑަހަނދި
ނ ފަރުމަހުގެ ބާވަތެއް މިއީ ފަޅުފަޅާއިފަރުގެ ގާތަކުގެ ތެރޭގައި އައިން ހަދައިގެން އުޅޭމަހެކެވެ މިމަހުގެ ލޯބޮޑުވެފައި ހުޅުނބު ގިނަވާނެއެވެ ތާފަތުގެ ކައިރީގައި ކަށްޓެއްހުންނާނެއެވެ މިއީ ރީނދޫ މަހާއި ދާދިއެއް ވައްތަރަކަށްދާ މަޑު ފިޔާތޮށިކުލައެއް ހުންނަ މަހެކެވެ
ބޮޑައި
ނ ކުރިކީލަ މަހުގެ ބާވަތެއް މިއީ މޫދުގެ ތިލަ ހިސާބުގައި )ހުދުފަޅުމަތީ( އުޅޭ މަހެކެވެ އާންމުކޮށް މިމަސް ތިބެނީ ގާދަށުގައެވެ މިމަސް ދުވެ ހަދަނީ ފަސްގަނޑާއި ވަރަށް ކައިރިން ނަގޫފަތްޖެހޭ ހިސާބުންނެވެ މަހުގެ ކުލައަކީ ކަޅު އަޅި ކުލައެވެ ކުރިކީލަ މަހަށްވުރެ މިމަހުގެ ބޯ ބޮޑުވާނެއެވެ
ބޮޑައިބުރަކި
ނ )ވ.( ބުރަކީގެ ބާވަތެއް. މިބުރަކި އާދައިގެ ބުރެއްކަށްވުރެ ތަންކޮޅެއް ބޮޑެތިވާނެއެވެ. މީގެ ބޮޑުމިން ގާތްގަނޑަކަށް ދޮޅު އިންޗި ވަރުވާނެއެވެ
ބޮޑަދެއްކުން
މ (1) ދެކޮޅުވެރިކަމަކާ ނުލައި ދެރަނުވާންވެގެން ގޮތް ދޫނުކޮށް އުޅުން. (2) ކަމެއް ކުރާހިތުން ހުރެ ގޮތްދޫނުކުރުމުގެ ގޮތުން އެކަމެއް ނުކުރާން ބުނުން. (3) ބޭނުންވުމާއެކުވެސް ބޭނުންނުވާގޮތް ދެއްކުން. (4) ގާތްމީހަކު ލައްވައި ތިމާ ބޭނުންކަމެއް ކުރުވުމަށްޓަކައި ނުކިޔަމަންތެރިކަމެއް ނުވަތަ ނުރުހުމެއް ދެއްކުން
ބޮޑުހުޅުދޫ މީހުންގެ ވަކިވުން
)މިސާލުބަހެއް( އެކީގައި ތާކަށް ގޮސްގޮސްހުރެފައި އަނެކަކުގާތު ބުނުމަކާނުލައި ވަކިވެގެން ދާދިޔުމަށް ބުނެއުޅޭބަހެއް
ބޮޑުހޯގުޅާ
ނ ކަނޑުމަތީ ދޫންޏެއް މިދޫނީގެ ބޮޑުމިނަކީ ގާތްގަނޑަކަށް 51 ވަރަކަށް އިންޗިއެވެ މުޅިދޫނީގެ ކުލައަކީ ކަޅުކުލައާއި ގާތްކުރާ ގަދަމުށިކުލައެވެ ތުން ހުންނަނީ ކަޅު އަޅިކުލައެއްގައެވެ ފައިގެ ކުލައާއި ހަށިގަނޑުގެ ކުލަ އެއްގޮތްވާނެއެވެ ދޫނީގެނިސްބަތުން ތުންދިގުކޮށް ގަދަފަދަކޮށް ދައްކައެވެ ފިނދުފަތް ހުންނާނީ ކުރިއަށް ފޭހިފައި ހުންނަގޮތަށެވެ ބިސްއަޅާއުމުރުގެ ދޫނީގެ ފިޔައިގެ ދަށްފަރާތާއި އެކުބަނޑުދޮށް ފަރާތް ހުންނާނީ ހުދުކުލައިގައެވެ
ބޮޑުރާކަނި
ނ ރާކަނީގެ ބާވަތެއް މީގައި ގާތްގަނޑަކަށް ފޫޓެއްހާ ދިގުމިން ހުންނާނެއެވެ މީގެ އިނގިލިތައް ހުންނާނީ ތެދަށެވެ
ބޮޑުބާރު
ނ ދުނިޔޭގެ ސިޔާސީ މަސްރަޙުގައި ބާރުގެ ގޮތުން ނަގާ ކިޔާ ޤައުމު
ބޮޑުބިސްކޯދު
ނ (1) ކެބިން ބިސްކޯދު (2) ދޫނިޖެހި ބިސްކޫދު މިއީ ގާތްގަނޑަކަށް 3 ސޫތުހާ ބޯމިނުގައި ފަރާތެއްގައި 3 އިންޗި ހުންނަވަރުގެ ހަތަރެސްކަނަށާއި ވައްކޮށް ހުންނަ ބިސްކޯދެކެވެ މިހުންނަނީ ކުޑަވަރެއްގެ ޑަބިޔާއެއްގައެވެ ފަހަކަށް އައިސް ފާރޮށިގޭގޭގައިވެސް މިބިސްކޯދު ހަދައި އުޅުނެވެ
ބޮޑުބޭރަށްހިންގުން
މ 2131ހ ވަނައަހަރު މާލެއާއި މާލެއާކައިރި ރަށްރަށުގައި އުޅުނު ބޭރަށް ހިންގުމުގެ ރޯގާ
ބޮޑުބޯ
ނ ރާޒުވާ ކުޅިބައިގައި ހުންނަ އެންމެ ދިގުކުޅި މިއީ ކުޅިތައް އަތުރާއިރު ބޭރުން ތިންވަނަ ކުޅިއެވެ މިކުޅި ހިނގާނީ ކަންކުއްޗަށެވެ
ބޮޑުކޯއްޓޭ
ނ އިހުގައި ބޭރުން އަންނަ ނައުޒޯނގުފަހަރު އެތެރެއަށް ވަނީމާ ދިދަނަގާން މާލޭ ބޮޑުކޯއްޓޭ ބުރުޒުމަތީ ކަސްޓަމުގެ އުތުރުން ހުރި ކޯއްޓޭ
ބޮޑުވައި އިނގިލި
ނ އަތްތިލަޔާއި ފައިތިލައިގައި ހަށިގަނޑާ ގާތްފަރާތުން ފުރަތަމަ އިނގިލި
ބޮޑުމަސް
ނ (1) ބޭރު ކަނޑުގައި އުޅޭ ބިޔަ ބޮޑެތިމަސް (2) ދުންލާމަސް (3) ފޯކުޅޭއިރު ފަނުން ވިޔެފައި އޮންނަ މަސް (4) )ނކ ( ދުނިޔެ ވަށައިގެން ހިނގާކަމަށް ހީކުރާ ޚިޔާލީ މަހެއް
ބޮޑުފަނި
ނ އަނބުގަހާ ބަނބުކެޔޮގަހުގެ ފީވާތަންތާ އުފެދޭ ފަންޏެއް މިއީ ގާހުއްޔަށް ބަދަލުވާ ފަންޏެވެ މިއީ ގަދަ ރީނދޫ ކުލަޔަކަށްދާ ފަންޏެކެވެ ބޮޑުމިން ކާޅުދޮންކެޔޮ ވަރުވާނެއެވެ
ބޮޑުފާގަ
ނ ފާގައިގެ ބޮޑެތި ވައްތަރު މިހުންނާނީ އާދައިގެ ފާގަޔަށްވުރެ އުންތައް ތަންކޮޅެއް ފަތާކޮށެވެ ބޮޑުމިން އާދައިގެ ތޮރަޔާ ގާތްކުރާނެއެވެ
ބޮޑުތަދު
ނ 6331ހ ވަނައަހަރު 4191މ ން 8191މ އަށެވެ ހުއްޓުނު ބޮޑު ހަނގުރާމަޔާ ވިދިގެން ރާއްޖެއަށް އައި ތަދު މިތަދު ގާތްގަނޑަކަށް 2 އަހަރެއްހައި ދުވަސް ވާންދެން ދެމިއޮތެވެ
ބޮޑުގާވިޔާ
ނ ދެ ގާވިޔާއިން ތިރީގާވިޔާ
ބޮޑުގާދޫނި
ނ ކަނޑުމަތީ ދޫންޏެއް މިއީ ބޮލުގެ ނިތްމަތި ހުދުކޮށް ހުރެފައި ތަލައިން ފެށިގެން ކަނދުރާމައްޗަށް ކަޅުކޮށް ހުންނަ ދޫންޏެކެވެ ފިޔަގަނޑު މައްޗާ ބުރަކަށިމަތި ހުންނަނީ އަޅިކުލައިގައެވެ ބަނޑުދޮށް ފިޔަދަށާއެކު ހުންނަނީ ހުދުކުލައިގައެވެ މިއެންމެ އެއްގޮތްވަނީ އައިންމަތީ ގާދޫންޏާއެވެ