radheef.info
ރަދީފު


މި
ނ ކައިރީގައިވާ އެއްޗަކަށް އިޝާރާތްކޮށް ބުނާ އިޝާރާތުގެ ނަމެއް މިސާލު: )ހ( މިފޮތް )ށ( މިކަންނެޔޮ
ހުށިގެނޑި
ނ )ސ ( އެއްލަކުޑި ގަނޑަކުން ދެފައި ހުންނަގޮތަށް ހަދައިފައި ހުންނަ ތިރިގޮނޑި މިއީ އާއްމު ގޮތެއްގައި ބަދިގެދޮށުގައި ބޭނުންކޮށް އުޅޭ އެއްޗެކެވެ
ހުށޫ
އ ހުށި މިބަސް ފަދައިން ކުރާ އަމުރެއްގެ ފަހަތަށް އިތުރުކުރާ އަކުރެއް މިސާލު: ނަމާދަށް ހަރަމްބަނުމުގެ ކުރީގައި ޤިބުލައަށް ކުރިމަތިލާހުށި ނުވަތަ ކުރިމަތިލާހުށޫ
ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ހުނގު
ނ ގަހެއްގެކިރު މިއީ ބޭހަށް ގެންގުޅޭ އެއްޗެކެވެ މީގައި ޒަވިވަހެއް ދުވާނެއެވެ
ހުނގުމަސް
ނ ފަރުމަހުގެ ބާވަތެއް މިމަހުގެ އަނގަހުންނަނީ މަހުގެ މައްޗަށް ވާގޮތަށް ތެދަށެވެ މަހުގެ ކަރުތާފަތް ގަނޑުގެ ތިރީބައިގައި ރާޅުކަމެއް ހުރެއެވެ މަހުގެ ހަމުގައި ރާޅުކޮށް ހުންނަ ކުދި ހުޅުނބުތަކެއް ހުރެއެވެ ނަގޫފަތުގެ ދެކޮޅު ފަހަތަށް ދިގުކޮށް ހުރެއެވެ މިމަހުގެ ކުލައަކީ ރަތްކުލައެވެ
ހުނގުލާބޮލާއެޅުން
މ (1) ބޮލުރޯނާ ހުނގުލިރޯނާ ދިމާވާނޭހެން ފަންގެލުން މިއީ ފުރާޅު ފަންގެލުމުގެ އެންމެ ދެރަގޮތް (2) މަޖާޒު: ދެމީހުން ދެކޮޅަށް ތިބެގެން ޖިންސީ ގުނަވަން ބުއިން
ހުނގުގަސް
ނ އިރުމަތީގެ ޤައުމުތަކުގައި ހެދޭ ކެރެޓްއާއިލާގެ ގަހެއް މިގަހުން ނުބައިވަސްދުވާ ތަތްކިރެއް ނެގެއެވެ އެކިރަކީ ބޭހަށް ބޭނުންކުރާ އެއްޗެކެވެ އެއަށް ކިޔަނީ ހުނގެވެ
ހުނސްޖެހުން
މ ޒުވާބުކުރާމީހާ ދެރަކޮށްލާން "ހުނހ" މިއަޑުއިއްވުން
ހުނަރުވެރިން
ނ ހުނަރުވެރިޔާ މިބަހުގެ ގިނަގޮތް
ހުނަމަލެވެމަ
ނ )ގ ( ވެނުގެ ބާވަތެއް މިއީ ގަދަމުށިކުލައިގެ ވެނެކެވެ
ހުނިހައް
ނ ފޫއެނބުރީގެ ވައްތަރެއް މިއީ ދޮންކުލައިގައި ހުންނަ ވަރަށް ތުނި ބޮއްޔެކެވެ
ހުނިބޮޅު
ނ ހުނިގުރާބުގެ ތެރެއަށް އިނގިލި ބާނައިގެން ދުފުމަށް ބޭނުންކުރަން ނަގާ މިންވަރު
ހުނިބޮލި
ނ (1) ބިލެތްހުނި އަޅަން ހަދާފައިވާ އެއްޗެއް (2) ބޮލީގެ ބާވަތެއް މިއީ ހުދުކުލައާއި މުށިކުލައިގެ ރޮނގުތަކެއް ފާޅުކޮށް އެނގެންހުންނަ ބޮއްޔެކެވެ (3) )ސ ( ދޮންއަނގަ
ހުނިގޮނޑިފިލާ
ނ ހުނިގޮނޑި ތިލަހެން ފަތްހުންނަ ވެލަށްހެދޭ ފަތްޕިލާ ވެއްޔެއް މިއީ ވިނައިގެބާވަތެކެވެ މިފަތް ދިވެހިބޭހަށް ބޭނުންކުރެވެއެވެ
ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ހުންބަލާ ކަށިގަނޑު
ނ ހޫނުމިން ބެލުމަށްޓަކައި ބިއްލޫރިން ހިމަދިގުކޮށް ހަދާ އެތެރެއަށް ދިރޭރަހަ އަޅާ ބޭރުގައި ދަރަޖަތަކެއް ޖަހައިފައި ހުންނަ އާލާތެއް މީގެ އެއްކޮޅުގައި ދިރޭރަހަ ހަރުލާ ވަރަށް ފަލަކޮށް ހުންނަ ތަންކޮޅެއް ހުންނާނެއެވެ އެތެރޭގައި ވަރަށް ހިމަ ލޯވަޅެއް ހުރެ ހޫނުވުމުން އެލޯވަޅުން ދިރޭރަހަ ދަތުރުކުރާނެއެވެ ފިނިވާއިރަށް ފަލަތަނަށް ދިރޭރަހަތައް ފައިބާނެއެވެ
ހުންކޮށި
ނ މައިދާގެ ވައަތްފަރާތު މަތީގައި އޮންނަ ގުނަވަނެއް ބައެއް ހުމުގައި މިގުނަވަން ބޮޑުވެ ބަނޑަށް އުނދަގޫވެސްވެއެވެ
ހުންއައުން
މ (1) ބައްޔެއްގެ ސަބަބުން ހަށިގަނޑުގެ ހޫނުމިން މައްޗަށް ދިއުން (2) "ހުން" ބަލާ
ހުންގާނު
ނ (1) ފުރާނަނެތް ދުއްވާތަކެތި ބޭނުން މިޞްރާބަކަށް ގެންދާން ހުންނައާލަތެއް މަޖާޒު: (2) އަނބިމީހާ (3) ބެލެހެއްޓުންތެރިޔާ
ހުންގާނުހިފުން
މ (1) ދުއްވާ އެތިގަނޑު ބޭނުން މިޞްރާބަކަށް ގެންދިއުން (2) ހުންގާނުން ބޭނުންކުރުން (3) މަޖާޒު: ފިނދުކެހުން