radheef.info
ރަދީފު


ތަކަ
ނ ދާބަންނަ ރޮދި އަނބުރަން ގެންގުޅޭ އެތި
ފެންދިނުން
މ (1) ބޯފެންދިނުން. (2) ގަސްގަހަށް ފެންއެޅުން. (3) ދަނޑު ދަނޑަށާއި ބަގީޗާތަކަށް ފެންދޫކުރުން (4) ކަތިލާ ތަކެއްޗަށް ކަތިލުމުގެ ކުރިން ފެން ބޯންދިނުން
ފެންދޭމީހާ
ނ (1) ކެއުމުގެ ކުރީގައި އަތްދޮއްވުމަށް ކުރަޔާއި ލޯގަނޑާ ހިފައިގެން އައިސް އަތްދޮއްވާމީހާ (2) ކަރުހިއްކުން ފިލުވައިދޭމީހާ (3) ގަސްތަކަށް ފެންޖަހާމީހާ
ފެންތާނގި
ނ ގިނަފެން ޖަމާކޮށްފައި ބެހެއްޓުމަށްޓަކައި ވަކިގޮތަކަށް ހަދައިފައިވާ އެއްޗެއް
ފެންލައިޓް
ނ ވަޔާއި އަލިވެއްދުމަށްޓަކައި ދޮރުގެ މަތީގައި ހުންނަ ކުޑަދޮރެއް ބައެއްފަހަރަށް ދޮރެއްގެމަތީގައި ނޫންގޮތަކަށްވެސް މިދޮރުހުރެއެވެ
ފެންގޮތް
ނ މަޖާޒު: ކަމެއްގެ ތެރޭގައި ހުންނަ ރޫޙެއް ނެތް ލޮނުމަޑުގޮތް މިސާލު: މިފަހަރު މިކަންތައް މިދިޔައީ މާފެންގޮތަކަށެވެ ނުވަތަ މިފަހަރު ޢީދުގެ ކަންތައް މިދިޔައީ މާ ފެންގޮތަކަށެވެ
ފެންޑާ
ނ (1) ދިވެހިން ގެދޮރު އެޅުމުގައި މައިގޭގެ މައިދޮރޯއްޓާ ވީ ފަރާތަށް އިތުރު ކުރާބައި. (2) ދިވެހިން ގެދޮރު އެޅުމުގައި މައިގެއާއި ގުޅައިގެން ކޮންމެ ފަރާތަކަށް ވިޔަސް އިތުރު ކުރާބައި. މިބައި ހުންނާނީ މައިގެޔަށްވުރެ ތިރިކޮށް ބަންދު ނުކުރެވޭ ގޮތަށެވެ
ފެތުރުން
މ (1) ހާމަކުރުން. (2) މަޢުލޫމާތު ޢާއްމުކުރުން. (3) ތަރަފާލު ކުނާ ސާންތިފަދަ އެއްޗެއް އެޅުން. (4) ފޮތިފަދަ އެއްޗެއް ތަނެއްގައި ނިއުޅައިފައި ބެހެއްޓުން. ނުވަތަ ތަނެއްގައި ބާއްވައި ނިއުޅުން. (5) ރޭޑިޔޯގެ ޒަރީޢާއިން ދުރަށް އަޑުފޮނުވުން. (6) ފުންޏަކަށް ހުންނަ އެއްޗެއް ދުރަށް ބެހިގެން ދިއުން. (7) ބައެއް ކަހަލަ ކަންކަމާއި ތަކެތި ގިނަވަމުން ދިއުން. މިސާލު: ރޯގާފެތުރުން ޚަބަރު ފެތުރުން ފެތުރިއާއި ދަދު ފަދަ ތަކެތި ހެދެމުން ބޮޑުވަމުން ދިއުން (8) ފަތުގައި ނުވަތަ ކަފަފަދަ އެއްޗެއްގައި ވަކިގޮތަކަށް ބޭސް ހޭކުން (9) ތުންތުން މަތިން ވާހަކަ ނަގުލު ކުރުން
ފޭހުން
މ އެއްޗެއްގެ ކޮޅު ވަކިގޮތަކަށް ތޫނުކުރުން
ފޮނަހަކުރުން
މ (1) އެއްޗެއް ކުޑަގޮތަކަށް ކައްކައިލުން (2) ފޮނުފޮޅުވައިލުން
ފޮނު
ނ (1) ދިޔާ އެއްޗަކަށް އަންނަ ބަދަލަކުން ނުވަތަ އަންނަ ހަރަކާތަކުން އެއެއްޗެއްގެ މަތީގައި އުފެދޭ ކުދިކުދި ބޮކިތަކަކުން އެކުލެވިފައިވާ ހުދު ކުލައިގެ އެއްޗެއް. (2) އަނގައިގެ ތެރޭގައި ކުޅުން އުފެދޭ ކުދިކުދި ބޮކިތަކެއްހެން ހުންނަ އެއްޗެއް. (3) ރާޅު މުގުރާ އިރާއި ރާޅުޖަހާއިރާއި ބިންދާއިރު އަރާވައިގެ ބޮކި ތަކަކުން އުފެދޭ ހުދުކުލައިގެ އެއްޗެއް. (4) އަލިފާން ނިއްވުމަށްޓަކައި އުފައްދައިފައި ހުންނަ ލޮލަށް ނުފެންނަހާ ކުދިކުދި ބޮކިތަކަކުން އެކުލެވޭ ހުދުކުލައިގެ އެއްޗެއް. (5) ސައިބޯނި އޯމޯ ފަދަ ތަކެތި ފެނާ އެކުވުމުން އަރާވައިގެ ބޮކިތަކެއް
ފޮޅިދަނޑިގަނޑު
ނ ފޮޅި ފިހާއިރު ފޮޅިނަގަން ގެންގުޅޭ އެއްޗެއް މި އޮންނާނީ ދޭފަތާ ވައްތަރު ގޮތަކަށް ތަންކޮޅެއް ފުޅާކޮށެވެ މީގެ ކުރީ ކޮޅު ހުންނާނީ ލެބޭ ވަރަށް ތުނިކޮށެވެ
ފޮޅުން
މ (1) މާމަލުގެ ފިޔަތައް ހުޅުވުން. (2) ގޮވާމާއި ހަވާދު ފަދަ ތަކެތީގެ ކުނޑި ފިލުވުމަށް ނުވަތަ އޭގެ އެކިއެކި ބައިބައި ވަކިކުރުމަށް ބަތްޕޮޅި ނުވަތަ ދޮލަނގެއް ފަދަ އެއްޗަކަށް އަޅައިގެން ވަކިގޮތަކަށް ޙަރަކާތްކުރުން (3) ތަނެއްގައި ހުރި ހިރަފުހާއި މަކުނުވާ ފަދަ އެއްޗިހި ފޮތިގަނޑެއް ނުވަތަ އެނޫންވެސް އެއްޗަކުން ތަޅައިގެން ސާފުކުރުން (4) ހަނާކުރާއިރު ގޮވާމުގައި މާޖެހުން (5) ތަންތަނުން ދަވާދު ދަބަރު ފަދަ އެއްޗިހި އުފުލި ކެނޑިކެނޑިގެން ނެއްޓުން (6) އެކިއެކި ގޮތްގޮތް ދިމާވެގެން ގައިގެ ހަން ތޮށިތަކެއްހެން ނެއްޓެމުން ދިއުން (7) ތަނަކަށް އެޅިފައި ނުވަތަ ތަނެއްގައި ހަރުލައިފައި ހުންނަފެން އަތުގެ ނުވަތަ އެނޫންވެސް އެއްޗެއްގެ ޙަރަކާތުން ބުރުވައިލުން (8) ނޭފަތުގައި ހުންނަ އަރިދަފުސް ނެރެ ސާފުކޮށްލުން (9) މަޖާޒު: އުފަލުން ގޮސް މޫނުމަތި އުޖާލެވެގެން ދިއުން
ފޮޅުވައިލުން
މ (1) ހުޅުވައިލުން (2) ނިއުޅައިލުން (3) ވޮލީ ކުޅޭއިރު ބޯޅަ މައްޗަށް ފޮނުވައިލުމަށް އަތުގެ އިނގިލި ތަކަށް ގެންނަ ޙަރަކާތް ގެނައުން (4) ގައިގައި ހިފަހައްޓާފައި ހުރިމީހަކު ގައިން ނައްޓުވައިލުން
ފޮއްގަސް
ނ ހުތްފޮނި ރަހަލާ މޭވާއެއް އަޅާގަހެއް މި މޭވާގެ ބޭރުތޮށިގަނޑުގައި މަޚްމާ ކަހަލަ ގޮތަކަށް ފުށް ހުރެއެވެ
ފޮއްސިވުން
މ (1) މޫނު ނުވަތަ މުޅި ހަށިގަނޑު ވަކިގޮތަކަށް ދުޅަވެފައި ނުވަތަ ބޯވެފައި ހުރުން
ފޮތި
ނ (1) ފޭރާން. (2) ރޮދިން ވިޔެފައި ހުންނަ އެއްޗެއް. މިއީ ފޭރާމަށާއި އެހެނިހެން ބޭނުންތަކަށް ގެންގުޅޭ އެއްޗެކެވެ. (3) ބޯކިބާ އަނބު ފަޅޯ ފަދަ އެއްޗެހި ކަފައިފައި ހުންނައިރު އެއިން ބައެއް. (4) މަޢުދަނަކުން ނުވަތަ ލަކުޑިން ތުނިކޮށް ވަކި ސައިޒަކަށް ހަދައިފައިވާ އެއްޗެއް. (5) މަޢުދަނަކުން ނުވަތަ ލަކުޑި ފަދަ އެއްޗަކުން ދިގުކޮށް ނުވަތަ ތުނިކޮށް ވަކިކޮށްލެވޭ ބައެއް (6) ބައެއް ތަކެތި ކައްކާ އޮލަވީމާ އޭގެ ތެރެއަށް އުނދުޅިއާއި ދޭފަތް ފަދަ އެއްޗެއްލައިފައި ނެގީމާ އެއިން ފައިބާ އެތިއެތިކޮޅު
ފޯމު
ނ (1) އެކިކަންކަމަށް އެދޭ މީހުންނާއި އެކި ތަންތަނަށް ވަންނަ މީހުންނާބެހޭ މަޢުލޫމާތު ލިޔާގޮތަށް ހުސްތަންތަން ދޫކޮށްފައި އޮންނަ ލިޔުމެއް ނުވަތަ ކަރުދާހެއް (2) ޘާނަވީ ކިލާސްތަކަށް ކިޔައި އުޅުނު ނަމެއް (3) ކިޔަވާ ކުދީންނަށް އިމްތިޙާނު ނިމިގެން ދޭނަތީޖާއާއި ފެންވަރު އަންގައިދޭ ކަރުދާސް
ފޯލިއެޅުން
މ ރިޔަނެއްގެ ދިގުމިނުގައި ފަރާތަކަށް ބާރަ ނުވަތަ ސޯޅަފަށް ވާގޮތަށް ރޯނުފަށް އޮޅުން
ދަށުރޮނގު
ނ ލިޔުންތަކުގެ ވަކިބަސްބަހަށް ނުވަތަ ވަކި އިބާރާތްތަކަށް ބާރުލުމުގެ ގޮތުން ފާހަގަކުރަން ތިރީގައި ދަމައިލާ ރޮނގުބުރި ނުވަތަ ރޮނގު
ދަށްބިތް
ނ (1) ވައިދަށްފަރާތް (2) އަތޮޅެއްގެ އިރުމަތީ ދުނީގައި އެތުރިފައިވާ ރަށްތައް މިރަށްތަކަށް ދަށްބިތޭކިޔަނީ ރާއްޖޭގައި ޢާންމުގޮތެއްގައި ވައިޖެހެނީ ހުޅަނގުން ނުވަތަ ހުޅަނގު އުތުރުން ކަމަށްވާތީއެވެ