radheef.info
ރަދީފު


ދުން
ނ (1) ބައެއް އެއްޗެހި އަނދާއިރު ހުޅުގަނޑުގެ މަތިން ވައިގެ ތެރެއަށް އަރައިގެންދާ ގަދައަޅިކުލައިގެ ނުވަތަ ކަޅުކުލައިގެ ގޭސް (2) ދުން އެޅުމަށްޓަކައި ތައްޔާރުކޮށްފައި ހުންނަ މީރުވަސް ދުވާތަކެތި (3) )ބދ ( ބުޅާ
ކުރިއަތުލުން
މ (1) ބާޒީ އަތުލުން (2) ވާދަކޮށްގެން ކުރިހޯދުން
ކުރިފެޅުން
މ (1) މަޖާޒު: ދެކެވެމުންދާ ވާހަކަ އަކުން އާވާހަކައެއް އުފެދުން (2) ގަސްގަނޑުން ނިރު ނުކުތުން
ކުރިޖެހުން
މ ކައްޓަލަ ވެޔޮ ބުރިބުރިކޮށްގެން އިންދުން
ކުރުވުން
މ (1) ދިގުމިނުން މަދުވުން (2) މީހަކު ނުވަތަ ބަޔަކުލައްވާ ކަމެއް ކުރުވުން ނުވަތަ އެއްޗެއް ހެއްދުން
ކުރެހިފާނަ
ނ ފާނައިގެ ބާވަތެއް މިއީ ރާއްޖޭގެ ފަރުފަރާއި ފަޅުތަކުގެ ބޭރުގައި އުޅޭ ވަރަށް މަދުމަދުން ފެންނަ މަހެކެވެ
ކުރެއްވުން
މ (1) ކުރުން މިބަހަށް މާތްކޮށް ކިޔާގޮތް (2) މީހަކު މެދުވެރިކޮށްގެން އެހެން މީހަކު ނުވަތަ ބަޔަކުލައްވާ އެއްޗެއް ހެއްދުން ނުވަތަ ކަމެއް ކުރުވުން
ކުޅެވަޑައިގަންނަވާބޮޑުލަވަ
ނ ދަނޑިބެރުގެ ލަވައެއް މީ ސަމާގައި ރަދުން ކުޅި ޖެއްސެވުމަށް ނުކުމެވަޑައިގަންނަވާނަމަ ޖަހައި އުޅުނު ލަވައެކެވެ
ކުމުންޒާނި
ނ ހުވަނދު ބޭހުގެ ބާވަތެއް. މިއީ ގަހެއްގެ ކިރެކެވެ. މިހުންނަނީ ނީކުނޑި ކުލައިގައެވެ. ދުންއަޅާށާއި އަތަރު ހަދަންވެސް ބޭނުންކުރެއެވެ މީގެ ދުމުގައި މީރުވަސް ދުވައެވެ
ކުފި
ނ (1) މަޑުނޫކުލައެއްގައި ހުންނަ ވަރަށްތުނި ކުޑަބޮއްޔެއް (2) )ހ ( އަނދުންހުލި (3) ބދ ލޮލުގެ ކަޅި
ކުފުރު
ނ (1) ކަލާނގެ ރަސްކަން ފުޅު ވޮޑިގެންވާކަން ޤަބޫލުނުކުރާ ނުކުރުން (2) ކަލާނގެ ރަސްކަންފުޅާމެދު އިހާނެތިކޮށްބުނާ ބުނުން (3) ލިބޭ ނިއުމަތަށް ދެކޮޅުހަދާ ހެދުން (4) މަޖާޒު: ކަމަކާހެދި މާބޮޑަށް އެދިގަނެގެން އުޅޭ އުޅުން
ކުފުރުވުން
މ (1) ކަލާނގެ ރަސްކަންފުޅު ވޮޑިވާކަން ގަބޫލުނުކުރުން (2) ކަލާނގެ ރަސްކަންފުޅާމެދު އިހާނެތި ކޮށް ބުނުން (3) ލިބޭ ނިޢުމަތަށް ދެކޮޅު ހެދުން (4) މަޖާޒު: ކަމަކާ ހެދި މާބޮޑަށް އެދިގަނެގެން އުޅުން
ކުދިފަތް
ނ ކުދި ދުންފަތް
ކުދިދުންފަތް
ނ (1) ދުންފަތުގެ ބާވަތެއް މިއީ ބޮޑުދުންފަތާ ޚިލާފަށް ފަތްބޯ ދުންފަތެކެވެ ފަތްހުންނާނީ ވަށްކޮށް ކުދިކޮށެވެ މިއީ ޢާންމުކޮށް ދުފަން ބޭނުންކުރާ ދުންފަތެކެވެ މީގެރަހަ ގަދަވާނެއެވެ (2) ދުފާފަތް (3) ކުދިފަތް
ކުލަހެދުން
ނ އެބައެއްގެ ޔުނިފޯމް ފިޔަވައި އެހެނިހެން ހެދުން
ކުލުނު
ނ (1) ލޯބި (2) ދެޖިންސުގެ ދެމެދުގައި ފާޅުކުރާ ޝަހުވާނީ އެދުން
ކުޑަހިތި
ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަކުރި ދެދުވަހާއި އެދެދުވަހުގެ ރެއަށް ކިޔާއުޅުނު ނަމެއް. ރަމަޟާންމަހުގެ 26 ވަނަ ދުވަހަކީ ހޭންވޭރު ކުޑަހިތި ދުވަހެވެ. އެދުވަހުގެރެއަކީ ހެންވޭރު ކުޑަހިތިވިލޭރެއެވެ. ހެންވޭރު ކުޑަހިތިވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ މެދުޒިޔާރަތްދޮށަށް ޒިޔާރަތްކުރައްވައި ފާތިޙާ ވިދާޅުވާށެވެ. ދެން އަންނަނީ މާފަންނު ކުޑަހިތިދުވަހެވެ. އެއީ ރަމަޟާންމަހުގެ 28 ވަނަ ދުވަހާއި އެދުވަހުގެރޭ 29 ވިލޭރެއެވެ. މިރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ފަޤީހުސުލައިމާނުގެ ޒިޔާރަތްދޮށަށް ޒިޔާރަތްކުރައްވައި ފާތިޙާ ވިދާޅުވާށެވެ. (2) ކ އަތޮޅުގެ ފަޅުރަށެއް
ކޫރު
ނ (1) އުނިކަމެއް ލިބުމާއެކު އެޅޭ ހިމަރޮނގު (2) ލޮލުގެ ކުޑަކޮޅުން ކަންފަތާއި ދިމާއަށް ދަމާ އަނދުން ރޮނގު (3) ރޮނގު
ކެހެނިއެރުން
މ މަޖާޒު: ޖިންސީ އެދުން އުފެދުން
ކެނދި
ނ (1) ކަނދުގަހުގެވަކި (2) ކެނދުން މިބަހުގެ ނިމިނިމުނުކަން
ކެނޑުން
މ (1) ގައިގެ ތަނެއް ތޫނު އެއްޗަކުން ކެފުން. (2) ކޮޅަށް ހުރި ގަހެއް ތޫނު އެއްޗަކުން ބުރިކުރުން. (3) އެއްޗަކުން އަނެކައްޗެއް އަޅައިގަންނާނެހެން ތަނެއްކޮށައި އުނިކުރުން. (4) ގަހެއްގެ ފަތެއް މަލެއް މޭވާއެއް ކޯޅިއެއްފަދަ އެއްޗެއް ތޫނު އެއްޗަކުން ވަކިކުރުން. (5) ބައެއް މޭވާ ކެއުމަށްޓަކައި ފަޅިކުރުން ނުވަތަ ބުރިކުރުން. (6) މޫދުމަސް ބޭނުމަށްޓަކައި ފަޅައި ކޮށުން. (7) ވަލެއް ރޮއްޖެއްފަދަ އެއްޗެއް ބުރިކުރުން. (8) ހިސާބުގެ އިޞްތިލާޙުގައި އެއް އަދަދަކުން އަނެއް އަދަދެއް ނެގުން. (9) ބައެއް ގޮވާން ވަނަށް އަޅައިގެން ތަޅައި ތޮށިފިލުވުން. ނުވަތަ ސާފުކުރުން. )01( ތާސްކުޅޭއިރު އަތްބައި ބެހެއްޓުމަށްޓަކައި ގަނޑުތައް އަތްމަތީ ބަހައްޓައިގެން އެއްކޮށްލައި އޮޅުވައިލުން. (11) ވޭވޭހުންނަ ބައެއް ކަންތައްތައް ނުވަތަ ހިނގަހިނގާ ހުންނަ ބައެއްކަންތައްތައް ހުއްޓުން. މިސާލު: )ހ( މުސާރަކެނޑުން. )ށ( ޚަރަދުކެނޑުން. (21) ދެމީހެއްގެ ދެމެދުގައި އޮންނަ ގާތްކަން ނެތިގެންދިއުން. މިސާލު: ގުޅުންކެނޑުން. )31( ވަކި އެއްޗެއް ފެހުމަށްޓަކައި އެއެއްޗަކަށް ބޭނުންވާގޮތަށް ފޮތި ކެފުން. މިސާލު: )ހ( ހެދުން ކެނޑުން. )ށ( ފަޓުލޫނު ކެނޑުން. )41( އެއްކޮށް އޮތް ފޮތިގަނޑެއްފަދަ އެއްޗަކުން ބައެއް ވަކިކުރުން. )51( ތޫނު އެއްޗަކުން ގުނަވަނެއް ނުވަތަ ގުނަވަނަކުން ބައެއް ބުރިކުރުން )61( އެމީހަކު ހުރި ކަމަކުން ވަކިވުން މިސާލު: )ހ( އޮފީހުން ކެނޑުން )ށ( މަދުރަސާއިން ކެނޑުން )71( ބަންދުކޮށްފައި ހުންނަ ބައެއް އެއްޗެހި ހުޅުވުން މިސާލު: )ހ( ސިޓީކެނޑުން )ށ( ފޮށިކެނޑުން